!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

ВМРО-ДПМНЕ: На Заев му е побитен евтиниот популизам, отколку чистиот воздух


Скопје, 14 ноември, 2017 - 10:05 (META) 

Владата на Зоран Заев шест месеци нема превземено ниту еден суштински чекор за прочистување на воздухот, велат од опозициската ВМРО-ДПМНЕ и додаваат дека наместо почист воздух, градовите се гушат во смог, а „ветувањата на СДС доживуваат фијаско“.

„Наместо да се справуваат со загадувањето, градоначалниците на СДС тргнаа со контрамерки. Шилегов и Богоев ги стартуваа мандатите со сечење на дрва низ градот. Мерните станици на Министерството за животна средина и просторно планирање секојдневно алармираат превисоки концентрации на ПМ10-честичките, загадено е низ цела Македонија, а вчера особено алармантно беше во Тетово, Карпош и Кавадарци“, стои во соопштението.

Од партијата додаваат дека „згора на тоа СДС се дрзна да ја укине и акцијата „Денот на дрвото“, во која досега, според ВМРО-ДПМНЕ, биле засадени 36 милиони дрва, со над 50 отсто успешност.

„Граѓаните врз сопственото здравје почнаа да ги чувствуваат лагите и манипулациите на владата на СДС. На Заев му е побитно да продава евтин популизам отколку да реализира реални мерки со кои ќе се подобри живеењето на граѓаните на Република Македонија“, велат од ВМРО-ДПМНЕ.


Пекинг се задушува во смог и во магла


Пекинг, 5 јануари, 2017 - 12:35 (META) 

Во повеќе области во Кина во моментов има големо загадување, а Пекинг е под црвена тревога, највисока од четирите видови тревога што се однесуваат на смогот.

Истовремено во Пекинг е прогласена и жолта тревога поради маглата.

Другите подрачја, особено во Северна Кина се под црвена тревога и поради маглата и поради смогот.

Медиумите објавија снимки на кои се гледа дека смог го прикрива главниот град во толкава мера што се гледаат само врвовите на зградите.

Високото ниво на загадување трае веќе се недели, што доведе до откажување на летови и до воведување забрана за сообраќај.


Поради смогот во Пекинг, затворени автопатите и откажани десетици летови


Пекинг, 2 јануари, 2017 - 14:20 (META) 

Пекинг и други градови во Северна и во Централна Кина ги покри густ смог поради што властите откажаа десетици летови и ги затворија автопатите.

Бирото за заштита на животната средина во Пекинг го продолжи портокаловото предупредување за зголемено загадување на воздухот уште три дена, иако се очекуваше смогот да се намали до денеска.

Портокаловото предупредување е од трет степен, пред најголемото црвено предупредување.
Вчера во 25 кинески градови објавен е црвен аларм на смог, поради што беа затворени фабрики, училишта и градилишта.

Кина се бори против загадувањето на воздухот чии најголеми предизвикувачи се произведувачите на енергија со согорување на јаглен, како и големиот број стари автомобили.


Пекинг прогласи црвена тревога поради смогот


Пекинг, 15 декември, 2016 - 10:36 (META) 

Градските власти на Пекинг денеска објавија црвено предупредување од 17 до 21 декември поради високото ниво на загадување на воздухот, соопштија од бирото за заштита на човековата средина.

Во соопштението се укажува на прогнозата на кинескиот центар за еколошки надзор, во која се предупредува дека концентрацијата на смог ќе биде зголемена во Пекинг и во околината, вклучувајќи ги и градовите Тјанџин и Хебеи, како и во провинциите Шандонг и Хуман.

Системот за предупредување со бои е воведен минатата година во Пекинг во рамки на ветувањата на властите дека ќе го намалат загадувањето.


Скопје, Тетово, Битола и Кичево вечерва се задушуваат во смог


Скопје, 7 декември, 2015 - 20:41 (META) 

Центар, Гази Баба, Карпош, Лисиче, Тетово, Битола и Кичево вечерва се задушуваат во загаден воздух и во смог, а мерните станици поставени таму покажуваат многу високо ниво на канцерогените ПМ10-честички. Во Кавадарци загадувањето на амбиенталниот воздух е на високо ниво, а во Кочани и во Велес е на средно ниво.

На мерните станици во Карпош и во Центар освен многу високо ниво на ПМ10-честички, измерено е и многу високо ниво на честичките ПМ2,5.

Во 20 часот, на мерната станица во Тетово, концентрацијата на ПМ10-честичките изнесуваше 280 микрограми на еден кубен метар, што е речиси шестпати повеќе од дозволените 50 микрограми на еден кубен метар.

Во скопската населба Лисиче, во 20 часот беа измерени 250 микрограми, во Карпош – 330 микрограми, во Гази Баба и во Битола по 232 микрограми, а во Центар – 400 микрограми на еден кубен метар што е осумпати повеќе од дозволеното.

Доколку вредностите на канцерогените честички ПМ10 ја надминуваат дозволената вредност 10 дена по ред, тогаш од Град Скопје треба да ги прскаат улиците со калциум магнезум ацетат, Јавното сообраќајно претпријатие треба да воведе бесплатен јавен превоз, а Министерството за внатрешни работи да воведе возење на автомобилите по системот пар – непар.


Пекинг се задушува во смог, издадено предупредување од највисоко ниво


Пекинг, 29 ноември, 2015 - 14:17 (META) 

Властите на главниот град на Кина, Пекинг, денеска поради смогот издале предупредување од највисоко ниво, јавуваат светските медиуми.

„Портокаловото ниво“ за кое било издадено предупредувањето во Пекинг е второ највисоко ниво на загадување. Како што пренеле кинеските медиуми, предупредувањето, меѓу другото, значи и дека се бара од фабриките да го намалат или целосно да го прекинат производството.

Мерењата, во делови од градот, јавуваат медиумите, покажале ниво на загаденост 17 пати повисоко од просекот кој се смета за безбеден по здравјето според Светската здравствена организација (СЗО).

Загадувањето на воздухот е еден од хроничните проблеми за жителите на главниот град на Кина.

Според некои извшетаи, поради смогот, видливоста во делови од Пекинг е само неколку стотини метри.