!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Старица прегазена на пат кај Крива Паланка


Крива Паланка, 4 август, 2017 - 15:50 (META) 

Во сообраќајна несреќа вчера претпладнето била усмртена 87-годишна жителка на Крива Паланка, извести СВР Куманово.

Според полицискиот билтен, вчера околу 10.30 часот на магистралниот пат А-2 во Крива Паланка, во близина Осички мост, автомобил „сеат кордоба“ со кривопаланечки регистерски ознаки удрил во 87-годишната С.В., која починала веднаш. Со автомобилот управувал Б.В. (53) од Крива Паланка.

Увид извршиле јавен обвинител и екипа од Полициската станица во Крива Паланка, а по наредба на обвинителот, телото на починатата е дадено за обдукција.


Негувателката што малтретираше старица осудена на десет месеци затвор


Скопје, 12 јануари, 2016 - 11:28 (META) 

Шеесет и четиригодишната негувателка, која беше обвинета за малтретирање старица во населбата Кисела Вода е осудена на десет месеци затворска казна. Обвинетата пред судот го признала делото.

Судот на обвинетата ѝ одреди продолжување на мерката притвор до правосилноста на одлуката.

Насилството било откриено на 21 декември минатата година, кога синот на жртвата ги видел снимките од поставениот видеонадзор во станот каде што живеела неговата мајка, која ѝ била доверена на чување на обвинетата.

На снимките забележал како обвинетата ја удира со раце старицата, ја тегне за коса и ја турка на креветот.


Осумдневен притвор за негувателка што малтретирала 84-годишна старица


Скопје, 28 декември, 2015 - 11:31 (META) 

По предлог на Основното јавно обвинителство Скопје, надлежниот суд ѝ одредил притвор од осум дена на негувателката осомничена за тепање и за малтретирање на 84-годишна старица, која ѝ била доверена на чување, соопшти денеска Јавното обвинителство.

„Основното јавно обвинителство Скопје до наделжен суд поднесе предлог за определување мерка притвор за негувателката родена 1951 година, за која постојат основани сомнежи дека сторила кривично дело телесна повреда од член 130, став 2, во врска со став 1 од Кривичниот законик. Осомничената се товари за повредите нанесени на изнемоштена 84-годишна старица, која ѝ била доверена на чување. Од судот, на осомничената ѝ е одреден притвор во траење од осум дена“, стои во соопштението од Обвинителството.

Вчера, Секторот за внатреши работи Скопје поднесе кривична пријава против 64-годишната негувателка Ј.М., која според пријавата се товари за телесна повреда при вршење семејно насилство.

„На 21 декември, околу половина час по полноќ, на улица Димо Хаџи-Димов, од Б.В., преку поставениот видеонадзор во станот на приземјето каде што живее неговата мајка (која боледувала од Паркинсонова болест и деменција) заедно со пријавената Ј.М., случајно забележал на снимката која се снимала во тој момент како пријавената физички ја малтретирала неговата мајка, удирајќи ја со рацете по главата и по телото, тегнејќи ја за косата и туркајќи ја на креветот. Откако го видел тоа, Б.В. се симнал на долниот кат и истата ја спречил и понатаму физички да ја напаѓа и да ја малтретира неговата мајка, по што ја истерал пријавената од нивниот дом. Пријавената повеќепати и во претходните месеци без повод и причина физички ја малтретирала оштетената“, стои во соопштението на Министерството за внатрешни работи во врска со случајот.