!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Велика Британија ќе воведе такса за работниците од ЕУ


Лондон, 11 јануари, 2017 - 17:57 (META) 

Британската влада сака да воведе такса од 1.000 фунти за секој британски работодавец што ќе вработи работник кој потекнува од некоја од земјите членки на Европска Унија.

Британскиот министер за миграција, Роберт Гудвил, пред Горниот дом на британскиот парламент истакнал дека е можно воведување на такса за работниците од ЕУ.

Гудвил истакнал дека ќе има програми кои ќе дозволуваат работниците во земјоделството да добиваат краткорочни, сезонски договори за работа во Велика Британија.

Велика Британија веќе ги зголеми таксите за работниците од земјите кои не се членки на ЕУ и тие ќе стапат на сила во април.

Работниците од 27 земји членки на ЕУ сега имаат право да живеат и да работат во Велика Британија, но тоа ќе се промени кога земјата ќе излезе од Европска Унија.


Железничка несреќа кај Битола, еден загинат


Битола, 24 септември, 2016 - 13:19 (META) 

Едно лице загина во несреќа на железничката пруга Битола – Скопје, кога патнички воз удри во такси-возило управувано од 56-годишен битолчанец. Од силината на ударот, такси-возилото било влечено околу 300 метри по шините, при што возачот го загубил животот.

Јавен обвинител од Основното јавно обвинителство Битола изврши увид на местото на несреќата. Издадени се наредби за обдукција на телото на починатиот и анализа на крв за утврдување на евентуално присуство на алкохол. По проверките направени на самото место утврдено е дека нема присуство на алкохол во крвта кај машиновозачот.

Истражните дејства продолжуваат во насока на откривање на причините за несреќата.


Загина возач на такси во Штип


Штип, 6 април, 2015 - 10:38 (META) 

50-годишен возач на такси-возило загина во тешка сообраќајна несреќа откако на неговото возило налетал џип „бе-ем-ве“, со кој управувал студент од Турција. Во несреќата се повредени и двајца патници во такси-возилото, меѓу кои и бремена жена. Во отсуство на официјални полициски информација, дознаваме дека несреќата се случила ноќеска, кратко по полноќ, во близина на автобуската станица во Штип.

Неофицијално, џипот се движел со голема брзина.

Загинатиот таксист бил воено лице во пензија. Турскиот студент во Штип е познат како сопственик на едно од кафулињата, каде излегуваат странските студенти.

Утринава, по ноќниот дожд, во Штип се случи уште една сообраќајна незгода, кога се судриле такси-возило и автобус што превезувал работници.

Повеќе информации очекуваме во текот на денот.


Таксисти го блокираа Брисел


Брисел, 3 март, 2015 - 17:51 (META) 

Неколку илјади таксисти денеска го блокираа центарот на Брисел поради владиниот план да се дозволи нарачување возила преку апликацијата „Убер“, со што се поевтинува овој вид на услуга.

„Убер“ им овозможува на корисниците да нарачаат такси по цена која е трипати пониска од онаа на регуларното такси.


Истепал таксист сред улица


Скопје, 7 февруари, 2015 - 12:22 (META) 

Околу 22 часот, вчера, во Скопје, на улица Метрополит Теодосиј Гологанов, додека С.М. управувал такси-возило „киа сид“ со скопски регистарски ознаки, патот му го пресекол Д.Ц. (31) од Скопје. На ова реагирал таксистот, по што Д.Ц. се стрчал кон возилото и со тупаница удрил и го скршил ветробранското стакло. Откога С.М. излегол од возилото, физички бил нападнат со удари со раце во пределот на главата и по телото. Потоа Д.Ц. се обидел физички да го нападне и патникот кој се превезувал во возилото, но тој успеал да избега. На местото на настанот интервенирано е од полициски службеници, при што Д.Ц., кој давал активен отпор, е приведен во полициска станица и по целосно расчистување на настанот, ќе му биде поднесена соодветна пријава.


Се продолжи рокот за воведување ГПРС-уреди во такси


Скопје, 5 февруари, 2015 - 15:12 (META) 

Се пролонгира рокот за инсталирање фискални апарати со ГПРС-уред за такси-превозниците.

Рокот, во согласност со одлуката на Владата, за 9.000 автотакси-превозници се продолжува до 31 декември 2015 година.

Рокот за сите други обврзници за да инсталираат вакви уреди беше до 31 јануари 2015 година.