!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Македонските ракометари со 34:30 го совладаа Тунис на СП во Франција


Мец, 12 јануари, 2017 - 21:21 (META) 

Македонската ракометна репрезентација вечерва во Мец го совлада тимот на Тунис со резултат 34:30 и со победа го почна настапот на Светското ракоментно првенство што се одржува во Франција.

Најефикасен стрелец на мечот беше капитенот на македонската репрезентација, Кире Лазаров, кој постигна 12 гола, а по седум запишаа Дејан Манасков и Стојанче Стоилов. Кај селекцијата на Тунис најефикасен беше Теџ Исам, со седум гола.

Првото полувреме репрезентацијата на Македонија го заврши со еден гол негатива (13:14), но второто го доби со пет гола разлика (21:16), за конечен резултат од 34:30.

Следниот натпревар македонската репрезентација го игра задутре против Ангола.


Македонија во Скадар ќе ги почне квалификациите за Светското фудбалско првенство


Скопје, 18 февруари, 2016 - 20:43 (META) 

Македонската фудбалска репрезентација со мечот против селекцијата на Албанија, закажан за 5 септември, ќе го почне квалификацискиот циклус за Светското првенство во 2018 година, што ќе се одржи во Русија.

Мечот, како што одлучи албанската фудбалска федерација, ќе се игра во Скадар, на стадионот „Лоро Боричи“, кој има капацитет од 20.000 седишта и во моментов се реновира.

Еден месец подоцна, предвидени се два нови квалификациски меча, односно на 6 октомври Македонија се среќава со Израел, а три дена подоцна со репрезентацијата на Италија.

Пред почетокот на квалификацискиот циклус планирани се пријателски натпревари со селекциите на Словенија, Романија, Бугарија и на Иран.