!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Затвореник починал во скопски Клинички центар, Србин пронајден мртов на улица


Скопје, 31 октомври, 2017 - 12:56 (META) 

Затвореник што боледувал од рак вчера починал во Клинички центар – Скопје, а српски државјанин бил пронајден мртов на улица во Македонски Брод, соопштува полицијата.

Според билтенот на МВР, вчера, рано наутро, во затворското одделение на Клинички центар починал П.Ј. (60) од Скопје, кој боледувал од карцином на грлото. Тој издржувал затворска казна во „Идризово“.

Во вториот случај, жител на Радовиш вчеравечер на улица во Македонски Брод пронашол паднат 49-годишен државјанин на Србија, кој немал знаци на живот. Го пренел во Здравствениот дом во Македонски Брод, по што била известена и полицијата. Лекар констатирал смрт без видливи траги на насилство, а увид извршиле полицијата и јавен обвинител, по што, по наредба на обвинителот, телото е предадено за обдукција.


На Табановце приведен Србин по кого трага кумановската полиција


Скопје, 8 јануари, 2017 - 13:14 (META) 

На граничниот премин Табановце вчера при обид за излез од земјава е приведен Ќ.З. од Прешево, Србија, кој е сторител на кривично дело телесна повреда, соопшти МВР.

Приведениот е откриен при пасошка контрола, кога е утврдено дека е предмет на потрага по телеграма од СВР Куманово поради основно сомнение дека нанел телесна повреда на друго лице.

Приведениот е предаден во полицијата во Куманово за понатамошна постапка.


Србин уапсен за тероризам во Мароко


Рабат, 21 ноември, 2015 - 17:54 (META) 

Полицијата во Мароко го уапси Србинот Михаил Шилер, осомничен за тероризам.

Шилер, кој подолг период живеел во Мароко, неодамна се откажал од германското и си го вратил српското државјанство.

Како што јавуваат локалните медиуми, Шилер е уапсен заедно со група странски државјани осомничени за тероризам.


Ограбен Србин во тоалет на Железничка станица во Скопје


Скопје, 31 мај, 2015 - 17:00 (META) 

Вчера, околу 10 часот, во тоалетот во Транспортен центар – Скопје, бил ограбен српски државјанин (Б.С.) откако непознат сторител му се заканил со пиштол. На патникот му биле украдени 150 евра.

Полицијата презема мерки за расчистување на настанот и за пронаоѓање на сторителот.


Шпанија: Запленети 950 килограми кокаин на јахта


Мадрид, 17 ноември, 2014 - 12:42 (META) 

Шпанската полиција заплени околу 950 килограми кокаин на јахта во близина на Канарски Острови. При акцијата се уапсени се тројцата членови на екипажот, двајца Украинци и еден Србин.

Како што соопшти шпанското министерство за внатрешни работи, јахтата „Либерти бел“ била претресена на 370 километри јужно од шпанскиот остров Гран Канарија.

Шпанската полиција минатата недела, исто така, во близина на Канарски Острови, запленила речиси 600 килограми кокаин на една јахта, која пловела под чешко знаме.