Турнати две статуи на народни херои во Маврови Анови


Гостивар, 22 јуни, 2018 - 12:28 (META) 

Засега непознати лица турнале и ничкосале две статуи на народни херои од Втората светска војна во Маврови Анови, соопшти Министерството за внатрешни работи (МВР).

Случајот вчера го пријавил 74-годишен маж во Полициското одделение Маврово. Турнати биле статуите на народните херои Чеде Филипоски и Злате Малакоски.

Полицијата вели дека се врши истрага.


Статуи од гол Трамп осамнаа ширум САД


Кливленд, 19 август, 2016 - 10:42 (META) 

Статуи од гол Доналд Трамп се поставени во повеќе градови ширум САД, а фотографиите од нив ги преплавија социјалните мрежи, јавуваат американските медиуми.

Фигурите од голиот републикански кандидат за претседател на САД се дел од проектот на анархистичката група „Индиклајн“.

Трамп, во природна големина, без тестиси осамна во Њујорк, Лос Анџелес, Сан Франциско и Кливленд.
Случајните минувачи запирале и се сликале крај статуите, а фотографиите од голиот Трамп станаа хит на социјалните мрежи.

Анархистите во интервју за весникот „Вашингтон пост“ рекоа дека сакале да го понижат претседателскиот кандидат на републиканците поради неговите авторитарни тенденции. Тие исто така наведоа дека диктаторите често себе си си подигаат споменици.

Спомениците набрзо биле отстрането од јавните површини.


Рим ги цензурираше голите статуи за време на посетата на Рохани


Рим, 26 јануари, 2016 - 17:29 (META) 

Голите антички статуи во Рим денеска беа прекриени за време на посетата на иранскиот претседател Хасан Рохани на Италија, јавија локални медиуми.

Бројни портали, меѓу кои и оние на весниците „Ла република“ и „Кориере дела Дера“, објавија фотографии од неколку поставки во музејот „Капитолини“ кои целосно биле прикриени со бели панели.

Во музејот „Капитолини“ доцна синоќа Рохани и италијанскиот премиер Матео Рензи одржаа прес-конференција.

Агенцијата АНСА јави дека италијанскиот премиер, на вечерата која ја приредил за иранскиот гостин, наредил да не се служи вино во знак на почит кон вероисповедта на претседателот на Иран.