!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Македонската етно-група „Чалгија саунд систем“ настапи во Солун


Солун, 26 февруари, 2017 - 11:22 (META) 

Публиката во Солун имаше нова можност да запознае дел од македонската современа и традиционална култура преку концертот на етно-составот „Чалгија саунд систем“.

Македонската група, која ја одржува во живот традицијата на старите чалгиски песни, првпат настапи во Солун на фестивалот за балканска музика „Балкан фест“ (Balkan Fest).

Пред преполната концертна сала, групата претстави дел од својот репертоар на македонски чалгиски песни.

За време на настапот на „Чалгија саунд систем“, музиката преовлада и ги премости сите разлики и несогласувања кои постојат на политичко ниво, овозможувајќи им поинакво ниво на поврзување на грчкиот народ со македонската традиција и култура.

Покрај „Чалгија саунд систем“, на фестивалот со својата традиционална музика се претставија и групи од Грција и од Романија. Ова е седма година како се одржува овој фестивал.

Ова е втор настап на „Чалгија саунд систем“ во Грција за неполна година.


Вкупно 25 илјади посетители на „Охридско лето“


Охрид, 19 август, 2015 - 17:48 (META) 

Приредбите на „Охридско лето“ ги проследиле  рекордни 25.000 посетители меѓу кои и гости од Хрватска, Србија, Чешка, Албанија, Франција  и други земји. Изведени се 29 музички концерти, 13 драмски претстави и 10 настани од дополнителната програма.

Овие бројки на  два дена пред официјалното завршување излегоа денеска на прес конференција, тројцата првенци кои го менаџираат фестивалот.

– Не радува фактот што имавме публика од сите возрасти, имавме повратно дејство на  туризмот, бидејќи голем број туристички групи ги посетуваа нашите настани. Горди сме што на секоја од вечерите успеавме да и дадеме посебно значење – рече директорката на „Охридско лето“, Елизабета Јанкуловска.

Музичкиот селектор на фестивалот, Гордана Јосифова-Неделковска, оцени дека го одбрале најдоброто за јубилејното издание.

– Според стручната домашна, но и меѓународна критика и според општото мислење и оваа година реализиравме врвно фестивалско издание, според многумина круна на досегашните случувања што всушност беше наша главна задача. Имавме гостувања на голем број светски музички имиња, што ни даде за право ова издание да го насловивме „Со ѕвездите до ѕвездите“ – рече истакна Јосифова- Неделковска.

На годинешното „ Охридско лето“ беа изведени 13 драмски претстави, дел од нив премиерно.

– Евидентна беше новата сила на театарските продукции во актерските имиња, бидејќи плеада на млади уметници, театарски дејци беа презентирани. Трите големи сегменти, беспрекорно реализираните македонски премиери, инпактот и новоформираното Младо тетатарско лето направија една целина која се вклопи во целокупниот репертоар – оцени селекторот на драмската програма Ѓорѓи Јолевски.