!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Студено време со умерен северен ветер и локален снег


Скопје, 18 декември, 2017 - 9:00 (META) 

Времето денеска ќе биде променливо облачно и студено со локален слаб снег, особено во западните делови, а ќе дува умерен северен ветер.

Утринската температура на некои места ќе се спушти, 10 Целзиусови степени под нулата, а дневната ќе се движи околу нулата.

Под влијание на студена воздушна маса, до петок времето ќе биде стабилно и многу студено со умерен северен ветер.


Сончево време со температура до 16 степени


Скопје, 7 декември, 2017 - 9:00 (META) 

Времето денеска ќе биде сончево, со слаб до умерен ветер од северозападен правец. Утринската температура ќе се движи од минус 6 до 1 Целзиусов степен, а дневната од 8 до 16 степени.

Во Скопје се очекува слично време. Утринската температура ќе се спушти до минус 5 Целзиусови степени, а дневната ќе достигне 10 степени.

Во наредните два дена ќе преовладува сончево време со студени утра, а преку денот ќе биде потопло.


Сончево и студено со умерен до засилен северен ветер


Скопје, 5 декември, 2017 - 9:27 (META) 

Времето денеска ќе биде променливо облачно, со сончеви периоди и студено. Ќе дува умерен до засилен северен ветер, особено долж Повардарието и на исток.

Температурата ќе се движи од нула до 8 Целзиусови степени.

Во Скопје ќе биде преовладува променливо облачно време со сончеви периоди и студено. Ќе дува умерен до засилен северен ветер. Дневната температурата ќе достигне 5 Целзиусови степени.


Облачно и студено време со засилен северен ветер


Скопје, 4 декември, 2017 - 8:49 (META) 

Времето денеска ќе биде облачно и студено, а ќе дува умерен до засилен северен ветер. Минималната температура ќе се спушти до минус 3 Целзиусови степени, а максималната ќе достигне до 13 степени.

Во Скопје се очекува слично време, со утринска темература до 1 Целзиусов степен и дневна до 8 степени. Во планинските региони ќе има повремено зголемување на облачноста и услови за провејување на слаб снег.

Во изминатите 24 часа најмногу дожд наврна во Крушево, односно 17 литри на еден квадратен метар.


Сончево и студено со умерен јужен ветер


Скопје, 29 ноември, 2017 - 9:31 (META) 

Времето во Македонија претпладнево ќе биде сончево, а попладне од запад облачноста ќе се зголемува. Ќе дува слаб до умерен јужен ветер. Температурата ќе се движи од 4 до 10 Целзиусови степени.

Во Скопје претпладнево ќе биде сончево, а попладне од запад облачноста ќе се зголемува. Ќе дува слаб до умерен јужен ветер. Температурата ќе достигне до 7 Целзиусови степени.


Променливо облачно и студено со засилен северен ветер


Скопје, 28 ноември, 2017 - 9:24 (META) 

Денеска во Македонија времето ќе биде променливо облачно и студено со умерен до засилен северен ветер. Услови за слаб снег претпладне ќе има во источните делови од земјава, а од пладне ќе биде претежно сончево со мала до умерена облачност.

Утринската температура се движи од минус 3 до 3 Целзиусови степени, додека дневната се очекува да достигне од 1 до 5 степени.

Во Скопје ќе биде променливо облачно и студено, со умерен до краткотрајно засилен северен ветер, а температурата ќе се движи од нула до 4 Целзиусови степени.


Претпладне дожд, а попладне снег


Скопје, 27 ноември, 2017 - 9:09 (META) 

Територијата на земјава денеска ќе биде под влијание на студен и влажен бран од северозапад. Во текот на денот ќе биде облачно, студено и ветровито, со врнежи од дожд. На повисоките места и на планините ќе врне снег.

Во попладневните часови врнежите се очекува насекаде да преминат во снег и на повеќето места ќе се формира снежна покривка. Пообилни врнежи ќе има особено во источните и во североисточните делови од земјава, каде што локално можно е да наврнат пповеќе од 10 сантиметри снег.

Дневната температурата ќе се движи од 0 до 9 Целзиусови степени. Ќе дува умерен, повремено засилен ветер од северен правец.
И утре ќе биде студено и ветровито, а во попладневните часови на истокот сè уште ќе има услови за повремен слаб снег. В среда ќе има преодна стабилизација, а в четврток се очекува нов влажен бран.


Сончево со умерена облачност и со температура до 18 степени


Скопје, 24 ноември, 2017 - 9:27 (META) 

Времето денеска ќе биде сончево со умерена облачност и тивко, а во одделни котлини е можна појава на магла, особено претпладне.

Дневната температурата ќе се движи од 10 до 18 Целзиусови степени.

Во Скопје и во околината ќе биде сончево со умерена облачност и тивко, со температура до 12 Целзиусови степени.

До сабота ќе се задржи стабилно и суво време, по котлините со појава на магла, особено во претпладневните часови.

В недела попладне најпрво во западните делови ќе има врнежи од дожд, а на планините од снег. Во текот на ноќта кон понеделник врнежите ќе преминуваат во снег и на некои повисоки места. Врнежи од дожд и од снег ќе има и в понеделник претпладне, а преку денот ќе дува засилен северен ветер, кој ќе предизвика опаѓање на температурата.


Времето денеска сончево и студено


Скопје, 21 ноември, 2017 - 9:37 (META) 

Времето во Македонија денеска ќе биде сончево со мала до умерена локална облачност и со слаб до умерен северозападен ветер. Температурата ќе се движи од 3 до 13 Целзиусови степени.

Во Скопје ќе биде сончево со мала до умерена локална облачност и со слаб до умерен северозападен ветер. Дневната температурата ќе достигне 9 Целзиусови степени.

Во наредните денови следува период на стабилно и суво време со ниска утринска температура. Утринската и дневната температура ќе бидат во постепен пораст, па веќе в четврток дневната температура ќе достигне 18 степени во југоисточните делови од земјава.


Променливо облачно време, со повремен дожд и со снег на планините


Скопје, 20 ноември, 2017 - 9:26 (META) 

Времето во Македонија денеска ќе биде променливо облачно и студено, претпладне со повремени локални врнежи од дожд, а на планините и на некои повисоки места од снег. На повеќе места ќе дува засилен северен ветер.

Температурата ќе се движи во интервал од 1 до 9 Целзиусови степени.

Во Скопје се очекува слично време со температура до 5 Целзиусови степени.

Од вторник следува период на стабилно и суво време со ниска утринска температура, која на места ќе се спушти под нулата, а дневната ќе биде во пораст.