!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Убиецот од Лас Вегас имал 23 парчиња оружје во хотелската соба


Лас Вегас, 3 октомври, 2017 - 10:51 (META) 

Напаѓачот Стивен Педок, кој уби повеќе од 50 лица на концерт во Лас Вегас, во хотелската соба од која стрелал, имал 23 парчиња оружје и две направи за забрзување на оружениот оган, јавуваат светските медиуми.

Станува збор за уреди кои кога ќе се монтираат на полуавтоматско огнено оружје, тоа станува и работи како целосно автоматско.

Ваквите направи, кои се понова технологија, изминативе години го привлекоа вниманието на властите бидејќи со нивна помош полуавтоматска пушка се претвора во оружје кое може да истрела од 400 до 800 куршуми за една минута.

Полуавтоматското оружја бара едно притискање на орозот за истрелување на секој куршум, додека за автоматското огнено оружје е доволно едно притискање на орозот за оружјето да пука непрекинато сè додека има муниција.

Ваквите уреди во суштина се додатоци на дршката на пиштолот или на кундакот на пушката и можат да се постават така што се потпираат на орозот и непрекинато го повлекуваат користејќи го повратниот удар при истерлувањето на куршумите.

Педок, кој е поранешен пожарникар, во својата куќа во Мескит, Невада, имал уште 19 парчиња огнено оружје.

Тој, во неделата во Лас Вегас, уби 59 лица и рани уште неколку стотини, за време на фестивал во близина на хотелот. Полицијата упадна во неговата хотелска соба на 32. кат, по што соопшти дека Педок се самоубил откако го изврши најсмртоносното масовно стрелање во современата историја на САД.


Тројца ранети во инцидент во Кичево, меѓу кои и носител на советничка листа


Кичево, 27 септември, 2017 - 23:52 (META) 

Во вооружен инцидент што вечерва се случил во Кичево ранети се три лица, меѓу кои и носителот на независна листа за советници во општината, Алит Абази, пренесува „Телма“.

Напаѓачот, кратко по инцидентот бил приведен од полицијата, а како што потврдиле од МВР за телевизијата, било обезбедно и оружјето од кое било стрелано.

Четириесетгодишниот Абази бил застрелан во слабината, додека Дестан Абдиу, кој учествувал во неговата кампања како шеф на изборниот штаб, и Шабан Далипи, кој било заедно со нив, се ранети во бутот, односно во потколеницата. Абази и Абдиу биле пренесни на скопските клиники, а Далипи бил префрлен во кичевската болница.

Инцидентот се случил на булеварот Ослободување во Кичево, околу 18.50 часот. Полициски екипи вршат увид на местото и ги истражуваат мотивите за нападот.

Според првичните информации, се претпоставува дека нападот врз кандидатот за советник и врз другите две лица не е со политичка заднина, туку дека Абази и напаѓачот имале недоразбирања од претходно и воделе судска постапка.


Најмалку 14 лица се убиени, а осум се ранети во напад во Мексико


Мексико Сити, 27 септември, 2017 - 11:09 (META) 

Најмалку 14 лица се убиени, а осум се ранети во напад на вооружена група на центар за рехабилитација на северот на Мексико, соопшти полицијата.

Вооружената група синоќа упаднала во центарот за лекување наркозависници „Обединети семејства“ и почнала да пука на луѓето, каде што во тој момент биле 25 лица.

Во последната деценија, најмалку шест напади се извршени врз рехабилитациски центри, а за најголем дел од нив се одговорни членовите на банди кои сакаат да се пресметаат со нивните ривали што се кријат во тие центри.


Две лица ранети во Сарај


Скопје, 18 септември, 2017 - 14:56 (META) 

МВР соопшти дека во два инцидента во селото Сарај вчера биле ранети две лица.

Еден од ранетите е сопственик на менувачница, а добил куршуми во двете нозе при грабеж на менувачницата во трговскиот центар „Сарај“. Еден од разбојниците носел автоматска пушка, а другиот пиштол кога влегле во менувачницата во 20.20 часот вчера.

Сопственикот на менувачницата поради повредите е однесен во Ургентен центар.

Во вториот случај, станува збор за музичар кој свирел на свадба. Тој побарал лекарска помош во Градската општа болница „8 Септември“ поради рана во десната потколеница. Кажал дека бил погоден од заталкано зрно.

Полицијата вели дека работи на целосно расчистување на двата случаја.


Најмалку 18 убиени во напад на ресторан во Буркина Фасо


Уагадугу, 14 август, 2017 - 10:11 (META) 

Најмалку 18 луѓе се убиени, а осум ранети во терористички напад во ресторан во Буркина Фасо, кога вооружени лица синоќа отвориле оган кон гостите кои седеле пред објектот, во главниот град на земјата, Уагадугу, јавува „Би-би-си“, повикувајќи се на владини извори.

„Ова е терористички напад“, изјавил министерот за комуникации на Буркина Фасо, Реми Данџини на прес-конференција, додавајќи дека бројот на жртвите е прелиминарен, бидејќи операцијата на безбедносните сили сè уште трае.

Најмалку двајца од осомничените милитанти биле убиени во интервенцијата на безбедносните сили на Буркина Фасо.

Буркина Фасо, како и останатите земји од Западна Африка, повремено е цел на напади од страна на милитантни групи. Најголем дел од нападите се случуваат во северниот регион, на границата со Мали, земја која е мета на исламистичките екстремисти повеќе од 10 години.

Како што пренесува „Би-би-си“, се стравува дека последниот напад е дело на еден од разграноците на Ал каеда, кои се активни во регионот Сахел.

Во напад на милитанти во кафуле во Уагадугу во јануари, минатата година, загинаа 30 лица.


Најмалку 15 повредени при напад со нож во метро во Техеран


Техеран, 15 јули, 2017 - 11:54 (META) 

Најмалку 15 луѓе се повредени откако маж почнал да напаѓа со нож во метро на станицата Реј во предградие на Техеран, јавија иранските медиуми.

Еден од повредените бил муслимански свештеник, а според извештаите, нападот почнал по кавга меѓу имамот и напаѓачот, за кого се вели дека бил психички нестабилен.

По нападот, патниците се судриле со напаѓачот, а полицијата била принудена да ги отвори вратите за да го уапси напаѓачот. Притоа било пукано во него и тој бил ранет, а потоа починал од повредите, вели заменик гувернерот на јужен Техеран.


Пукање во ноќен клуб во Арканзас, најмалку 17 лица повредени


Литл Рок, 1 јули, 2017 - 14:42 (META) 

Најмалку 17 лица се ранети од огнено оружје во ноќен клуб во градот Литл Рок, во американската сојузна држава Арканзас, соопшти денеска полицијата, јавуваат светските агенции.

Едно лице е во критична состојба, додека другите имале повреди кои не се загрозувачки по живот. Најмладата жртва во пукањето, според агенциите, има 16 години.

Според локалните медиуми, престрелката се случила за време на концерт, но засега нема информации за осомничени лица.

Од полицијата изјавиле дека сите околности укажуваат дека инцидентот не е поврзан со тероризам.

Локалните медиуми наведуваат дека голем број луѓе биле повредени дека се обидувале да побегнат од ноќниот клуб.


Хазби Лика не може да гарантира закон за припадниците на ОНА


Скопје, 18 јуни, 2017 - 12:51 (META) 

Новиот вицепремиер задолжен за спроведување на Рамковниот договор, Хазби Лика, за „Алсат М“, вели дека нема конкретен план за решавање на статусот на поранешните членови на ОНА и на семејствата на паднатите борци. Лика  вели дека не може да гарантира закон сличен на тој за бранителите, бидејќи засега нема таков договор во новата влада, исто како што било и со претходните влади.

– Не можам да кажам дали ќе се усвои некој закон бидејќи досега договорите што се направени меѓу албанските партии и во сегашната владина коалиција, не успеале да се договорат за такво нешто. Мислам дека со текот на времето треба да се види и оваа работа, ако е можно, барем семејствата на паднатите борци и оние што беа ранети за време на војната да се третираат од државата – изјави Лика.


Една полицајка е тешко ранета, а неколкумина се повредени при престрелка во Минхен


Минхен, 13 јуни, 2017 - 10:25 (META) 

На железничка станица во Минхен се случила вооружена пресметка, а светските медиуми јавуваат дека една полицајка е ранета.

Германската полиција на „Твитер“ објави дека неколку лица се ранети, а полицајката била тешко повредена. Едно лице било уапсено.

Медиумите пишуваат дека напаѓачот пукал на полицајката при проверка на документи во воз.

Железничката станица е затворена, а патниците се евакуирани.


Најмалку 70 загинати во напад на ИД на верски храм во Пакистан


Исламабад, 16 февруари, 2017 - 18:56 (META) 

Најмалку 70 луѓе се убиени, а 150 се ранети во самоубиствен бомбашки напад што денеска се случил во верски храм на југот на Пакистан, соопштила пакистанската полиција, јавуваат светските медиуми.

Одговорноста за нападот ја презела екстремистичката организација Исламска држава (ИД).

Според пакистанската полиција, напаѓачот го активирал експлозивот, кој се наоѓал под неговата јакна, додека верниците го изведувале традиционалниот танц во дервишкиот храм Лал Шанбаз Каландар, во градот Сехван, во провинцијата Синд.