!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Европол им испрати разгледници на криминалците во бегство: Ни недостигате!


Хаг, 4 август, 2017 - 11:22 (META) 

Европските полициски сили во рамки на новата летна кампања им испратиле „духовити“ разгледници на најбараните европски криминалци во бегство, со желба тие да се вратат што побргу.

„Драг Артур, белгискиот помфрит е најдобар и знаеме дека ти недостига. Врати се да уживаш во него – имаме убаво изненадување за тебе“, стои во разгледницата на белгиската полиција.

Комплетирана со манекенот Пис, порција помфрит и со чаша пиво, разгледницата е адресирана на Артур Новроцк, осуден за трговија со дрога, кој е во бегство.

Кампањата летни разгледници на Европол е објавена денеска, во рамки на иницијативата да се фатат европските најбарани криминалци.

„Мил Фарук, сигурно знаеш дека животот е најдобар во слатката Франција. Се надеваме дека ќе се вратиш наскоро“, пишува на разгледницата на француската полиција, со слика од Ајфеловата кула и со поздрав на француски „ни недостигаш“.

Фарук Хачи во 2009 година беше осуден во отсуство на 20 години затвор поради неколку вооружени грабежи.
Целта на духовитата кампања на Европол е да ги повика граѓаните да ја следат веб-страницата на агенцијата, со надеж дека ќе може да помогнат да им се влезе во трага на најбараните криминалци.

„И додека повеќето од вас уживаат во заслужениот летен одбор, криминалците не прават пауза во криминалот. Туристичките дестинации се популарни места за криење на криминалците“, стои во соопштението на Европол.


Излезе од печат разгледница со народни носии на Македонците од Албанија


Тирана, 11 јануари, 2017 - 12:54 (META) 

Излезе од печат разгледница со народни носии на етничките Македонци во Албанија. Разгледницата, која е авторско дело на Никола Ѓурѓај, инаку претседател на македонското друштво „Илинден“ од Тирана, содржи слики на лица облечени во народни носи од Голо Брдо, Мала Преспа, Гора и од Врник.

Печатена е со финансиската помош на Македонското меѓународно движење за човекови права (ММДЧП), со седиште во Торонто, Канада.

– Меѓу Македонците во Торонто, Канада, најдовме искрени соработници и борци за македонското дело. Без нивната финансиска поддршка, разгледницата со народни носи на Македонците во Албанија немаше да биде отпечатена, за што искрено се заблагодаруваме. Сакаме да веруваме дека примерот на ММДЧП ќе биде следен од други македонски организации од целиот свет. Финансиска помош ни дава можност и сила и во иднина достоинствено да ја продолжиме праведната борба за македонската национална кауза. Разгледницата со народни носии на македонско малцинство во Албанија, ќе се дели низ Албанија, но ќе се дистрибуира и кај дијаспората во светот – вели за „Мета“, Никола Ѓурѓај.


Стари разгледници откриваат заборавени спомени од Македонија


Скопје, 27 јануари, 2016 - 15:45 (META) 

Во јануари 2016 година, Јавната библиотека на Њујорк во јавност објави повеќе од 180.000 дигитализирани предмети. Многу од овие материјали во библиотеката се историски документи што може да се употребат во академски студии, како и да се преземат и да се користат слободно затоа што нивното авторско право е истечено, пишува „Глобал војсис“.

Еден извор од интерес за Европа е колекцијата на германски разгледници од Втората светска војна. Изработени во периодот помеѓу 1914 и 1918 година, овие фотографии не ги документираат само воените аспекти на војната, туку обезбедуваат погледи на места и на луѓе фатени во рамките на виорот.

разгледница Скопје

На разгледницата пишува: „На античка тврдина на Охрид (Македонија). Дел од карпестиот брег на Охридско Езеро. Во заднина, албанските снежни планини“.

Всушност, албанските планини зад фотографот, а не на сликата. Планината во заднина е Галичица, која денес е национален парк.

germanski trupi vo skopje

Германски војници во скопските приградски населби во куќи на локалните етнички Албанци.

skopje pazar

Етничката разновидност прикажана преку различни облеки на пазарот во Скопје за време на Првата светска војна.