На граница биле пронајдени 21 килограм марихуана, уапсен 52-годишен струмичанец


Струмица, 22 ноември, 2017 - 15:58 (META) 

СВР Струмица го уапсила 52-годишниот струмичанец З.Б. под сомневање за трговија со дрога, откако на границата, кај местото Војничка чешма, биле пронајдени 21 килограм марихуана, а потоа при претресот во неговиот дом биле пронајдени уште 25 грама марихуана и 19 грама бела прашкаста материја.

Откако кај границата граничната полиција на крајот на минатиот месец ја пронашла оставената марихуана, СВР Струмица почнала истрага и дошла до сознанија кој планирал да ја прокриумчари дрогата.

Со наредба од судија на претходна постапка, вчера полицијата извршила претрес во домот на З.Б., при што покрај малите количества дроги, биле пронајдени и 16.200 денари, 4.055 евра и банкноти на швајцарски франци, турски лири, унгарски форинти, полски злоти, како и мобилни телефони и дигитална вага.


Струмичанец нелегално превезувал мигранти


Гевгелија, 11 септември, 2015 - 13:25 (META) 

Триесети и двегодишен струмичанец вчера бил приведен во Гевгелија откако бил затекнат од полицијата како со возило нелегално превезува мигранти, соопшти полицијата.

Како што информираат од полицијата, нивна екипа околу 14 часот извршила контрола на возило, марка „пежо“, кое било паркирано на улицата Борис Кидриќ, пред полициската станица за граничен надзор на преминот Богородица. Возачот С.Д.М. (32) од Струмица, како што констатирале полицајците, немал документи за овластен и лиценциран превоз на патници, а во возилото биле затекнати шест државјани на Сирија и четири државјани на Ирак, кои нелегално влегле во земјава.

Возачот бил задржан во полициската станица во Валандово, а мигрантите биле спроведени во Прифатниот центар за странци на МВР.