!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Осум лица загинаа кога се урна ѕид при стампедо на фудбалски стадион во Сенегал


Дакар, 16 јули, 2017 - 12:58 (META) 

Осум лица загинаа, а околу 40 се сериозно повредени вчера, кога се урна ѕид на фудбалскиот стадион „Демпа диоп“ во главниот град на Сенегал, Дакар. На уривањето на ѕидот му претходела тепачка, а потоа стампедо предизвикано од фрлениот солзавец од полицијата, при што бил урнат и ѕидот.

На финалето во кое играа клубовите „УС Оукам“ и „Стаде де Мбоур“, навивачите почнале тепачка, по што интервенирала полицијата, фрлајќи солзавец за да ги растера. Потоа уследило панично стампедо, и притоа бил урнат еден ѕид.

Претседателот на Сенегал, Маки Сал, објави на „Твитер“ дека тие што стојат зад трагедијата ќе бидат казнети.


Поранешниот диктатор на Чад доби доживотна казна затвор


Дакар, 30 мај, 2016 - 17:55 (META) 

Судот во Сенегал го прогласи поранешниот диктатор на Чад, Хисен Хабре, за виновен за злосторства против човештвото и го осуди на доживотна казна затвор.

„Хисен Хабре овој суд го прогласува за виновен за злосторства против човештвото, силувања, присилно ропство и киднапирања“, се наведува во пресудата која ја прочита претседавачот со Специјалниот суд во Сенегал, Гбердао Гистав Кам.

Хабре е осуден за мачење и смрт на илјада политички противници во текот на своето осумгодишно владеење кое започна во 1982 година.

Со таа пресуда се стави крај на 16 годишната борба на жртвите и на борците за заштита на човековите права да го изведат поранешниот диктатор од Чад пред лицето на правдата во Сенегал каде тој пребега откако во 1990 година беше симнат од власт со државен удар.

Хабре судењето по обвинувањата за воени злосторства го нарече политички мотивирано.


Сенегал се вклучува во коалицијата против бунтовниците во Јемен


Дакар, 5 мај, 2015 - 10:11 (META) 

Сенегал со 2.100 војници ќе се вклучи во меѓународната коалиција против шиитските бунтовници во Јемен, предводена од Саудиска Арабија.

Вклучувањето на Сенегал следува по барањето на саудискиот крал Салман.

Шефот на сенегалската дипломатија, Макеур Ндијае, соопшти дека се приклучуваат кон коалицијата бидејќи јеменските бунтовници претставуваат закана не само за регионалната стабилност, туку и за исламот.