Облачно време, попладне со услови за локално невреме


Скопје, 15 мај, 2018 - 9:35 (META) 

Времето ќе биде променливо облачно со повремен локален дожд, ќе дува умерен до засилен јужен ветер. Попладне, а особено во вечерните часови ќе биде нестабилно со пороен дожд и грмежи, на места со поинтензивни процеси во форма на невреме.

За кратко време, претежно во западните и северните делови се очекува да наврне поголема количина воден талог. Утринската темепратура ќе се движи од 8 до 14, а дневната од 19 до 28 Целзиусови степени.

Во Скопје слично време, утринската температура ќе достигне до 14, а дневната до 26 Целзиусови степени.


Променливо облачно време, попладне локален дожд и грмежи


Скопје, 14 мај, 2018 - 9:21 (META) 

Времето денеска ќе биде променливо облачно, попладне со локален дожд и појава на грмежи. Ќе дува слаб до умерен ветер од југозападен правец. Температурата ќе се движи од шест до 28 Целзиусови степени.

Во Скопје слично време, со температура до 26 Целзиусови степени. Утре се очекува поизразена нестабилност проследена со пороен дожд, грмежи и засилен ветер, додека во среда, во раните утрински часови, се уште се можни слаби врнежи од дожд, но во текот на денот се очекува постепено стабилизирање на временската состојба.


Сончево време, локално со краткотраен дожд


Скопје, 12 април, 2018 - 9:16 (META) 

Времето денеска ќе биде сончево и топло со мала до умерена облачност и со слаб до умерен југоисточен ветер. Во западните делови, попладне е можен краткотраен локален дожд.

Утринската температура ќе се движи од три до 12, а дневната температура од 20 до 27 Целзиусови степени. Во Скопје слично време, утринската температура ќе достигне до девет степени, а дневната температура до 26 Целзиусови степени.

Во наредните денови во поголем дел од земјава времето ќе биде сончево и топло со мала до умерена облачност, а услови за изолирана појава на краткотраен дожд ќе има во западните делови. Од недела ќе им поголемо наоблачување со услови за краткотраен локален дожд, особено во западните делови на земјава.


Умерено облачно време со температура до 25 степени


Скопје, 11 април, 2018 - 9:16 (META) 

Времето денеска претпладне ќе биде умерено облачно, а попладне облачноста ќе се намали. Ќе дува слаб југоисточен ветер. Утринската температура ќе се движи од четири до 11, а дневната од 19 до 25 Целзиусови степени.

Во Скопје слично време, утринската температура ќе достигне до 10, а дневната температура до 24 Целзиусови степени.

Во наредните денови во поголем дел од земјава времето ќе биде сончево и топло со мала до умерена облачност, а услови за изолирана појава на краткотраен дожд ќе има во западните делови. Поголемо наоблачување со локален дожд ќе има за време на викендот и во почеток на наредната седмица.


Сончево и потопло време со температура до 20 степени


Скопје, 29 март, 2018 - 9:19 (META) 

Времето денеска ќе биде сончево и малку потопло со мала облачност, поизразена на запад и со слаб до умерен југозападен ветер. Утринската температура ќе се движи од минус четири до три, а максималната од 13 до 20 Целзиусови степени.

Во Скопје слично време со минусна утринска температура и дневна до 18 Целзиусови степени.

До петок времето ќе биде претежно сончево. Минималните температури утре на повеќе места ќе се спуштат малку под нула, а потоа ќе бидат во постепен пораст.


Сончево време со умерен северен ветер и температура до 17 степени


Скопје, 28 март, 2018 - 9:25 (META) 

Времето денеска ќе биде сончево со мала облачност и со слаб до умерен северен ветер.

Утринската температура ќе се движи од минус два до пет степени, а максималната од 10 до 17 Целзиусови степени.

Во Скопје слично време, температурата ќе биде во интеревалот од два до 14 Целзиусови степени. Во наредниот период дневните температури ќе бидат во пораст, што ќе предизвика забрзано топење на снежната покривка на планините.


Времето денеска со врнежи од дожд и снег


Скопје, 23 март, 2018 - 9:30 (META) 

Времето денеска ќе биде облачно со повремени врнежи со слаб до умерен интензитет, во јужната половина претежно од дожд, во северната од снег. Повеќе врнежи ќе има во попладневните и вечерните часови и тогаш повторно речиси насекаде ќе бидат од снег, освен на југоистокот.

Ќе дува слаб до умерен ветер претежно од северен правец.Температурата ќе достигне од 2 до 9 Целзиусови степени.

Во Скопје облачно, попладне со врнежи од снег. Температурата ќе достигне 3 Целзиусови степени.

За време на викендот ќе биде променливо облачно со сончеви периоди во претпладневните часови. Наутро на повеќето места температурите ќе бидат за 2 до 3 степени под нулата. Во сабота во западните делови ќе провејува слаб снег, а на југоистокот ќе има слаб дожд. Постепено затоплување со врнежи главно од дожд ќе има од недела попладне.

Најмногу снег и најстудено изутринава е во Маврово, каде што снежната покривка е 25 сантиметри и се измерени минус седум степени.


Облачно време со умерен западен ветер


Скопје, 14 март, 2018 - 10:09 (META) 

Времето денеска ќе биде облачно со умерен западен ветер, само во крајните западни и источни планински подрачја со услови за локален дожд. Утринската температура ќе се движи од минус еден до пет, а дневната од шест до 19 Целзиусови степени.

Во Скопје ќе биде облачно со умерен западен ветер, утринската температура ќе достигне до четири степени, а дневната температура до 16 Целзиусови степени.

Утре ќе се задржи суво време. Нови врнежи од дожд ќе има во петок претпладне, особено во западните делови.


Сончево време со умерена облачност и температура до 15 степени


Скопје, 9 март, 2018 - 9:18 (META) 

Времето денеска ќе биде променливо облачно, кон крајот на денот облачноста ќе се намали. Ќе дува слаб ветер од западен и северозападен правец. Утринската температура ќе се движи од минус еден до шест, а дневната од 11 до 16 Целзиусови степени.

Во Скопје слично време утринската температура ќе се спушти до еден, а дневната ќе достигне до 15 Целзиусови степени.

До недела времето ќе биде стабилно и суво. За време на викендот времето ќе биде претежно сончево и значително потопло.


Облачно време со повремени врнежи од дожд


Скопје, 8 март, 2018 - 9:20 (META) 

Времето денеска ќе биде променливо облачно со повремени врнежи од дожд, на планините врнежите ќе бидат од снег, особено во западните делови на земјава каде се очекува да наврнат над 15 литри на метар квадратен воден талог. Ќе дува умерен повремено и засилен ветер од северозападен правец.

Утринската температура ќе се движи од два до девет, а дневната од осум до 17 Целзиусови степени.

Во Скопје слично време утринската температура ќе се спушти до шест, а дневната ќе достигне до 15 Целзиусови степени.