Бугарски и српски медиуми предвреме ѝ го сменија името на Македонија


Скопје, 14 јануари, 2019 - 14:20 (META) 

Известувајќи во саботата и вчера за гласањето во македонското Собрание со кое се прифатија четирите уставни амандммани, со што, меѓудругото, македонските пратеници ја прифатија промената на името на Република Македонија, голем број медиуми и некои новински агенции во соседните Бугарија и Србија, пишуваа во насловите и во дел од текстовите дека Македонија од петокот вечерта и официјално е преименувана, односно го носи името – Северна Македонија. Истите констатации – дека Македонија веќе носи ново име – се среќаваат и во голем дел од текстовите што се однесуваат на реакциите на водечките фигури од Македонија, Грција, ЕУ и НАТО.

Но, како што е познато од Уставниот закон, кој исто така беше изгласан, како и од Преспанскиот договор, амандманите ќе стапат на сила и новото име на Македонија ќе стане официјално име на државата откако во грчкиот парламент ќе биде ратификуван Договорот од Преспа, со што тој ќе стане официјален, а потоа за тоа ќе биде известена Организацијата на обединетите нации (ООН).

Српскиот и бугарскиот медиумски пазар во деновите на викендот изобилуваа со наслови од типот „Од вчера Северна Македонија“ или „Нашиот сосед стана Северна Македонија“. Еден српски медиум дури направи невидена рокада во насловот, па новото име го напиша како „Северна Република Македонија“.

Дел од медиумите во Србија и Бугарија и во насловите и во текстовите соодветно информираа уште од изгласувањето на уставните промени и напоменуваа дека македонскиот парламент го прифатил новото име или дека се изгласани уставните амандмани со кои ќе сеќе смени името, и објаснуваа дека името на земјата ќе биде сменето откако Грција, односно тамошниот парламент ќе го ратификува договорот од Преспа и тој ќе стапи на сила.


Повеќе од 700 лаги во една година на насловните страници на три српски таблоиди


Белград, 11 јануари, 2019 - 11:26 (META) 

Во 2018 година, три српски таблоиди објавиле над 700 лаги на своите насловни страници, утврдил српскиот сервис „Раскринкавање“, кој е посветен на борбата против дезинформациите.

На вкупно 306 насловни страници во 2018 година, таблоидот „Информер“ имал дури 351 дезинформација, односно непоткрепена вест. „Српски телеграф“ пак на насловните страници на 223 броја објавил дури 230 неточни или непоткрепени тврдења, додека „Ало“ на 358 насловни страници минатата година имал 149 лажни вести, односно вести без јасни извори и докази, пишува „Раскринкавање“, чии новинари ги анализирале сите насловни страници на таблоидите.

Главната одлика на прорежимскиот таблоид „Информер“ од пребројаните вести доминирале „смрт, крв, навреди, ексклузивни доверливи информации“, од „пеколните планови на Албанците да го нападнат северот на Косово до 25 април“ до тоа дека „војната на Косово ќе почне или на 15 декември или до крајот на декември“.

Од 223 насловни страници на „Српски телеграф“ во 2018 година од 230 неточни или непоткрепени тврдења, дури една петина била за рускиот претседател Владимир Путин и за неговите пораки за поддршка на Србија, Косово и за српскиот претседател Александар Вучиќ. Посебно голем проблем овој таблоид направил со покренување на кампањата против фондацијата „Поддржи живот“ и славниот актер Сергеј Трифуновиќ, инаку критичар на актуелната српска власт. „Информер“ во серија на насловната страница објавувала дезинформации заедно со фотографии на Трифуновиќ дека актерот проневерува од собраните пари, по што министерот за здравство Златибор Лончар, повикувајќи се на тие лажни вести, спроведе контрола на трошењето на парите. Проверките покажале дека немало неправилности во трошењето на парите.

Третиот таблоид анализиран од „Раскринкавање“, „Ало“, за чии дезинформации и конструкции повеќепати пишуваше и „Мета“. Голем дел од лажните вести биле за „напорите за уривање на Вучиќ“.

Според „Раскринкавање“, „Информер“ го издава фирмата „Инсајдер тим доо“ на Драган Ј. Вучиќевиќ, кои добиле милиони динари на владините конкурси за кофинансирање медиуми.

Сопственик на „Ало“ е Саша Благојевиќ, кој е другар уште од гимназиските денови на министерот за финансиии Синиша Мали. Сопственици на „Српски телеграф“ се четиримина, од кои еден е адвокатот Лазар Симиќ, кој работел во канцеларијата на Игор Исаиловиќ, деловен партнер на српската премиерка Ана Брнаби и човек што ужива доверба на поранешниот градоначалник на Белград, а сегашен министер за финансии, Мали.


„Alo“ pravi od muve slona i širi mržnju prema Makedoncima i Albancima


Skopje, 3 јануари, 2019 - 23:29 (META) 

U članku „Šiptari, Makedonci i krvnik Orić žele Vučićevu glavu“, objavljen 29. decembra prošle godine, tabloid „Alo“, poznat kao jedan od najglasnijih pobornika srpskog predsednika Aleksandra Vučića, optužio je i Albance na Balkanu i Makedonce da po svaku cenu hoće da naruše ugled Vučića, predstavljajući ga kao naručioca ubistva.

Pišući o tvrdnjama Nasera Orića, nekadašnjeg komandanta jedinice armije BiH u Srebrenici za vreme rata u ovoj državi da je Vučić hteo da ga ubije, „Alo“ tvrdi da sa detaljima o navodnom zagovoru koje je Orić izneo, on je „stavio do znanja da Makedonci, Albanci i tajne službe na tim prostorima, kao i strukture koje deluju na prostoru BiH, a koje Orića i dalje doživljavaju kao heroja, imaju samo jedan cilj, a to je da sateraju Srbiju u ćošak i sruše vlast.“

Ali, kao što je citirano na drugom mestu u ovom tekstu, radi se o jednom makedonskom obaveštajcu koji je Oriću preneo informaciju da su Vučić i šef srpske bezbednosne službe BIA, u jednoj kancelariji navodno razgovarali o njegovoj likvidaciji. Istu informaciju, prenosi „Alo“, Oriću je dao i „jedan veoma uticajan Albanac“ koji je bio u Hagu zbog zločina prema Srbima.

Ipak, od jednog makedonskog obaveštajca i jednog Albanca, ako su oni stvarno bili uključeni u ovaj slučaj, do tvrdnje da Makedonci i Albanci i druge strukture žele da sruše Vučića i da rade protiv Srbije postoji ogroman nepremostiv jaz. Posebno što u ovom slučaju možda se radi o pravoj zaveri za ubistvo Orića.

Zato i ovakve tvrdnje „Alo-a“ liče samo na pokušaj širenja mržnje, što je dopunjeno i neosnovanom tvrdnjom u tekstu da „sa raznih adresa iz regiona neprestano stižu neke optužbe na račun Srbije i njenih vlasti“.


„Ало“ од мува прави слон и шири омраза кон Македонците и Албанците


Скопје, 3 јануари, 2019 - 16:05 (META) 

Во напис „Шиптарите, Македонците и крвникот Ориќ ја сакаат главата на Вучиќ“ објавен на 29 декември минатата година, таблоидот „Ало“, познат како еден од најгласните поддржувачи на српскиот претседател Александар Вучиќ, ги обвини и Албанците на Балканот и Македонците дека по секоја цена сакаат да го урнат угледот на Вучиќ, претставувајќи го како нарачател на убиство.

Пишувајќи за тврдењата на Насер Ориќ, поранешен командант на единиците на армијата на БиХ во Сребреница во текот на војната во оваа држава дека Вучиќ сакал да го убие, „Ало“ тврди дека со деталите за наводниот заговор што Ориќ ги изнел „стави до знаење дека Македонците, Албанците и тајните служби нa тие простори, како и структури што дејствуваат на просторот на БиХ, а кои Ориќ и понатаму го доживуваат како херој, имаат само една цел, а тоа е Србија да ја втераат во ќош и да ја срушат власта“.

Но, според она што се цитира на друго место во овој текст, станува збор за еден македонски разузнавач кој на Ориќ му пренел информација дека Вучиќ и шефот на српската безбедносна служба БИА, во една канцеларија наводно разговарале за негова ликвидација. Истото, пренесува „Ало“, на Ориќ му го кажал и „еден многу влијателен Албанец“ кој бил во Хаг поради злосторства кон Србите.

Но, од еден македонски разузнавач и еден Албанец, ако и навистина тие биле вклучени во случајот, до тврдењето дека Македонците и Албанците и други структури сакаат да го урнат Вучиќ и работат против Србија има огромен непремостлив јаз. Посебно што во овој случај и станува збор можеби за вистински заговор за убиство на Ориќ.

Затоа и ваквите тврдења на „Ало“ наликуваат само на обид да се шири омраза, што е надополнето и од неоснованото тврдење во текстот дека „од разни адреси од регионот непрестано стигнуваат некои обвинувања на сметка на Србија и нејзините власти“.


Ципрас: Првиот договор со новото име на соседот да биде за брза пруга со Грција и Србија


Белград, 21 декември, 2018 - 16:11 (META) 

Грчкиот премиер Алексис Ципрас од Белград, каде е на официјална посета и средба со српскиот државен врв, твитна дека со претседателот на Србија, Александар Вучиќ разговарале за тространа соработка со Македонија во полињата на транспортот, енергетиката, трговијата, како и за полициска соработка.

Меѓу другото, тој најави и изградба на брза железница меѓу Атина и Будимпешта.

Тој потоа на заедничката прес-конференција со Вучиќ, по втората средба на Грчко-српскиот совет за соработка на високо ниво, порача дека Грција ќе продолжи да биде витален помагач на Балканот.

– Преземаме дипломатски иницијативи за да ги претвориме симпатиите на двата народи (грчкиот и српскиот) во дела. Мора да дадеме позитивна перспектива и да се запрашаме дали политиката на интертност може да создадат перспективи. Напротив, мултидимензионалната надворешна политика може да донесе перспектива. За нас Балканот е економски витален, а Грција е витална за останатите балкански земји. Јас верувам во визијата за интербалканска соработка и се радувам на можност за отклучување на големиот потенцијал на нашиот регион. По ратификацијата на Договорот од Преспа од парламентите на двете земји (Грција и Македонија), ќе продолжиме со тристрана соработка за да ги унапредиме Пиреја, Солун, Белград, како транзитни центри и потоа ќе пристапиме кон пакт за економска соработка меѓу Грција и Србија – рече Ципрас.

Тој посочи дека со Преспанскиот договор, Македонија наместо ѕид, ќе стане  мост меѓу двете земји.

Најави и железничка пруга за големи брзини што ќе ги зближи трите земји.

– Грција е земја што игра најстабилизирачка улога вво регионот. Таа го докажува тоа со Преспанскиот договор по повеќе од 30 години конфликт со нашата соседна земја, нашата,  на Грција и Србија заедничка сосетка и нема да биде претерување да се каже дека имаше една земја што беше како еден сив појас меѓу нас. Сега немаме ѕид меѓу двете земји, туку мост. Преспанскиот договор ќе помогне на Грција и Србија да се приближат повеќе и да ја доразвиваат економската соработка, преку инвестиции и планови што ќе ја засилат меѓусебната поврзаност и ќе овозможат граѓаните и стоките да патуваат побрзо. Нашата цел е првиот меѓународен договор што нашата соседна земја ќе го потпише со новото име да биде меѓу Грција, Србија и Северна Македонија за брза железничка пруга што ќе ги спојува Атина, Солун, Скопје, Белград, а потоа и до Будимпешта, што ќе ги приближи дополнителнно Грција и Србија и ќе има крајно поволни последици за трговијата, туризмот, но и за стабилноста на Балканот – рече Ципрас.


Srpski mediji pogrešno predstavljaju Karakačanova kao oficijalnu Sofiju


Skopje, 18 декември, 2018 - 23:45 (META) 

U analizi pod naslovom „SKOPLJE I SOFIJA U KLINČU Tenzije sve veće, Bugarska poručila Makedoniji da provocira i da makedonski jezik NE POSTOJI“ objavljenoj danas, predstavljajući najnovije iskre u makedonsko – bugarskim odnosima, srpske novine „Blic“ sasvim pogrešno u naslovu su poistovetile bugarskog vicepremijera i ministra odbrane Krasimira Karakačanova sa celom vlasti Bugarske i uopšte sa celom zemljom.

Inače, isti tekst, uz napomenu da je reč o tekstu „Blica“, ali pod drugačijim naslovom, pojednako dezinformirajući, preneo je i nedefinisani nacionalistički veb-sajt tabloid „Srbija danas“.

Imeno tekst govori o stavovima i izjavama Karakačanova prema makedonskoj vlasti, ko je i predsednik bugarska nacionalističke partije VRMO-BND i zakleti pobornik teze bugarskog porekla Makedonaca, ali uopše ne spominje bilo kog drugog pripadnika vlasti u Bugarskoj.

Ova jedna ličnost, odnosno vicepremijer, se izjedančava sa celom vlasti, iako ni premijer Bugarske ni drugi vicepremijeri ne podržavaju tvrdnje nacionalističkog vicepremijera da je Makedonija prekršila Sporazum o dobrosusedstvu, ali šta više, nisu potvrdili i da Bugarska blokira evroatlantske integracije Makedonije, odnosno njene pokušaje da se učlani u EU i NATO.

Karakačnov još pre više od deset dana, prvo preko obraćanja na veb strani VMRO-BND, a zatim korz brojna gostovanja u bugarskim medijima, nešto što je bilo ponovljeno i prošlog vikenda, poručio da izjave na makedonskom jeziku makedonskog premijera Zorana Zaeva, kao i zajedničke ekspertske komisije Makedonije i Bugarske, predstavljaju kršenje odredbi Sporazuma.

Ali takve izjave, osim što su naširoko prenete u bugarskim medijima, ne dobijaju podršku drugih pripadnika vlasti, čime pada u vodu teza srpskih novina „Blica“ izrečena u naslovu.

 


Српски медиуми погрешно го претставуваат Каракачанов како официјална Софија


Скопје, 18 декември, 2018 - 16:51 (META) 

Во анализа под наслов „Скопје и Софија во клинч: Тензиите се сè поголеми, Бугарија и порачува на Македонија дека провоцира и дека македонскиот јазик НЕ ПОСТОИ“ oбјавена денеска, претставувајќи ги најновите искрења во македонско-бугарските односи, српскиот весник „Блиц“  сосема погрешно со насловот го поистовети бугарскиот вицепремиер и министер за одбрана Красимир Каракачанов со целата власт на Бугарија и со целата земја воопшто.

Инаку, истиот текст, со потсетување дека станува збор за текст на „Блиц“, но со поинаков наслов, исто толку дезинформирачки, го пренесе и недефинираниот националистички веб-сајт-таблоид „Србија данас“.

Имено, текстот зборува за ставовите и забелешките кон македонската власт од Каракачанов, кој исто така е и претседател на бугарската националистичка партија ВМРО-БНД и заколнат поборник на тезата за бугарското потекло на Македонците, но воопшто не споменува кој било друг припадник на власта во Бугарија.

Со ова една личност, односно вицепремиер, се изедначува со целата власт, иако ниту премиерот на Бугарија ниту други вицепремиери не ги поддржаа тврдењата на националистичкиот вицепремиер дека Македонија го прекршила Договорот за добрососедство, но уште повеќе, не потврдија и дека Бугарија ќе ги блокира евроатлантските интеграции на Македонија, односно нејзините обиди да се зачлени во ЕУ и НАТО.

Каракачанов уште пред повеќе од 10 дена, првин преку обраќање на веб-местото на ВМРО-БНД, а потоа преку бројни гостувања во бугарски медиуми, нешто што беше повторено и изминатиов викенд порача дека со изјавите на македонски јазик од македонскиот премиер Зоран Заев, како и заедничката експертска комисија на Македонија и Бугарија, го пречекоруваат пропишаното од Договорот.

Но таквите искази, освен што беа нашироко пренесувани во бугарските медиуми, не добија поддршка од други припадници на власта, со што паѓа во вода тезата на српскиот весник „Блиц“ искажана во насловот.


НАТО и ЕУ со разочарување за прогласувањето армија на Косово


Брисел, 14 декември, 2018 - 13:06 (META) 

Генералниот секретар на НАТО, Јенс Столтенберг, денеска порача оти е разочаран од одлуката на косовскиот парламент да ги донесе законите со кои Косовските безбедносни сили (КБС) ќе се трансформира во армија и покрај забраната од алијансата. Реагираше и Маја Коцијанчич, портпарол на ЕУ за надворешни работи и европска соседска полиција и проширување.

-Иако трансформацијата на КБС во принцип е нешто за кое одлучува Косово, ние јасно ставивме до знаење дека потегот доаѓа во погрешно време – порача Столтенберг.

Тој рече дека НАТО и понатаму, преку КФОР, останува посветен на безбедноста и сигурноста на Косово и стабилноста на Западен Балкан.

-Сите страни мора да осигураат дека денешната одлука нема дополнително да ги зголеми тензиите во регионот. Сите одговорни политички актери мораат да се сосредочат на напредокот на реформите и дијалогот – истакна шефот на НАТО.

Тој повторно ги повика Белград и Приштина да останат смирени и да се воздржат од какви било изјави или акции кои би можеле да доведат до ескалација на односите.

Коцијанчич порача дека ЕУ, исто како и НАТО, продолжува да го држи ставот дека мандатот на КБС смее да се смени само преку инклузивен и постепен процес во согласност со уставот на Косово.

– Европската Унија очекува Косово да продолжи да ги исполнува своите обврски според Првиот договор скучен во Брисел во април 2013 и неговите безбедносни одредби – рече Коцијанчич.


Косово ги донесе законите за формирање армија, Србија на готовс


Приштина, 14 декември, 2018 - 13:01 (META) 

Косовските пратеници претпладнево ги изгласаа трите закони кои се однесуваат на промена на мандатот на Косовските безбедносни сили (КБС) во војска, со што Косово и официјално влезе во процес на добивање своја армија.

Министерот за одбрана на Србија, Александар Вулин, порача дека војската е на готовс.

Седницата на косовскиот парламент, започна со едноминутен молк во знак на почит за, како што рече парламентарниот спикер Кадри Весели, „сите поколенија кои во различни околности, ги жртвуваа своите животи за овој ден“.

– Да ги испочитуваме генерациите на политички затвореници, студентите од студентските движења, интелектуалците и рударите на Косово. Да ги испочитуваме нашите сонародници секаде низ светот, политичките дејци на мировниот отпор, момчињата и девојките на Ослободителната војска на Косово. Ние денеска стоиме тука благодарение на таа натчовечка жртва, горди на минатото и сигурни во нашата евроатлантска иднина – изјави Весели.

Првиот закон што е донесен е законот за трансформација на косовските безбедносни сили во министерство за одбрана, а вториот за трансформација на КБС во оружени сили. Во 11:20 усвоен е и последниот, третиот закон, за служба во безбедносните сили со што официјално заврши процедурата за формирање косовски оружени сили.

-Со ова гласање денеска почнува една нова епоха за нашата држава. Од овој момент официјално имаме војска на Косово – рече Весели.

Министерот за одбрана на Србија Александар Вулин изјави дека е направена процена на ситуацијата на Косово и Метохија и дека за сѐ е информиран и српскиот претседател Александар Вучиќ.

-До доцна синоќа имавме средби со претседателот на Србија и врховен командант на српската војска Александар Вучиќ. Тој е информиран за секој детаљ за сѐ она што се случува на просторот на Косово и Метохија, не само од претставниците на српската војска, туку од сите безбедносни служби – кажа Вулин.

Тој додаде дека српскиот претседател е многу загрижен и заинтересиран за сѐ што се случува на просторот на Косово и дека сите одлуки ќе ги донесе врз основа на директните информации за сѐ што се случува на тој простор.


Живаљевиќ и неговиот шеф се скрасија во БИХ, во Сараево стравуваат од нивни „27 април“


Сараево, 10 декември, 2018 - 16:51 (META) 

Горан Живаљевиќ, српскиот разузнавач што се фотографираше во Собранието при бруталното насилство на 27 април 2017 година, од почетокот на ноември годинава е во Сараево, во амбасадата на Србија.

Таму првата позиција – амбасадор – од мај годинава ја извршува неговиот шеф, поранешниот директор на српската безбедносна и разузнавачка агенција – БИА, Александар Ѓорѓевиќ, известува „Радио Сарајево“. Овој медиум изнесувајќи изјави за вмешаноста на српската тајна служба во насилството во Собранието на 27 април, потсетува дека Основното јавно обвинителство размислува да го испрашува Живаљевиќ за неговата улога во упадот.

„Дали се подготвува македонско и црногорско сценарио за БиХ?“ се прашува во насловот „БХ Вјести“, пренесувајќи ја приказната.

Документите што ги објавија македонската НоваТВ, белградски КРИК и ОЦЦРП покажуваат дека Живаљевиќ во Македонија вршел пропагандна активност со цел промовирање на руската полиика“ на поранешниот македонски премиер Никола Груевски и активности против зачленувањето на Македонија во НАТО.

Во текстот на „Радио Сарајево“ посветен на преместувањето на српските разузнавачи кои се на линијата на ширење на руското влијание на Балканот се наведува дека уште еден нивни „соборец“  е во БиХ.

Станува збор за Мирослав Лазански, новинар и военополитички аналитичар, кој во РТРС, јавниот радиодифузен сервис на Република Српска, преку емисијата „Лазански директно“ продолжува со истите активности како во Македонија во времето на владеењето на Груевски, кога ја фалеше тогашната власт.