!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Двајца штитеници ги напуштиле домовите „25 Мај“ и „Ранка Милановиќ“


Скопје, 24 септември, 2016 - 14:01 (META) 

Штитеник од „25 Мај“ и штитеничка од ЈУ „Ранка Милановиќ“се оддалечиле од домовите во непознат правец, соопшти денеска полицијата.

Вработена во домот „25 Мај“ вчера во 17.30 часот во Полициската станица во Чаир, пријавила дека на 20 септември, околу 14 часот, 14-годишно лице се оддалечило од домот во непознат правец.

Во меѓувреме, во полициската станица Гази Баба, вчера во 15 часот, социјален работник од „Ранка Милановиќ“ пријавил дека на 16 септември, околу 14 часот, 17-годишна штитеничка, самоволно ја напуштила установата и се оддалечила во непознат правец. Причината за заминувањето е непозната.

СВР-Скопје презема мерки за пронаоѓање на двете лица.


Заев новогодишната ноќ ја помина со штитениците во Заводот во Банско


Струмица, 1 јануари, 2016 - 10:55 (META) 

Градоначалникот на општина Струмица, Зоран Заев, по единаесетти пат новогодишната ноќ ја помина со штитениците во Заводот за заштита и за рахабилитација во Банско.

Пријателството меѓу Заев и штитениците на домот трае повеќе од една деценија.

Градоначалникот Заев на своите пријатели им ја честита Новата година и им посака многу здравје и среќа.


Прилеп: Дом за стари лица како дом за казненици


Прилеп, 21 декември, 2015 - 11:11 (META) 

Замрзнатата и блокирана сметка ги остави без греење, без доволно храна и грижа 128 станари во Домот за стари лица во Прилеп.

На штитениците, кои и самите плаќаат за услугите, им се закануваат извршни решенија за наплата на долгови.

Анализите покажуваат дека, всушност, Домот за стари лица и последните две години трошел многу повеќе отколку што приходувал, а при тоа бројот на лица ангажирани и од самофинансирачки активности останал ист!

Штитениците, семејствата и граѓаните не знаат каде исчезнуваат народните пари што се влеваат на сметката на домот?