Искршен излог на изборен штаб на ВМРО-ДПМНЕ во Кавадарци


Кавадарци, 30 септември, 2017 - 13:06 (META) 

Искршен излог на изборен штаб на ВМРО-ДПМНЕ на улицата Моша Пијаде во Кавадарци бил пријавен вчера претпладне во полициската станица во градот.  Како што извести МВР, стаклото било искршено со камен во периодот од завчера вечерта до вчера наутро. По сторителот се трага.


Стаклен ѕид отпорен на куршуми ќе се гради околу Ајфелова кула


Париз, 18 септември, 2017 - 10:25 (META) 

Ајфелова кула во Париз ќе биде обезбедена со стаклен заштитен ѕид, а ќе се гради според проект на австрискиот архитект Дитмар Фајхтингер.

Изградбата, според пишувањата на австрискиот весник „Стандард“, треба да почне денеска, а ќе треа половина година и ќе чини 20 милиони евра. Зад ѕидот планирана е изградба на бетонски столбови кои треба да спречат напади со камиони.

Фајхтингер изјави дека ќе се обиде обезбедувањето на Ајфелова кула да го направи што е можно подискретно.

„Избравме непробојно стакло со дебелина од 70 сантиметри, за да се овозможи отворен поглед“, изјави тој.


Инцидент на Клиниката за радиологија поради презакажан „Мој термин“


Скопје, 26 мај, 2016 - 14:18 (META) 

Вчера околу 15 часот на Клиниката за радиологија, во Клиничкиот центар „Мајка Тереза“ во Скопје, 46-годишниот И.И. револтиран бидејќи му бил пресакажан рокот за „Мој термин“ почнал да го навредува персоналот, а потоа нападнал болничар и го искршил стаклото од вратата во ходникот, соопшти полицијата.

Како што информираат оттаму, по инцидентот веднаш интервенирало обезбедувањето на Клиниката.

Лицето било приведено во полициската станица во Кисела Вода, а од МВР информираат дека се преземаат мерки за расчистување на случајот.