!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Струмичанецот што смртно го рани ловецот се обидел да ги скрие трагите


Струмица, 10 декември, 2017 - 13:32 (META) 

СВР Струмица до Основното јавно обвинителство во Струмица поднесе кривична пријава за тешки дела против општата сигурност против З.Ј (38) од Струмица, во врска со смртта на ловецот кој беше смртно застрелан завчера во близина на браната Водоча.

Додека пријавениот со уште седум лица бил на лов, завчера околу 13.50 часот на местото викано „Медев рид“во близина на браната Водоча, испукал еден патрон од пушка што не била негова сопственост и го погодил Ж.И. од селото Рич, кој во моментот се движел по шумска патека низ непрегледна шума, на оддалеченост од околу 30 метри. Тоа му нанело повреди во главата и почнал да крвари и паднал во бесознание.

Тогаш пријавениот, според СВР Струмица, ги известил другите учесници во ловот дека Ж.И. се самозастрелал и пушката што ја носел повредениот ја скрил 50-тина метри подалеку. Потоа, додека другите ловци со трактор го однеле тешко ранетиот кон Струмица, З.Ј. на пушката што ја користел отстранил траги и потоа заминал во селото Белотино и ја вратил на нејзиниот сопственик.

И загинатиот и неговиот убиец немале дозвола за оружје ниту биле членови на ловно друштво.

З.Ј. е приведен а судија на претходна постапка од Основниот суд Струмица на З.Ј. му одредил мерка притвор од 30 дена.


На граница биле пронајдени 21 килограм марихуана, уапсен 52-годишен струмичанец


Струмица, 22 ноември, 2017 - 15:58 (META) 

СВР Струмица го уапсила 52-годишниот струмичанец З.Б. под сомневање за трговија со дрога, откако на границата, кај местото Војничка чешма, биле пронајдени 21 килограм марихуана, а потоа при претресот во неговиот дом биле пронајдени уште 25 грама марихуана и 19 грама бела прашкаста материја.

Откако кај границата граничната полиција на крајот на минатиот месец ја пронашла оставената марихуана, СВР Струмица почнала истрага и дошла до сознанија кој планирал да ја прокриумчари дрогата.

Со наредба од судија на претходна постапка, вчера полицијата извршила претрес во домот на З.Б., при што покрај малите количества дроги, биле пронајдени и 16.200 денари, 4.055 евра и банкноти на швајцарски франци, турски лири, унгарски форинти, полски злоти, како и мобилни телефони и дигитална вага.


Во Струмица в четврток заедничка седница на владите на Македонија и на Бугарија


Струмица, 17 ноември, 2017 - 20:54 (META) 

Заедничка седница на владите на Македонија и на Бугарија ќе се одржи в четврток во Струмица, а на неа ќе се потпишат десет нови договори. Тоа го најави премиерот Зоран Заев денеска во Струмица, каде се обрати во рамките на обуката за политички лидери во организација на Институтот за политика од Бугарија.

Тој порача дека е многу важно „да гледаме на перспективите и да градиме пријателство и со соседите, притоа штитејќи ги своите позиции и остварувајќи ја својата улога во општеството“ и дека политичарите честопати не го гледаат единството и блискоста на граѓаните на двете земји. Заев нагласи дека покрај власта, пред граѓаните одговорност има и опозицијата, посочувајќи дека Договорот за добрососедство меѓу Македонија и Бугарија треба да биде поддржан и од опозицијата.

– Јас би сакал и кај нас, во Македонија, и власта и опозицијата да стојат зад ваквите важни документи, што отвораат не само пријателство туку и големо сојузништво помеѓу Бугарија и Македонија, а сè за да им се помогне на граѓаните на Македонија во интегративниот процес за членство во Европската Унија и во НАТО – рече Заев, додавајќи дека тоа е особено важно поради тоа што во првата половина од следната година Бугарија ќе претседава со Европската Унија.


Возач удрил пешак и избегал со автомобилот


Струмица, 5 ноември, 2017 - 15:49 (META) 

Засега непознат возач со автомобил вчера удрил во пешак во Струмичко и го усмртил, по што избегал, соопшти полицијата.

Според билтенот, сообраќајката се случила вчера, околу 4.30 часот, на регионалниот пат Струмица – село Банско, на излезот од селото Куклиш.

Возилото удрило во А.А. (72) од Куклиш, кој од добиените повреди починал.

Увид извршила екипа од Секторот за внатрешни работи (СВР) – Струмица, а по наредба на јавен обвинител, телото на починатиот е предадено за обдукција. По сторителот се трага.


Заев: Струмичани ми беа штитот кога се борев со змејот што ја ништеше татковината


Струмица, 11 октомври, 2017 - 0:02 (META) 

Во градот под Царевите кули чука срцето на слободата, рече кандидатот за градоначалник на СДСМ за Струмица, Коста Јаневски, на почетокот на вечерашниот митинг во Струмица.

Тој се заблагодари за поддршката и што може да го продолжи тоа што го почнал претходниот градоначалник, а сегашен премиер Зоран Заев и вети дека ќе ја докаже својата посветеност.

– Пркосевме цели 12 години и останавме бастион на СДСМ и симбол на слободата. Заедно со вас граѓаните, градевме од сопствени буџетски средства, заборавени и опструирани од претходната власт, изложени на притисоци, упади и на инспекции, но теророт и хаосот во оваа наша Македонија е минато и никогаш нема да се повтори – рече Јаневски, додавајќи дека сега е време за нови предизвици.

Тој потсети дека Струмица е првиот гасифициран град, со првата катна гаража, убави паркови и улици и дека е најпрогресивната општина во Македонија. Јаневски најави 20 капитални и стотина помали проекти, како што е градење на градинки, дом за стари лица, решавање на инфраструктурните проблеми во градот и околината, растоварување на сообраќајниот метеж со отворање на транзитен пат околу градот, пошумување на градот и субвенционирање на енергетско ефикасни фасади.

Лидерот на СДСМ, Зоран Заев на почетокот на говорот рече дека тоа што го постигнал е благодарение на поддршката на неговите сограѓани.

– Никој и ништо ќе бев без вас, да не бевте вие. Невозможен ќе ми беше патот по кој чекорев сиве овие години. Вие, струмичани мои, бевте едрате на бродот со кој пловев низ разбрануваното море на македонската реалност. Вие бевте мојата поткрепа и поддршка кога заеднички ја градевме нашата Струмица. Вие ми бевте штит кога се борев со змејот што ја ништеше татковината – рече Заев, додавајќи дека промените почнале токму од Струмица.

Заев рече централната власт ќе ја поддржи Струмица и дека ќе надомести за сите блокади кои ги правела претходната власт. Тој, по повод утрешниот ден, 11 октомври, упати „абер за ослободување на сите окупирани општини во Македонија“.


Марш за децата со Даунов синдром и хуманитарна акција утре во Струмица


Струмица, 30 септември, 2017 - 11:12 (META) 

Хуманитарна акција за собирање на училиштен прибор и  Октомвриски марш со децата со Даунов синдром ќе се одржат утре во Струмица, во рамки на одбележувањето на октомври како месец посветен на лицата со Даунов синдром, најавуваат од иницијативата „Мрдни со прст“.

Во соработка со Здружението за помош и поддршка на лица со Даунов синдром „Вера“ и со локалните жители, тие во Струмица утре првпат ќе  организираат Октомвриски марш за подигање на јавната свест за прифаќање на лицата со Даунов синдром.

Почетокот на акцијата е најавен за точно напладне на плоштадот „Гоце Делчев“. Таму ќе биде поставен и пункт за собирање на училишен прибор. Најавен е и настап на диџеј Гоце Саф.


Јовановски: Братучедот на Заев купил дел од „Герас Цунев“ по багателна цена


Скопје, 9 септември, 2017 - 14:55 (META) 

„Κланот Заеви повторно со матни зделки го шират бизнисот и купуваат компании по багателни цени. Трајче Заев со само 10 евра за квадратен метар стана сопственик на конфекцискиот гигант ’Герас Цунев’“, рече на прес-конференција пред Владата денеска пратеникот на ВМРО-ДПМНЕ, Крсте Јовановски.

Тој појасни дека Трајче Заев за само 20.000 евρа купил 22,25 пρоценти аκции од стρумичκиот κонфеκцисκи гигант „Геρас Цунев“, κој поседува индустρисκи погони и деловни пρостоρии од вκупна повρшина од 7.396 квадратни метри.

–  Овде од авион се гледа деκа нешто не е во ρед. За 20.000 евρа гρаѓаните не можат да κупат ниту гаρсоњеρа од 25 квадратни метри, а не деловен објеκт и индустρисκи погон.  Додеκа сите ние маκотρпно ρаботиме, фамилијата Заеви очигледно ја κоρистат моменталната моќ κоја Зоρан Заев ја има κаκо пρемиеρ на Ρепублиκа Маκедонија и под пρитисоκ κупуваат фиρми со минимални суми за 20.000 евρа. Заеви купуваат бизниси, се шират и го зголемуваат своето производство под сомнителни околности. Ова е работа на обвинителството. И тука треба да се испита криминалот и за тоа да одговораат – рече  Јовановски.


Обвинителството почна истрага против полицаецот што пукаше во момчињата


Струмица, 14 август, 2017 - 12:25 (META) 

Jавен обвинител од Основното јавно обвинителство – Струмица донел Наредба за спроведување на истражна постапка против полицаецот што во петокот вечерта со службениот пиштол рани и нанесе тешки повреди на двајца малолетници, од кои едниот со тешки повреди e хоспитализиран на Клиниката за анестезија, реанимација и интензивно лекување во Скопје (КАРИЛ) и е во многу тешка состојба, а на другиот му бил извршен оперативен зафат во струмичката болница.

Полицаецот е осомничен дека сторил убиство. За целосно расветлување на настанот, јавниот обвинител ги очекува резултатите од наредените вештачења на траги и материјални докази пронајдени на лице место, балистичките вешачења и анализите на трагите од барутни честички. Од сите инволвирани веднаш по инцидентот беа земени за анализа и примероци од крв и урина, како и парафински ракавици.

Бидејќи сведоците се сослушани и се прибрани материјални докази, обвинителот за осомниченито предложил серија мерки на претпазливост – забрана за напуштање на местото на живеење, обврска за редовно јавување во суд, привремено одземање на патната исправа и забрана за вршење на определени работни активности.


Обвинителство почна истрага за уривањето на хеликоптерот кај Струмица во 2014 година


Скопје, 28 јуни, 2017 - 15:20 (META) 

По три години од хеликоптерската несреќа кај Струмица, во која загинаа четворица пилоти, Основното јавно обвинителство – Струмица почнало истражна постапка против три лица.

На 10 јули 2014 година, се урна хеликоптер тип „ми 17 в5“ со регистарска ознака МАП 7712, во сопственост на МВР Скопје. Загинаа пилотите Драги Мицев, Марјан Трајковиќ, Тоде Орешков и Иљо Лопатички.

„Бројните прибрани докази и извршени анализи до овој момент отвораат сомнеж дека лицата извршиле кривично дело – тешки дела против општата сигурност од чл.292, ст.2, а во врска со чл.288 од Кривичниот законик“, се вели во соопштението од јавното обвинителство.

Осомничените ќе бидат сослушани, заедно со сведоци, се вели во соопштението, во кое се наведува дека досега се побарани различни вештачење во врска со несреќата.


Груевски: Народот треба да биде подготвен за подолгорочен отпор


Струмица, 7 април, 2017 - 19:50 (META) 

Лидерот на ВМРО-ДПМНЕ, Никола Груевски, денеска од Струмица порача дека граѓаните треба да бидат будни и да се подготват за подолгорочен отпор, затоа што, како што рече, некои сакаат да дојдат на власт со насилство.

– Оваа битка нема да заврши за неколку дена. Затоа народот треба да биде подготвен за подолгорочен отпор. Заев и неговата банда по секоја цена сакаат да дојдат на власт, дури и по цена на насилство во Парламентот, како што се заговара овие денови, особено за наредната недела или по Велигден – изјави Груевски.

Тој вели дека граѓаните биле свесни дека „некој продал некои работи“ и порача дека и доскорешни приврзаници на Заев сега се на улиците.

– Живееме во прилично тешки и драматични времиња за унитарноста, државноста и за националните интереси. Добро е што граѓаните се веќе сензибилизирани до степен што им станува јасно, дури и на оние што гласаа за СДСМ, дека во некои разговори некој продал некои работи и оти тие што го поддржале и гласале за него сега е моментот да застанат да се спротивстават, што и го прават. Низ улиците не се само гласачи на ВМРО-ДПМНЕ, туку се многу гласачи и на СДСМ и на други партии и луѓе кои не гласале – рече Груевски, одговарајќи на новинарски прашања.