Облачно време со повремени врнежи и температура до 16 степени


Скопје, 27 март, 2018 - 9:07 (META) 

Времето денеска ќе биде променливо облачно со повремени локални врнежи од дожд, на планините со повремен снег. Ќе дува слаб до умерен северозападен ветер, особено долж Повардарието.

Утринската температура ќе се движи од нула до шест, а дневната температура од три до 16 Целзиусови степени.

Во Скопје слично време, утринската температура ќе достигне до четири, а дневната температура до 12 Целзиусови степени.

Од четврток ќе има позначителен пораст на дневната температура, што ќе предизвика забрзано топење на снежната покривка.


Облачно и ветровито време со локален дожд


Скопје, 16 март, 2018 - 9:23 (META) 

Времето денеска ќе биде умерено до значително облачно и релативно топло со умерен јужен ветер. Во западните и крајните источни делови ќе има повремен локален дожд.

Утринската температура ќе се движи од три до седум, а дневната од седум до 21 Целзиусов степен.

Во Скопје слично време, утринската температура ќе достигне до пет степени, а дневната темепратура до 18 Целзиусови степени.

Во сабота во текот на денот ќе дува засилен повремено силен јужен ветер што ќе предизвика значително повисоки дневни температури. Од сабота попладне и во недела ќе има врнежи од дожд кои на повеќе места ќе бидат поројни и проследени со грмежи. Локално процесите ќе бидат поинтензивни.

Врнежи со променлив интензитет ќе има и во наредните денови, а на повисоките планини врнежите ќе бидат од снег. Температурите ќе бидат во опаѓање


Балканот ќе биде зафатен со поларен студ и интензивни снежни врнежи


Загреб, 22 февруари, 2018 - 15:49 (META) 

Балканот за време на викендот ќе биде зафатен со интензивни снежни врнежи и многу ниски температури, каде што во некои делови ќе се спуштат и до минус 20 Целзиусови степени, предупредуваат метеоролозите од Србија и Хрватска.

Хрватска веќе се соочува со големо снежно невреме, при што и хрватската војска е вклучена во расчистување на снегот и отстранување на последиците.

Во Македонија, овој бран се очекува од недела, при што метеоролозите најавуваат минусни температури и интензивни снежни врнежи како на планините така и на пониските места.


Сончево време, со температура до 11 степени


Скопје, 16 февруари, 2018 - 9:43 (META) 

Денеска времето во Македонија ќе биде сончево со мала облачност, а ќе дува слаб ветер од северен правец.

Утринските температури се движат од минус 10 до минус три Целзиусови степени, а дневната ќе достигне од нула до 11 степени.

Во Скопје се очекува слично време, сончево со мала облачност и слаб ветер од северен правец. Дневната температура во главниот град ќе достигне до осум Целзиусови степени.

За време на викендот синоптичарите најавуваат стабилно и суво време, со ниски утрински температури, а дневните ќе бидат во пораст.

Во недела ќе има зголемување на облачноста, а ноќта кон понеделник ќе има повремени врнежи од дожд и снег.


Облачно и врнежливо време со температура до 9 степени


Скопје, 13 февруари, 2018 - 9:27 (META) 

Времето денеска ќе биде облачно со врнежи, кои долж Повардарието ќе бидат од дожд, во останатите делови од дожд и снег, а на планините од снег.

Попладне во западните делови ќе има пообилни врнежи кои ќе бидат претежно од снег и ќе предизвикаат позначително зголемување на снежната покривка.

Во Скопје облачно, попладне и во вечерните часови со врнежи од дожд кои повремено ќе бидат со умерен интензитет. Ќе дува повремено засилен југоисточен ветер. Максималната температура ќе биде до 6 Целзиусови степени.

Најмногу снег има во Маврови Анови, 45 сантиметри, Крушево 26, Ѓуриште 20.


Претпладне сончево, попладне со зголемена облачност и можен дожд на југоистокот


Скопје, 6 февруари, 2018 - 10:08 (META) 

Времето во Македонија денеска претпладне ќе биде сончево, а во попладневните часови ќе има мала до умерена облачност. Во југоисточните делови од земјата ќе има повремено зголемена облачност со услови за појава на слаб локален дожд.

Ќе дува слаб до умерен ветер од југоисточен правец, кој најизразен ќе биде долж Повардарието.

Утринските температури се движат од минус три до четири Целзиусови степени, а дневните ќе достигнат од седум до 14 степени.

Во Скопје претпладне времето ќе биде сончево со мала облачност, а од средната на денот облачноста ќе се зголемува. Ќе дува слаб до умерен југоисточен ветер. Дневната температура во главниот град ќе достигне до 13 Целзиусови степени.


Стабилно и суво време, со пад на температурата


Скопје, 5 февруари, 2018 - 9:38 (META) 

Времето денска ќе биде стабилно и суво, со утринска температура од минус шест до три, а дневната од три до 13 Целзиусови степени.

Во Скопје, слично време со минимална температура од минус еден степен, а дневната ќе достигне 10 Целзиусови степени.

Од среда повторно ќе има врнежи од дожд со слаб до умерен интензитет и ќе дува умерен до засилен ветер од југоисточен правец, а  нов влажен бран со пообилни врнежи се очекува во сабота.


Сончево и невообичаено топло време со температура до 18 степени


Скопје, 30 јануари, 2018 - 9:19 (META) 

Времето денеска ќе биде сончево и топло за овој период од годината, ќе дува слаб до умерен северoзападен ветер. Температурата ќе се движи од девет до 18 Целзиусови степени.

Во Скопје слично време со температура до 13 Целзиусови степени.

Топлото време ќе се задржи до четврток кога облачноста ќе се зголеми, а услови за врнежи ќе има само во крајните западни подрачја.


Сончево време со умерен северен ветер и мала облачност


Скопје, 23 јануари, 2018 - 9:29 (META) 

Времето денеска ќе биде сончево со мала до умерена облачност и со слаб до умерен северен ветер. Температурата ќе се движи од еден до осум Целзиусови степени. Во Скопје слично време со температура до шест Целзиусови степени.

Според УХРМ, следува период на стабилно време со ниски утрински температури. Дневните температури ќе бидат во постепен пораст.

Најстудено утринава со 10 Целзиусови степени под нулата се измерени во Берово, Маврово и Лазарополе. Најмногу снег има во Ѓуриште, 12 сантиметри, а снежната покривка во Маврово изнесува осум сантиметри.


Поради снежното невреме и студот во САД, починаа најмалку 17 лица


Њујорк, 5 јануари, 2018 - 13:15 (META) 

Најмалку 17 лица починаа од студ, предизвикан од снежното невреме и поларни температури кои зафатија најголем дел од Соединетите Американски Држави. Сите летови од Њујорк и од Њу Џерсу се откажани поради силниот ветер и снежната бура која се најавува. Во Њујорк се очекува да наврнат од 15 до 20 сантиметри снег.

Таканаречената метеоролошка „циклон бомба“ е проследена со силен ветер и обилен снег, денеска го погоди североистокот на САД, поради што се затворени училиштата и државните институции. Покрај обилните врнежи од снег, до крајот на неделата се очекува и голем пад на температурите.

Утрово, околу 65.000 домаќинства и компании останаа без струја, а се очекува дека бројката ќе се зголемува. Вонредна состојба е прогласена и во Флорида, каде што снег заврна по 28 години.