!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Тинејџерка во Тетовско паднала од автобус и добила скршеница на черепот


Тетово, 12 септември, 2017 - 12:48 (META) 

Скршеница на черепот добила 17-годишна девојка од селото Боговиње вчера попладне, откако паднала од автобус во движење, соопшти СВР Тетово.

Девојката била донесена вчера, во 15.20 часот, во Клиничката болница – Тетово, при што лекарите утврдиле фрактура на черепот. Потоа поради тежината на повредите е пренесена во Ургентен центар во Скопје.

Случајот во полиција го пријавил возачот на автобусот околу половина час откако девојката била однесена во тетовската болница. Полицијата и јавен обвинител работат на утврдување на околностите.


Параглајдерист од Скопје тешко се повредил кај Ќафасан


Охрид, 5 август, 2016 - 16:21 (META) 

Триесет и седумгодишнен скопјанец вчера попладне, околу 13.30 часот, тешко се повредил при пад од паралаглајдер кај местото Три шилки, во близина на граничниот премин Ќафасан на македонско-албанската граница, информира МВР.

Според полициските информации, кај Д.Џ. била констатирана скршеница на клучната коска.

По укажаната лекарска помош во Медицинскиот центар во Струга, тој бил префрлен во Специјалната болница „Свети Еразмо“ во Охрид на понатамошно лекување.

Од полицијата велат дека преземаат мерки за расчистување на случајот.


Скопјанец со стап ѝ ја скршил ногата на сопругата


Скопје, 5 декември, 2014 - 14:57 (META) 

Четириесет и осумгодишен скопјанец е осомничен за кривично дело при семејно насилство, откако со стап ја нападнал својата сопруга и ѝ ја скршил ногата, информираат од полицијата.

Против осомничениот А.Г. е поднесена кривична пријава за тешка телесна повреда при семејно насилство, а судија на претходна постапка му одредил мерка притвор од осум дена.

Според информациите на скопската полиција, осомничениот на 11 ноември, во расправија со сопругата, почнал да ѝ се заканува дека ќе ја убие, а, потоа удирајќи ја со стап, ѝ нанел скршеница на ногата.

Жената, во текот на 2014 година, повеќепати го пријавувала сопругот за насилничко однесување.