Во Скопје скратени градски линии, пречки во сообраќајот до Попова Шапка


Скопје, 22 март, 2018 - 9:35 (META) 

Поради големите врнежи на снег вчеравечер и во текот на ноќта, има скратување на линиите на јавниот автобуски превоз во Скопје, како и одредеи проблеми на патот до Попова Шапка.

Поради снегот денеска во Скопје не сообраќаат автобусите со број 69 и 69а.

Како што информира ЈСП Скопје, автобусот со број 25 место до Средно Водно сообраќа до комплексот „Соравиа“, а автобусот со број 28 место до „Македонско село“ сообраќа само до Козле.

Од приградските линии, автобусот со број 65 наместо до селото Раштак сообраќа до селото Црешево, а 81 наместо до Блаце сообраќа до Горњани, а автобусот на линијата 60 сообраќа само до магацините на АРМ.

Надвор од Скопје, забрана за движење на тешки товарни и за патнички возила без зимска опрема е воведена изутрина во 8:20 часот на патот до Попова Шапка, информира Автомотосојузот на Македонија (АМСМ).

Поради интензивните врнежи од снег претходно беа воведени забрани за движење на камиони и на регионалниот пат Дебар-Маврово и на магистралниот пат Гостивар – Кичево, поточно на планинскиот превој Стража.

Сообраќајот на другите државни патишта се одвива отежнато по влажни коловози. Снег врне кај Страцин, на Маврово, Стража, Буково, Ѓавато, Попова Шапка, Пресека и во Смојмирово.


Сообраќајот се одвива непречено, магла на неколку патни правци


Скопје, 20 февруари, 2018 - 9:49 (META) 

Сообраќајот на државните патишта се одвива по влажни коловози, а на повисоките планински места во западните и југозападните делови од државата има остатоци од кашест снег на коловозот, кој не претставува пречка за одвивање на сообраќајот, информираат од АМСМ.

Снег со слаб интензитет провејува на Маврово и на планинскиот превој Стража, во Гостивар врнежите се од дожд и снег.

Намалена видливост поради појава на магла од 50 до 60 метри има на патниот правец Тетово – Попова Шапка, до 50 метри на патниот правец Делчево кон границата со Бугарија и до 100 метри во Крушево.

Во клисурите и засеците можна е појава на одрони, особено на патните правци Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.


Забранет сообраќајот на некои превои и патни правци, на некои само за камиони


Скопје, 13 февруари, 2018 - 16:16 (META) 

Поради обилните снежни врнежи, прогласена е забрана за движење на тешки товарни возила на планинските превои Пресека, Буково и кон граничниот премин Ќафасан. На Буково сообраќајот е забранет и за автомобили.

Од 15 часот на патниот правец Тетово – Попова Шапка воведена е забрана за сообраќај на камиони и автобуси. Забрана за движење на камиони има и на патот Маврово – Дебар, потоа од Стража кон Колари. Поради магла, видливоста е намалена до 100 метри на превојот Стража и на 30 до 40 метри на превојот Ѓавато.

Патниот правец Крива Паланка – Куманово кај Грамаѓе, повторно е во функција, откако претходно беше блокиран. Исто така, поради отстранување одрони во близина на селото Истибања сообраќајот на патниот правец Кочани- Македонска Каменица е во прекин, а се користи алтернативен пат Кочани-Виница-Драгобрашта-Бигла-Македонска Каменица.


Забрана за камиони на Стража


Скопје, 22 јануари, 2018 - 9:53 (META) 

Сообраќајот на сите државни патишта се одвива по влажни коловози и наместа со остатоци од кашест снег по коловозите, информираат од АМСМ.

Снег провејува на патните правци Берово – Смојмирово, Тетово – граничен премин Јажинце, Попова Шапка и на Буково, но не се задржува на коловозот. На планинскиот премин Стража има забрана за движење на тешки товарни возила.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата.


Намалена видливост на Стража поради магла


Скопје, 10 јануари, 2018 - 18:40 (META) 

Сообраќајот на државните патишта вечерва се одвива по наместа влажни коловози, информираат од Авто-мото сојузот на Македонија.

Намалена видливост поради појава на магла има на патниот правец Тетово – село Гајре, до 50 метри и на планинскиот превој Стража од 80 до 100 метри.

АМСМ препорачува внимателно возење, прилагодена брзина на движење и почитување на поставената сообраќајна сигнализација.

Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.


Магла на Стража и на Плетвар, АМСМ апелира за внимателно возење


Скопје, 4 декември, 2017 - 19:14 (META) 

Сообраќајот на државните патишта се одвива по влажни коловози. Појава на магла со видливост од 30 до 50 метри се бележи на планинските премини Стража и Плетвар, соопшти Авто-мото сојузот на Македонија.

АМСМ препорачува внимателно возење, прилагодена брзина на движење и почитување на поставената сообраќајна сигнализација.

Во клисурите и во засеците можна е појава на одрони, особено на патните правци Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.


Неколку патни правци се непроодни поради врнежите, магла на Стража и на Плетвар


Скопје, 2 декември, 2017 - 12:52 (META) 

Сообраќајот на државните патишта се одвива по влажни коловози, а дожд со слаб интензитет врне во западниот дел од земјата, информираат од Автомото-сојузот на Македонија. Намалена видливост поради магла, од 50 до 100 метри, има на планинските превои Стража и Плетвар.

Според информација од ЈП „Македонија пат“, на патниот правец Маврово – Галичник, 100 метри пред Царева Чешма, сообраќајот се одвива отежнато поради излевање вода на коловозот. Се препорачува овој патен правец да не се користи.

Поплавување на подвозникот има и кај клучката Матка, во близина на бензинската станица „Бис оил“ во општина Сараj.

„Поплавувањето е настанато поради дождот и дефект на водоводна мрежа на ЈП „Водовод и канализација“. Заглавени биле четири моторни возила, а луѓето од нив биле извлечени. Екипите се сè уште на терен“, се вели во извештајот на АМСМ.

Локалниот пат од село Железнец до село Мало Илино во Демир Хисар не е прооден поради обилни дождови. На неколку патни правци има одрони, поради што се препорачува внимателно возење.

– Ја следиме состојбата и доколку има потреба ќе се спроведат сите процедури што се во наша надлежност – изјави денеска министерот за земјоделство, шумарство и водостопанство, Љупчо Николовски, по презентацијата на предлог-буџетот за земјоделство за 2018 година.


Сообраќајот кај Стража се одвива отежнато поради сообраќајна несреќа


Скопје, 30 јули, 2017 - 15:12 (META) 

Сообраќајот кај местото Тајмишка раскрсница, во близина на Стража, се одвива отежнато поради сообраќајна несреќа.

Како што соопштија од АМСМ, од 13 часот во овој дел сообраќајот се одвива со наизменично пропуштање на возила.

Интензитетот на сообраќајот на патните правци надвор од градските средини е зголемен, а на граничните премини има зголемена фреквенција на возила, но нема подолги задржувања за влез и за излез од државата.


Видливоста на Стража е намалена поради магла


Скопје, 25 февруари, 2017 - 13:56 (META) 

Сообраќајот на државните патишта се одвива по влажни коловози, информираат од Автомото-сојузот на Македонија. Поради појава на магла, видливоста на планинскиот премин Стража е намалена од 80 до 100 метри.

Во клисурите и во засеците можна е појава на помали одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините.


Слаби врнежи од снег на Стража, магла на Ѓавато и на Плетвар


Скопје, 10 февруари, 2017 - 10:33 (META) 

Сообраќајот на државните патишта се одвива по на места влажни коловози, а повремени врнежи од слаб снег се бележат на планинскиот премин Стража, информира Автомото-сојузот на Македонија.

Поради појава на магла, намалена е видливоста од 10 до 20 метри на Попова Шапка и од 50 до 100 метри на планинските премини Ѓавато и Плетвар.

Поради штрајк на грчките земјоделци, граничниот премин Евзони сè уште е затворен за сообраќај. Премините Дојран и Меџитлија се отворени за сообраќај.