!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Еден загинат и седум повредени при експлозија во станбена зграда во Брисел


Брисел, 19 март, 2017 - 10:17 (META) 

Едно лице загинало, а седум биле повредени, од кои тројца тешко, во експлозија што вчера се случила во станбена зграда во Брисел, најверојатно поради истекување на плин, соопштило белгиското државно обвинителство, пренесува ХРТ.

„Денеска (сабота) попладне, станарите на две згради беа жртви на експлозија, по која избувна пожар. Седум лица се пренесени во две болници. Тројца се тешко повредени, меѓу кои едно двегодишно дете и 15-годишник. Во текот на вечерта во урнатините е пронајдно тело на маж“, било наведено во соопштението на белгиското државно обвинителство.

Од општината Сент Жил, во која се случила несреќата, за белгиските телевизии РТЛ и РТБФ изјавиле дека „најверојанто станува збор за несреќен случај поврзан со истекување на плин“.

Белгиските безбедносни сили се постојано на готовс, а секој инцидент предизвикува големо интересирање кај медиумите, откако на 22 март минатата година Брисел беше цел на најголемиот терористички напад во својата историја, во кој 32 лица загинаа, а 320 беа ранети во метрото и на бриселскиот аеродром.


Најмалку 16 лица загинале во пожар во станбена зграда во Украина


Киев, 29 мај, 2016 - 12:20 (META) 

Најмалку 16 лица загинале, а едно е исчезнато откако пожар избил во станбена зграда во село во близината на Киев, соопшти службата за вонредни ситуации.

Во соопштението се наведува дека пожарот избил рано утринава во приватна двокатна зграда во која привремено живееле 35 постари лица во селото Литохки, што се наоѓа 37 километри североисточно од украинската претстолнина.

-Припадниците на службата за вонредни ситуации спасија 18 лица, од кои пет се здобиле со изгореници по што биле хоспитализирани – се додава во соопштението.