Променливо облачно време со ветер и повремен снег


Скопје, 12 февруари, 2019 - 9:24 (META) 

Времето во Македонија ќе биде променливо облачно и постудено, со повремен локален снеr, особено на запад и претежно претпладне. Ќе дува засилен северен ветер, најизразен долж Повардарието.

Дневната температура ќе изнесува од 0 до 9 Целзиусови степени.

Во Скопје ќе биде променливо облачно. Ќе дува засилен северен ветер. Дневната температура ќе се искачи до 5 Целзиусови степени.


Времето денеска претежно облачно, со температури до 10 степени


Скопје, 18 јануари, 2019 - 9:22 (META) 

Времето денеска ќе биде претежно облачно, по котлините магливо. Во југозападните делови ќе има слаб локален дожд, во Пелагонија со услови за замрзнат дожд. Ќе дува слаб јужен ветер.

Максималната температура ќе биде во интервал од -2 до 10 Целзиуссови степени.

Во Скопје времето претежно облачно со слаб јужен ветер. Температурата ќе достигне до 3 Целзиусови степени.

Утре ќе биде променливо облачно со повеќе сончеви периоди, а во следните денови ќе преовладува облачно време со слаби локални врнежи од дожд, а на планините од снег. По одделни котлини ќе има појава на магла.


Сончево и студено со умерен ветер


Скопје, 17 јануари, 2019 - 9:32 (META) 

Времето денеска ќе биде сончево со мала до умерена облачност. Ќе дува слаб до умерен ветер претежно од западен правец. Максималната температура ќе биде во интервал од -1 до 9 Целзиусови степени, соопшти УХМР.

Во Скопје денеска ќе биде сончево со мала до умерена облачност и со слаб северозападен ветер. Максималната температура ќе достигне до 4 Целзиусови степени.

Утре и за време на викендот ќе преовладува облачно време со магла по одделни котлини. Во крајните западни делови ќе има услови за слаби врнежи од дожд, а на планините од снег. Повеќе врнежи се очекуваат од вторник.


Сончево и многу студено време


Скопје, 15 јануари, 2019 - 9:43 (META) 

Времето во Македонија ќе биде сончево со мала до умерена облачност, студено и ветровито со умерен до засилен северозападен ветер најизразен долж Повардарието и на исток. Во североисточните делови ќе има услови за слаби врнежи од снег.

Утринската температура ќе се движи од минус 10 до нулата, а дневната температура од минус четири до четири Целзиусови степени.

Во Скопје малку до умерено облачно со слаб претежно југоисточен ветер. Температурата ќе се движи од минус шест до минус еден степен.


Цела држава под минусни температури, најстудено во Берово, Битола, Маврово


Скопје, 8 јануари, 2019 - 9:38 (META) 

Температурите низ државата секаде се под нулата.. Според прогнозата на УХМР, студеното време и минусните температури ќе продолжат и во текот на денов.

Минус 21 Целзиусов степен се измерени утринава во Берово, минус 20 во Битола, минус 18 во Маврово, а минус 17 во Струмица.

На планините е формирана снежна покривка која е највисока во Маврово 66 сантиметри и во Крушево 27 см.

Под влијание на влажен и студен бран, утре и во четврток ќе има нови пообилни врнежи од снег, особено во западните делови. Потоа следува период на стабилно и суво време со ниски утрински температури, а дневните ќе бидат во благо покачување.


Студено време со минусни температури и северен ветер


Скопје, 4 јануари, 2019 - 9:35 (META) 

Времето денеска ќе биде променливо облачно и студено со умерен, повремено засилен северен ветер. Во повеќе места повремено ќе провејува снег, а во јужните делови врнежите ќе бидат со слаб до  умерен интензитет. Максималната температура ќе биде во интервал од минус шест до еден Целзиусов степен.

Во Скопје, претежно облачно со услови за провејување на снег. Ќе дува умерен, околу пладне засилен ветер од северен правец. Максималната температура ќе достигне до минус еден Целзиусов степен.

Под влијание на многу студена воздушна маса, следува период на променливо и студено време со температури кои на повеќе места преку целиот ден ќе се задржат под нула. Повремен слаб снег ќе има и во недела, а во првите два дена од следната недела ќе биде сончево со умерена облачност, но и натаму ќе биде студено.

Снежната покривка во Маврови Анови изнесува 56 сантиметри, 26 во Крушево, 24 во Битола, 17 во Тополчани, 11 во Пожаране, 10 во Берово, осум во Лазарополе.


Стабилно и суво време за новогодишната ноќ, со локални слаби врнежи од снег


Скопје, 31 декември, 2018 - 9:28 (META) 

Времето денеска ќе биде претежно облачно со повремени слаби локални проврнувања од снег. Ќе дува слаб до умерен ветер претежно од северозападен правец, повеќе ќе биде изразен на повисоките места и на планините.

Во новогодишната ноќ ќе преовладува претежно стабилно и суво време, локално се можни слаби проврнувања од снег, особено на планините. Максималната температура ќе биде во интервал од 2 до 8 Целзиусови степени.

Во Скопје претежно облачно со повремени проврнувања на слаб снег. Максималната температура ќе достигне 6 Целзиусови степени.

Утре ќе се задржи суво и ветровито време. Од среда кон крајот на денот се очекува ново наоблачување проследено со врнежи од снег кои ќе продолжат и во четврток.


Претпладне магливо и облачно, попладне дожд и снег


Скопје, 24 декември, 2018 - 9:32 (META) 

Времето денеска ќе биде променливо облачно. Во попладневните часови и во текот на ноќта ќе има повремени врнежи од снег на планините и дожд на пониските места. Кон крајот на денот и преку ноќта врнежите ќе преминат во снег и во некои пониски места. Се очекува наместа, особено во западните делови да се формира нова снежна покривка, локално повисока од 10 сантиметри, информираат од Управата за хидрометеоролошки работи.

Максималната температура ќе биде во интервал од 7 до 16 Целзиусови степени, а во котлините со магла 3 до 8 степени.

Во Скопје, претладне магливо, попладне видливоста ќе се зголеми и ќе биде променливо облачно со врнежи од дожд. Во текот на ноќта ќе има услови за врнежи од дожд и снег. Ќе дува умерен југоисточен, а кон крајот на денот засилен северен ветер. Температурата ќе биде 8 Целзиусови степени.


Облачно време со услови за врнежи на замрзнат дожд и снег


Скопје, 21 декември, 2018 - 9:34 (META) 

Времето денеска ќе биде променливо облачно со слаби врнежи од дожд и снег, а ќе има и услови за појава на замрзнат дожд. Повеќе врнежи ќе има во западните и југозападните делови. По одделни котлини ќе има услови за појава на магла.

Утринската температура ќе се движи од минус еден до еден степен, а дневната температура од три до девет степени.

Во Скопје ќе биде променливо облачно со слаби врнежи од дожд и снег.

Утринската температура  до минус четири степени, а дневната темпереатураќе достигне до три степени.

Потоа до понеделник ќе биде стабилно и суво со пораст на температурата, а по одделни котлини ќе има услови за појава на магла. Нов влажен бран ќе има во понеделник кон крајот на денот и во вторник.


Студено време со снежни врнежи


Скопје, 17 декември, 2018 - 9:17 (META) 

Времето денеска ќе биде претежно облачно и студено со повремени локални врнежи главно од снег, освен на крајниот југоисток каде ќе бидат од дожд.

Повеќе врнежи ќе има попладне во западните делови од земјава.Минималната температура ќе се движи од 9 Целзиусови степени под нулата до нула степени, додека максималните температури ќе се движат од минус два до седум Целзиусови степени.

Во Скопје и околината температурата ќе се движи од минус 6 до еден Целзиусов степен.

Во првите два дена од работната седмица ќе се задржи облачно и студено време со повремени врнежи претежно од снег со променлив интензитет. Во среда и во четврток се очекува стабилно и суво време со пониски утрински температури.