Машина притисна рудар во рудникот „Саса“


Штип, 29 јануари, 2019 - 12:03 (META) 

Со повреди завршил 55-годишен рудар во рудникот за олово и цинк  „Саса” од Македонска Каменица, откако го притиснала машина со која работел во рударската јама.

Несреќата се случила во 6:30 часот, во рударска јама, потврди портапролката на СВР Штип, Гордана Панајотова. Машината му го повредила градниот кош на рударот.

Со возило на Итната медицинска помош од Македонска Каменица, рударот е хоспитализиран прво во Кочанската болница, а потоа во штипската Клиничка болница. Од таму не можат да соопштат информации за тежината на повредите, бидејќи прегледите сè уште траат.

За настанот известен е јавен обвинител од Делчево и државен трудов инспектор, кои треба да извршат увид на местото на настанот во рудникот „Саса” во Македонска Каменица. Повеќе детали се најавуваат во текот на денот.


Повреден рудар во Добрево


Штип, 24 ноември, 2014 - 12:08 (META) 

37 – годишен рудар синоќа завршил со телесни повреди додека работел во рудникот на „Индоминерали и метали“ во Добрево. СВР Штип ја потврди несреќата, која кај нив ја пријавиле од Здравствениот дом од Пробиштип. Оттаму рударот, со иницијали Б.В. од селото Ратавица, бил пренесен во Клинички центар во Штип. Во штипската болница му била укажана помош, но по негово барање, рударот е пуштен на домашно лекување.

Се очекува денеска рударски инспектор и Обвинителството да излезат на терен.

Ова е четврта рударска несреќа што се случува во последните два месеца, и покрај тоа што раководството на индиската компанија која стопанисува со рудникот, ги засили безбедносните мерки.

В.К.