!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Софија Вергара во „Симпсонови“


Лос Анџелес, 11 август, 2015 - 15:15 (META) 

Глумицата Софија Вергара ќе го позајми својот глас во серијата „Симпсонови“.
Американско-колумбиската ѕвезда ќе ја игра професорката Барера во една епизода од 27. сезона на хит-серијата.

Во Барера ќе биде заљубен Барт Симпсон и неговиот учител Скинер.

Вергара е ѕвезда во серијата „Модерна фамилија“ и е најплатена ТВ-актерка во САД.

Серијата „Симпсонови“ се прикажува од 1989 година.


Почина Сем Сајмон, еден од авторите на „Симпсонови“


Лос Анџелес, 11 март, 2015 - 14:12 (META) 

Сем Сајмон, еден од авторите на „Симпсонови“ и поборник за правата на животните, почина на 59 години. Во 2011 година му беше дијагностициран рак на дебелото црево, во напредна фаза. 

Сајмон првин работеше како сценарист за „Такси“, „На здравје“ и за „Шоуто на Трејси Улман“, а потоа почна со работа на „Симпсонови“ во 1989 година, како еден од авторите.

Си замина од серијата по четвртата сезона, со договор што му гарантираше добивка од авторски права на серијата, која сè уште се емитува.

Тој ја основа фондацијата „Сем Сајмон“, која спасува кучиња од стационари и ги тренира да им помагаат на луѓе со хендикеп. Исто така, донираше пари на здруженијата „Милост за животните“, ПЕТА, „Си шепард“ и многу други, а, исто така, основа и банка за храна во Лос Анџелес.

Тој си дал завет дека своето богатство, проценето на 100 милиони долари, ќе го подели пред да почине. Парите ги дал во добротворни цели за да им помогне на бездомници и за да спаси животни кои во прибежишта ја чекаат смртта.


Авторот на „Симпсонови“ го подарува своето богатство


Лос Анџелес, 11 ноември, 2014 - 13:17 (META) 

На коавторот на култната анимирана серија „Симпсонови“, Сем Сајмон, во 2012 година му бил дијагностициран неизлечив рак на дебелото црево. Сепак, пред да почине, тој сака да го подари своето милионско богатство.
Лекарите уште во 2012 година му прогнозирале дека има уште три месеци живот, но Сајмон одбил да ја прифати песимистичката прогноза. Наместо тоа, тој одлучил преостанатото време да го посвети на својата најголема страст – помагање на животните.

Сајмон, во интервјуто на „Ен-Би-Си“ објавено минатата недела, ја нарече својата болест „најневеројатно искуство во својот живот“, затоа што е опкружен со луѓе кои ги сака. Сега планира да донира дури 100 милиони долари за да помогне во борбата за правата на животните.

Тој тврди дека конечно е смирен и оти никогаш во животот не бил посреќен.

– Ракот е грозна болест. Таа е сè она што отсекогаш ви говореле дека ќе биде. Тоа е патување и борба. Но, ако сакате публицитет и начин да соберете девојки, ракот е најдобрата работа на светот – вели низ шега 50-годишниот Сајмон.

Тој додава дека е опкружен со луѓе кои го сакаат, се грижат за него и се подготвени да направат сè за да му помогнат.

– Тоа го нарекувам среќа. Мислам дека претходно имав проблем да им дозволам на луѓето да ми се приближат – вели Сајмон.

Своите последни месеци од животот одлучил да го помине на најдобар можен начин – помагајќи им на другите. Парите ги дава во добротворни цели за да им помогне на бездомниците и за да ги спаси животните кои во прибежиштата ја чекаат смртта. Тој си дал завет дека своето богатство, проценето на 100 милиони долари, ќе го подели пред да почине.

Сем Сајмон и Мет Гронинг во 1991 година ја создадоа хит-серијата „Симпсонови“. Три години подоцна, Сајмон се повлече од проектот поради затегнатите односи со Гронинг, но ја задржа титулата извршен продуцент. Тоа му овозможило секоја сезона да заработува десетина милиони долари, кои сега ги користи за да им помогне на животните.