Фондацијата “Метаморфозис” и МИОА со ново видео го одбележуваат Денот на побезбеден интернет


Скопје, 5 февруари, 2019 - 13:15 (META) 

Во над 140 земји од светот денеска се одбележува меѓународниот Ден на побезбеден интернет под мотото „Заедно за подобар интернет“. Одбележувањето на овој ден претставува повик за акција кон сите засегнати страни, со заеднички сили да помогнат во креирањето на подобар интернет за сите, особено за младите.

Фондацијата “Метаморфозис” во соработка со Министерството за информатичко општество и администрација (МИОА) го одбележуваат денот со ново едукативно видео за подигнување на свесноста кај младите за потребата од побезбедно и поодговорно користење на онлајн технологиите и мобилните телефони.

Сите заинтересирани можат да се вклучат во кампањата и да ја изразат својата поддршка преку тоа што:

1.Ќе речат „не“ на кибер-насилството

Онлајн насилството е широко распространет проблем и сосема е сигурно дека сите оние што се активни на социјалните медиуми имаат посведочено или биле жртва на ваков вид насилство. Но, добрата вест е дека младите од Европа се организираат против онлајн насилството преку кампања наречена #Togetherforrespect (Заедно за респект).

2. Ќе ја заштитат нивната приватност онлајн

Приватноста онлајн можеби изгледа смешно од оваа перспектива, но заштитата на личните податоци е неопходна за да може безбедно и сигурно да се ползуваат благодатите на онлајн светот. Податоците на граѓаните константно се прибираат од страна на платформите за социјални медиуми и разни апликации кои се користат на дневна основа. Ако не се обрнува доволно внимание на поставките за приватност, злонамерни лица можат да добијат пристап до податоците на граѓаните и да ги искористат за наштетување репутацијата или уцени.

3. Ќе научат да размислуваат на критички начин

Измамите на интернет добиваат екстремни пропорции и за оние кои ќе наседнат може да има сериозни последици. Освен измамите, многу поширок е проблемот за дезинформациите и лажните вести. Поради тоа, развојот на вештините за медиумска писменост е апсолутно неопходен.

На оваа веб страница се прикажани сите активности кои што се случуваат насекаде низ светот каде луѓе со слични идеи и предлози се обидуваат да го направат интернетот побезбедно место за сите.

Дополнителни ресурси за начините за заштита на децата и младите на интернет се достапни на веб-страницата на Проектот за Заштита и безбедност на децата и нивните права на интернет – CRISP (Children’s Rights on the Internet – Safe and Protected) или на „Безбедно на интернет“.

Активностите за Денот на побезбеден интернет може да ги следите и на социјалните медиуми преку #SID2019 и #SaferInternetDay.


Истражување: Mажите повеќе од жените се на социјалните мрежи


Скопје, 6 декември, 2018 - 11:23 (META) 

Интернет пенетрацијата е зголемена на 79,3 проценти опфат на домаќинствата во првото триемесечjе од 2018 година, наспроти 73,6 проценти во истиот период минатата година, вели претседателката Асоцијација за е-трговија на Македонија, Нина Ангеловска.

Таа додава дека има подобрување и во начинот на пристап потребен за обавување на е-трговија.

„Во Македонија 79,2 проценти од популацијата на возраст од 15 до 74 години употребило интернет или околу 1,3 милиони жители. Од тоа машкиот пол повеќе (80,9 проценти) од женскиот (77,4 проценти). 97,5 од младите на возраст од 15 до 24 години употребиле Интернет, а најмалку употребувале Интернет во старосната група од 55 до 74 години (46,7 проценти) во изминатите 12 месеци. Речиси секој ден интернетот го користат 68,7 проценти од популацијата од 15 до 74 години и тоа пак повеќе мажите од жените. За да пристапат до Интернет најмногу користеле мобилен или паметен телефон дури 68,8 проценти од Интернет-корисниците, потоа од лаптоп 41,1 проценти, од десктоп 36,5 проценти и 14 проценти пристапиле од таблет“, вели Ангеловска.

Таа додава дека граѓаните на Интернет најмногу зборувале и учествувале на „Фејсбук“ и тоа 64,8 проценти од Интернет-корисниците, но помалку од минатата година односно 83,8 проценти.

Што се однесува до користење на Интернет за социјални мрежи кое е најголемо, мажите (68,6 проценти) многу повеќе од жените (60,9 проценти) учествувале на социјалните мрежи. Исто така спрема минатата година


Довербата во медиумите во Македонија меѓу најниските во Европа


Брисел, 20 март, 2018 - 13:51 (META) 

Според најновиот извештај на Европската радиодифузна унија (ЕБУ), довербата во медиумите кај граѓаните на Македонија е меѓу најниските во Европа и дури и  опаѓала во изминативе пет години.

Во анализата што се темели претежно на 88-от извештај на Еуробарометар, се вели и дека ниската доверба на македонските граѓани во медиумите е во тесна врска и со индексот за слобода на медиумите изработен од „Фридом Хаус“. Така, според последниот индекс, Македонија е на претпоследно место во Европа, пред Турција, а во поглед на довербата во радиодифузните медиуми е подобра од Србија и Грција.

Screenshot2Генерално погледнато, според процентот на недоверба, кон медиумите воопшто, Македонија е втора во Европа, заедно со Обединетото Кралство, каде дури 52 отсто од населението не им верува на медиумите. Состојбата е полоша само во Малта, каде недовербата изнесува 53 отсто.

Кога станува збор за довербата на публиката во различните категории медиуми, во Македонија најмногу се верува на телевизиите, потоа се радијата и и порталите и другите категории страници на интернет, додека довербата во печатените медиуми е најниска.

За разлика од земјите на ЕУ, каде најголема доверба имаат радијата, во Македонија, Албанија, Бугарија, Романија, Турција и голем број земји во ЕУ, најмногу се верува на телевизиите. Најниска доверба во ЕУ, но и во Турција и во Албанија, имаат содржините од социјалните мрежи, а пак во Македонија, Србија и Бугарија најмала доверба уживаат печатените медиуми.

На ниво на Европа, најголема доверба имаат радијата, со 59 отсто, потоа се телевизиите со 51 отсто, следени од печатените медиуми со 47 отсто, интернет со 34 отсто и социјалните мрежи со 20 отсто. Screenshot3

Во поглед на довербата кон радијата, Македонија е последна со само 28 отсто, а процентот на недоверба е 67 отсто. Во периодот од 2012 до 2017 довербата во радијата во Македонија опаѓала умерено, односно со пад помал од 10 проценти.

Кога станува збор за телевизиите, тие во Македонија имаат доверба кај 49 отсто од граѓаните, а подеднаков процент граѓани не им веруваат. Во периодот 2012 до 2017 речиси и да нема промена на процентите.

Screenshot4Во поглед на печатените медиуми, Македонија по недоверба е втора во Европа, односно само 24 отсто од граѓаните им веруваат, а 63 отсто немаат доверба во нив. Пред нас е само Обединетото Кралство, со 23 отсто доверба и 73 отсто недоверба. Во последните 5 години, довербата во овие медиуми опаднала значително, односно повеќе од 10 отсто, а ситуацијата е иста и во Србија, Црна Гора и во Словачка.

Во поглед на медиумите на интернет, Македонија по недоверба е некаде во средината на Screenshot6листата на европските земји, со 37 отсто доверба и 47 отсто недоверба. Таа доверба во периодот од 2012 до 2017 година, опаднала значително, односно за повеќе од 10 проценти, а иста е состојбата и во Црна Гора, Романија, Словачка, Чешка, Балтичките републики, Финска, Шведска, Данска, Холандија, Франција и Обединетото Кралство.

Во социјалните мрежи во Македонија доверба имаат 30 отсто и таа е на деветто место. На оваа листа води Албанија со 42 отсто доверба, потоа е Турција со 39 отсто, Бугарија со 37 отсто, а Хрватска има 32 отсто доверба. Недовербата во Македонија кон социјалните мрежи изнесува 53 отсто.

foom-logo-disklejmerТекстот е изработен во рамки на проектот „Опсерваторија на медиумските реформи“, што го спроведуваат Фондацијата за интернет и општество „Метаморфозис“, „Агора“ Центар за промовирање на граѓански вредности и Платформата за истражувачко новинарство и анализи (ПИНА), со финансиска поддршка на Фондацијата Отворено општество – Македонија.
Содржината на текстот е единствена одговорност на авторите и на ниту еден начин не може да се смета дека ги одразува гледиштата на Фондацијата Отворено општество – Македонија.


Владата платила само 250 евра за реклами на „Фејсбук“ и „Твитер“


Скопје, 20 февруари, 2018 - 9:47 (META) 

Владата на Република Македонија на 22 август донесе одлука со која повеќе нема да нарачува реклами во електронските радиодифузери, во весниците и порталите, како и билборди, но го задржува правото да информира за своите активности преку социјалните медиуми. За таквото информирање од нејзиното назначување во јуни се потрошени 15.800 денари, одговори портпаролот на Владата, Миле Бошњаковски, на прашањата од „Мета“ за владиното рекламирање на социјалните мрежи.

Тој вели дека Владата е определена да креира демократски простор за информирање за граѓаните да донесуваат слободно мислење и тоа го докажала со одлуката да не се рекламира по медиуми и на билборди.

„На 22 август Владата на Република Македонија во рамки на планот 3-6-9 изгласа мерка со која нема повеќе да се јавува како нарачател на реклами, кампањи и спотови на платен простор во електронски комерцијални радиодифузери – телевизии и радија, дневни и неделни весници, билборди, интернет портали и сл. (со исклучок на социјалните медиуми). Со оваа одлука се спречува во иднина било која влада да го наметнува своето влијание врз медиумите, преку плаќање големи суми за реклами, практика која се случуваше во минатото“, вели Бошњаковски во одговорот што ни го испрати.

Според владиниот портпарол, Владата за информирање на јавноста за своите мерки и активности ќе ги користи социјалните медиуми, оти во нив не може да се наметне моќ и влијание од државните институции, но и рекламирањето таму чини многу помалку отколку во медиумите.

„Во моментов социјалните медиуми се најевтин канал за комуникација, и имајќи предвид дека кај нив не постои централно уредништво како кај другите медиуми, нема закана за наметнување на моќ и влијание од страна на државните институции кои комуницираат со граѓаните, и токму затоа се користат од многу влади во светот“, појаснува Бошњаковски, додавајќи дека на тоа се потрошени вкупно 15.800 денари“, одговори Бошњаковски.

foom-logo-disklejmerТекстот е изработен во рамки на проектот „Опсерваторија на медиумските реформи“, што го спроведуваат Фондацијата за интернет и општество „Метаморфозис“, „Агора“ Центар за промовирање на граѓански вредности и Платформата за истражувачко новинарство и анализи (ПИНА), со финансиска поддршка на „Фондацијата Отворено општество – Македонија“.
Содржината на текстот е единствена одговорност на авторите и на ниту еден начин не може да се смета дека ги одразува гледиштата на „Фондацијата Отворено општество – Македонија“.


„Твитер“ за пресудата за Талевска: Република Условна Македонија…


Скопје, 19 февруари, 2018 - 15:53 (META) 

Откако Кривичниот суд денеска и одреди условна казна од две години затвор на новинарката Ивона Талевска, доколку во следните четири години не го повтори или стори друго кривично дело, на социјалните мрежи има многу коментари на негодување за казната која ја доби Талевска за затајување данок во случајот „Тифани“ на СЈО.

Дел од корисниците гневни велат дека нема да плаќаат веќе данок, други сметаат дека таа требала да добие ефективна казна затвор.


Имало 30 закани преку социјалните мрежи кон функционери, шест кон Заев


Скопје, 9 февруари, 2018 - 15:15 (META) 

Министерството за внатрешни работи соопшти денеска дека неговиот Сектор за компјутерски криминал и дигитална форензика во изминатиот период документирал и процесуирал 30 случаи во кои преку социјалните мрежи на носители на државни функции им била загрозена сигурноста или биле злоупотребени нивните лични податоци.

За сите случаи биле испратени известувања до Основното јавно обвинителство Скопје за да се прецизира дали станува збор за кривични дела што се гонат по службена должност.

Во тие случаи се и шест закани кон премиерот Зоран Заев, и е откриено едно лице што се заканувало. Тоа е сторено во соработка со Фејсбук и со канцеларијата на Интерпол и еден интернет провајдер во Швајцарија. Од МВР велат дека против осомничениот ќе биде поднесена кривична пријава.

Министерството уверува дека за сите пријави постапува исто како во новообјавените случаи.


Земјотрес со јачина од 4,7 степени според Рихтер ги погоди Сплит и околината


Сплит, 3 февруари, 2018 - 17:25 (META) 

Земјотрес со јачина од 4,7 степени според Рихтер ги погоди Сплит и околината, јавуваат хрватските медиуми. Сеизмолошката служба на Хрватска објавила дека, земјотресот се почувствувал во Сплит и во Макарска.

За сега нема информации за повредени, ниту за настаната материјална штета.

Граѓаните во паника споделуваа информации на социјалните мрежи, во кои се вели дека, земјотресот траел долго и бил проследен со звук.


Дигитална дипломатија: Повеќе сме отсутни, отколку присутни на социјалните медиуми


Скопје, 18 декември, 2017 - 16:12 (META) 

„Твитер“ препукувањата помеѓу амбасадите на Русија и на САД околу загадувањето на воздухот во Скопје ја истакна важноста на социјалните мрежи и комуникацијата која се врши преку нив.

Политичарите од западните земји активно и постојано ги користат социјалните мрежи за споделување на информации и за комуникација со јавноста.

Обединетата македонска дијаспора во истражувањето спроведено од октомври до декември годинава го споредува присуството на македонското Министерство за надворешни работи на социјалните медиуми со она на десетина други европски земји од регионот.

Според истражувањето, македонското МНР го има едно од најниските нивоа на присуство на социјалните медиуми, односно најмал број на официјални профили на „Фејсбук“ и „Твитер“ за дипломатските мисии и за министерствата за надворешни работи, односно министри.

Македонија има 57 дипломатски мисии, а само 14 профили на социјалните мрежи што значи дека, во просек, Македонија има малку помалку од еден профил на социјалните медиуми за секои четири дипломатски мисии. Албанија има 52 дипломатски мисии и има 58 профили на социјалните медиуми.

Според истражувањето, Македонија има „нула екстремно многу активни“ профили на социјалните мрежи, Албанија има 8, Бугарија еден, Грција 5, Полска 10, а Србија и Косово исто како Македонија немаат екстремно многу активни профили. Македонија има три многу активни профили, активни 5, не многу активни 3.

https://www.theverge.com/2017/12/16/16778604/london-great-smog-1952-death-in-the-air-pollution-book-review-john-reginald-christie

Министерот за надворешни работи Никола Димитров има 4.996 следачи на „Фејсбук“, Дитмир Бушати од Албанија има 68.120, Екатерина Захариева од Бугарија има 6.801, Ивица Дачиќ од Србија има 8.532, а Беџет Пацоли од Косово има далеку најголем број на следачи во споредба со сите други, односно 502.884.

На „Твитер“, Димитров има 4.948 следачи, Бушати 91.925, Захариева 81, Никос Коѕијас 25.985, Дачиќ 514, а Пацоли 1.455

Според истражувањето, веб-страницата на македонското МНР не е лесна за користење како повеќето веб-страници на другите министерства опфатени со анализата.

Од ОМД велат дека нема причина зошто Македонија да нема профили на „Твитер“ и „Фејсбук“ за секоја од своите 57 дипломатски мисии, без притоа да потроши дополнителни средства. ОМД го советува министерството значително да го зголеми присуството на социјалните медиуми со „Твитер“ и „Фејсбук“ профили за сите дипломатски мисии и персонал и притоа да ги држи профилите активни со објавување неколку пати на ден.


Анализа: Градоначаниците не ги користат социјалните мрежи за да ги слушнат граѓаните


Скопје, 17 декември, 2017 - 13:45 (META) 

Осумдесет од вкупно 81 градоначалник ја користат социјалната мрежа „Фејсбук“ во својата работа, покажа анализата направена од тим специјалисти за социјални медиуми, во периодот помеѓу 04 и 15 декември 2017 година.

Втор на листата на „омилени“ социјални медиуми кои ги користат градоначалниците е „Инстаграм“. Анализата покажува дека 21 градоначалник го користат „Инстаграм“, а само пет од 81 градоначалник го користи „Твитер“.

Сепак, специјалистот за нови медиуми и односи со јавност, Бојан Кордалов, вели дека повеќето од градоначалниците еднонасочно ги користат социјалните медиуми, односно само за промоција на нивната работа, но не и за да контактираат и да ги слушнат проблемите и идеите на граѓаните.

– Тоа што недостасува кај поголемиот дел од нив е да бидат секојдневно присутни онлајн, но не само за да се претстават, туку да го слушнат мислењето, критиките и предлозите кои доаѓаат преку социјалните медиуми. Разликата во бројот на градоначалници кои користат „Фејсбук“ споредено со „Инстаграм“ веројатно се должи на недостатокот на професионални лица и тимови за социјални медиуми кои секоја општина е потребно да ги има. Активното користење на „Твитер“ од само 5 градоначалници можеме да го толкуваме како недостаток на ресурси, но пред сè и како избегнување на оваа публика која важи за најкритизерска. Ова не е добро и мора да се промени – вели Кордалов, кој е и автор на анализата.

Само тројца градоначалници истовремено користат Фејсбук, Твитер и Инстаграм во својата работа, а само еден градоначалник, односно градоначалникот на Ранковце, Ивица Тошевски, воопшто не ги користи социјалните медиуми, покажа Анализата.

Сепак, градоначалниците се поактивни на „Фејсбук“ споредено со пратениците и министрите. Ваква анализа, направена во март годинава година, откри дека 110 од вкупно 120 пратеници користат „Фејсбук“, додека слично истражување објавено во јуни годинава покажа дека 20 од вкупно 26 министри се редовно активни на овој социјален медиум.


Заев би го вратил Таравари на министерската функција ако не стане градоначалник


Скопје, 15 септември, 2017 - 20:51 (META) 

Премиерот Зоран Заев е подготвен да го врати Арбен Таравари за министер за здравство ако тој изгуби во градоначалничката трка, без оглед што самиот си поднесе оставка. Гостувајќи во емисијата „Топ-тема“, Заев рече дека не е проблем Таравари да се врати ако загуби на изборите, оти демократијата подразбира право за битка за гласовите на граѓаните.

Тој нагласи дека, пред сè, локалните избори се битка на личности.

– Во овој човек гледам квалитетен министер. Оставете ги луѓето слободно да ги донесуваат одлуките. Мојата демократска поставеност како шеф на оваа влада има граници. Да не преминеме во диктаторство. Не би сакал да се откажам од квалитетен човек ако изгуби – порача Заев.