!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Во вториот квартал на годинава, четири жртви и 52 несреќи на работно место


Скопје, 17 јули, 2017 - 16:30 (META) 

Македонското здружение за заштита при работа (МЗЗПР) во вториот квартал на годинава забележало 52 несреќи што се случиле на работното место, со четири загинати работници, што е за нијанса подобро од состојбата во периодот од април до јуни лани, кога имало 60 несреќи со шестмина загинати.

Како што велат од здружението, податоците се добиени од вестите објавени во пишаните медиуми во земјава, и тие, како што велат, во недостиг од официјални извештаи од соодветните институциите се соодветна основа за согледување на реалната состојба.

Во април оваа година имало три смртни случаи, еден помалку отколку во истиот месец од 2016 година, еден случај имало и во мај годинава и во мај лани, а за разлика од јуни 2016 година, кога имало еден смртен случај, во јуни годинава не се забележани смртни случаи.


Со акцијата „Се бориме за секое работно место“ ќе се намалува невработеноста


Скопје, 22 декември, 2015 - 16:52 (META) 

„Се бориме за секое работно место“ е нова активност што денеска беше промовирана од заменик-министерот за труд и социјална политика, Диме Спасов.

Целта, како што истакна тој, е на активните баратели на работа да им се понудат слободните работни места и мерките за вработување што ги нуди државата.

Според податоците на Агенцијата за вработување, во Македонија има повеќе од 4.900 слободни работни места во домашните и во странските компании.


На пазарот на труд, слободни 6.749 слободни работни места


Скопје, 2 јуни, 2015 - 17:10 (META) 

Според податоците на Државниот завод за статистика, во првото тримесечје од 2015 година во Македонија имало 6.749 слободни работни места. Најголемиот дел, 3.543, биле во скопскиот регион.

Од фирмите кои имале слободни работни места најзастапени се тие со вработени од 10 до 49 лица, каде, според статистичките податоци, имало 1.751 слободно работно место.

Меѓу професиите најбарани биле услужните дејности и продажбата, за кои во првите три месеци имало 1.709 слободни работни места. Меѓу најбараните се и службениците и ракувачи и составувачи на машини и на постројки.