Повеќе од 80 лица се повредени при рушење на тераса во зградата на индонезиската берза


Џакарта, 15 јануари, 2018 - 19:51 (META) 

Повеќе од 80 лица се повредени при рушење на тераса во зградата на индонезиската берза.

Во моментот на рушење на терасата, имало голем број на студенти кои биле во посета на берзата во Џакарта. Полицијата ги евакуирала луѓето и ги утврдува причините за несреќата.

Според информациите од портпаролката на индонезиската берза, немало застој во работата на системот и берзата продолжила непречено да работи.


Петгодишно девојче загина при пад од зграда во Струга


Струга, 29 септември, 2015 - 9:33 (META) 

Петгодишно девојче синоќа паднало од петти кат од зградата во која живеело со своето семејство и починало. Инцидентот се случил на улицата Ристо Крле во Струга, потврдија од СВР во Охрид.

По несреќата девојчето веднаш било пренесено во струшката болница каде, за жал, лекарите можеле само да констатираат смрт.

На местото на настанот извршен е увид во присуство на јавен обвинител и на полиција.
Од СВР во Охрид велат дека се работи на утрдување на причините како дошло до трагичниот настан.