!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Забрани за камиони на повеќе патни правци, сообраќајот се одвива отежнато и во зимски услови


Скопје, 19 јануари, 2017 - 10:25 (META) 

Забрани за сообраќај на тешки товарни возила има на планинските премини Стража и Ѓавато, како и на Маврово и на патниот правец Валандово – Дојран, а од 8 часот утрово затворен за сообраќај на тешки возила е и магистралниот пат Скопје – граничен премин Долно Блаце, информираат од Автомото-сојузот на Македонија (АМСМ).

Од 9.30, односно од 10 часот, укинати се забраните за сообраќај на тешки товарни возила на планинските премини Пресека и на Плетвар. Патниот правец Скопје – Македонски Брод, преку природниот резерват Јасен и понатаму останува непрооден.

Сообраќајот на државните патишта, според АМСМ, се одвива отежнато, во зимски услови, по влажни коловози, со остатоци од кашест снег, по интервенција на дежурните екипи од „Македонија пат“, а снег со слаб интензитет паѓа во целата држава.

Во клисурите и во засеците можна е појава на помали одрони, особено на патните правци Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

Интензитетот на сообраќај на патните правци надвор од градските средини е умерен. На македонската страна на граничните премини нема подолги задржувања за влез и за излез од државата, освен на граничниот премин Деве Баир кон Бугарија каде за излез од Македонија се чека до 30 минути.

Од АМСМ препорачуваат исклучително внимателно возење, прилагодена брзина на движење и почитување на поставената сообраќајна сигнализација.


Забрана за камиони на Стража и на Пресека


Скопје, 18 јануари, 2017 - 18:24 (META) 

Забрана за сообраќај за тешки товарни возила има на патните правци Маврово – Дебар, Ресен – Битола, Гостивар – Кичево, преку планинскиот премин Стража, како и на планинскиот премин Пресека, соопшти Автомото-сојузот на Македонија.

Патниот правец Скопје – Македонски Брод преку Јасен е непрооден.

Сообраќајот на државните патишта се одвива отежнато, во зимски услови, по влажни коловози, со остатоци од кашест снег. Снег со слаб интензитет паѓа во целата држава, освен во источниот дел.

Во клисурите и во засеците можна е појава на помали одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

АМСМ препорачува исклучително внимателно возење, прилагодена брзина на движење и почитување на поставената сообраќајна сигнализација.


Сообраќајот и понатаму се одвива отежнато, во зимски услови


Скопје, 18 јануари, 2017 - 10:00 (META) 

Забрани за сообраќај за тешки товарни возила утрово има на планинскиот премин Ѓавато, како и на патниот правец Маврово – Дебар, додека од 9 часот сообраќајот на патниот правец Кичево – Гостивар преку планискиот премин Стража е нормализиран за тешки товарни возила, информираат од Автомото-сојузот на Македонија (АМСМ). Набргу се очекува да се нормализира сообраќајот и во обратен правец, од Гостивар кон Кичево.

Според АМСМ, патниот правец Скопје – Македонски Брод преку природниот резерват Јасен е непрооден.

Сообраќајот на државните патишта се одвива во зимски услови, по влажни коловози, со остатоци од кашест снег, по интервенција на дежурните екипи од „Македонија пат“.

Магла со видливост до 50 метри има на Плетвар, а снег со слаб интензитет паѓа во Kрива Паланка, Дебар, Ресен, Ѓавато, Пресека, Железнец, Штип, Сарамзалино, Павлешенци, Делчево, Велес, Неготино, Кула и Петровец, додека слаб дожд врне во Удово и во Гевгелија.

Во клисурите и во засеците можна е појава на помали одрони, особено на патните правци Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

Интензитетот на сообраќај на патните правци надвор од градските средини е умерен. На граничните премини, на македонската страна, нема подолги задржувања за влез и за излез од државата.

ОД АМСМ препорачуваат исклучително внимателно возење, прилагодена брзина на движење и почитување на поставената сообраќајна сигнализација.


Сообраќајот се одвива отежнато, забрана за камиони на Стража и на Пресека


Скопје, 17 јануари, 2017 - 9:53 (META) 

На патните правци Кичево – Охрид, преку планинскиот премин Пресека, и Гостивар – Кичево, преку планинскиот премин Стража, има забрана за сообраќај на тешки товарни возила, информира Автомото-сојузот на Македонија.

Патниот правец Македонски Брод – село Здуње на кој гравитираат 11 села, сè уште не е прооден за секаков вид на сообраќај, а патниот правец Скопје – Македонски Брод преку Јасен е непрооден поради големи снежни наноси.

Сообраќајот на државните патишта се одвива отежнато, во зимски услови, по влажни коловози со остатоци од снег на коловозот. Врнежи од снег со променлив интензитет се бележат низ цела територија на државата, освен во Гевгелија каде врнежите се од дожд и од снег.

Во клисурите и во засеците можна е појава на помали одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

АМСМ препорачува исклучително внимателно возење, прилагодена брзина на движење и почитување на поставената сообраќајна сигнализација.


Забрана за тешки товарни возила на патот Гостивар – Кичево


Скопје, 16 јануари, 2017 - 19:39 (META) 

На патниот правец Гостивар – Кичево преку планинскиот премин Стража, од 18.30 часот е воведена забрана за сообраќај на тешки товарни возила, информира Автомото-сојузот на Македонија.

Патниот правец Македонски Брод – село Здуње, на кој гравитираат 11 села, сè уште е непрооден за секаков вид возила.

Сообраќајот на државните патишта се одвива отежнато, во зимски услови, по влажни коловози со остатоци од снег на коловозот, по интервенција на екипите на „Македонија пат“. Врнежи од снег со променлив интензитет се бележат во Тетово, Штип, Неготино, Демир Капија, Удово, Петровец, Кула и на планинските превои Стража и Ѓавато.

Во клисурите и во засеците можна е појава на помали одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.


Укината забраната за сообраќај на тешки товарни возила на Ѓавато и на Плетвар


Скопје, 11 јануари, 2017 - 13:50 (META) 

Автомото-сојузот на Македонија соопшти дека e укината забраната за сообраќај за тешки товарни возила на патниот правец Ресен – Битола кај Ѓавато и на Плетвар.

Забрани за сообраќај за тешки товарни возила сè уште има на патниот правец Маврово – Дебар.

Сообраќајот на државните патишта се одвива во зимски услови, по влажни коловози, наместа со остатоци од снег на коловозот, по интервенција на дежурните екипи од „Македонија пат“. Поради ниската температура, на места е можна појава на голомразица.

Во клисурите и во засеците можна е појава на помали одрони, особено на патните правци: Кочани – Македоска Каменица – Делчево, Виница – Берово, Гостивар – Стража, Маврово – Дебар – Струга, Д.Капија – Удово, Катланово – Велес, Крушево – Демир Хисар и Ресен – Буково.


Поради лошото време, забранет e влезот на камиони во Грција на преминот Евзони


Гевгелија, 11 јануари, 2017 - 11:01 (META) 

На тешките товарни возила кои транзитираат меѓу Македонија и Грција, преку граничните премини Богородица и Евзони не им се дозволува влез во Грција поради лошите временски услови и состојбата на патиштата. Вакво известување утрово добиле македонските полициски служби на граничниот премин Богородица од своите колеги на преминот Евзони, од грчката страна на границата.

Поради забрната за влез, како што информираат од МВР, во граничниот меѓупростор, за влез во Грција чекаат околу 70 товарни возила.

„Министерството за внатрешни работи ги известува граѓаните дека утринава (11 јануари 2017 година) остварен е контакт помеѓу раководител на смена на полициската станица за граничен премин и граничен надзор Богородица со раководител на смена на граничниот премин Евзони во врска со застој при влез во Грција за товарен сообраќај. Од страна на грчките полициски службеници добиено е известување дека од 2 часот, не им се дозволува на тешките товарни возила влез во Грција поради лошите временски услови и состојбата на патиштата“, стои во соопштението од МВР.


Сообраќајот и понатаму во зимски услови, забрани за тешки возила на неколку патишта


Скопје, 11 јануари, 2017 - 9:53 (META) 

Забрани за сообраќај на тешки товарни возила има на патните правци Маврово – Дебар, Кочани – Делчево – граничен премин Делчево и Берово – Виница – Кочани, а за другите возила задолжително е користење на зимска опрема, соопшти утрово Автомото-сојузот на Македонија.

Оттаму информираат дека забраната за сообраќај на тешки товарни возила на патниот правец од Дојранска раскрсница – Дојран од 8 часот утрово е укината.

Сообраќајот на државните патишта се одвива во зимски услови, по влажни коловози, на места со остатоци од снег на коловозот, по интервенција на дежурните екипи од „Македонија пат“. Поради ниска температура, на места е можна појава на голомразица.

Во клисурите и во засеците можна е појава на помали одрони, особено на патните правци Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен-Буково.

Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од земјава (оваа информација се однесува само за македонската страна на премините).

АМСМ препорачува исклучително внимателно возење, прилагодена брзина на движење и почитување на поставената сообраќајна сигнализација.


Поради снегот, сообраќајот на неколку патни правци и понатаму во прекин


Скопје, 6 јануари, 2017 - 10:27 (META) 

Сообраќајот на дел од патните правиц во земјава и понатаму е во прекин поради заглавени возила и чистење на снежните наноси. Како што информираат од Автомото-сојузот на Македонија (АМСМ), магистралниот пат А3, Штип – Кочани, од селото Крупиште до бензиската пумпа „Ваго“ од 6 часот утрово е во прекин, поради чистење на снежни наноси, а на автопатот Велес – Скопје од наплатна станица Отовица до Катланово од 4.45 часот воопшто нема услови за нормално одвивање на сообраќајот поради заглавени возила.

Поради обилните врнежи од снег, во прекин е сообраќајот и на регионалниот пат Тетово – Јажинце, кај селото Јажинце.

Сообраќајот на патните правци Кавадарци – Неготино и Охрид – Ресен, кај превојот Буково, кој синоќа беше во прекин, поради превртени тешки товарни возила е нормализиран, додека сообраќајот на патниот правец Скопје – Велес се одвива отежнато и по една коловозна лента.

Сообраќајот на државните патишта се одвива во зимски услови, по влажни коловози, а во западниот и во северниот дел од земјата, на места има остатоци од снег по интервенцијата на екипите на „Македонија пат“.

Забрани за сообраќај за тешки товарни возила има на планинските превои Стража, Маврово, Пресека, Плетвар, Ѓавато, Буково, Крива Паланка кон граничниот премин Деве Баир, Струга – Ќафасан, Катланово – Велес и обратно.

Во клисурите и во засеците можна е појава на помали одрони, особено на патните правци Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен-Буково, информираат од АМСМ.


Забрана за тешки товарни возила на патот Крива Паланка – Деве Баир


Крива Паланка, 29 ноември, 2016 - 18:00 (META) 

На патниот правец Крива Паланка – граничен премин Деве Баир воведена е забрана за сообраќај на тешки товарни возила, соопшти попладнево Автомото-сојузот на Македонија (АМСМ).

Оттаму информираат дека забраната за сообраќај за тешки товарни возила на патот Ресен – Битола, преку планинскиот премин Ѓавато е укината, но се препорачува задолжителна употреба на зимска опрема за тешките товарни возила. Забраните за тешки товарни возила, додаваат од АМСМ, се укинати и на патните правци Гостивар – Маврово – Дебар и Гостивар – Стража – Кичево.

Сообраќајот на државите патишта се одвива по влажни коловози, велат од АМСМ и предупредуваат дека во клисурите и во засеците е можна појава на помали одрони, особено на патните правци Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.