„Ројтерс“: Руските дипломати во Грција вршеле „многу нелегални активности“ на протестите против Македонија


Атина, 11 јули, 2018 - 16:27 (META) 

Руските дипломати кои Грција ќе ги протера поради мешање во внатрешните работи на Грција, како и обид да го поткопаат Договорот за името со Македонија, биле инволвирани и во „многу незаконски активности“ поврзани со протестите во Грција против Договорот, дознава агенцијата „Ројтерс“.

Како што пренесува агенцијата, Грција ја информирала Русија во петокот, давајќи неколку дена дипломатите да ја напуштат земјата.

Дипломатите се товарат и за обиди да се извлечат и да се протуркаат информации, како и да се поткупат грчки официјални лица и црковни великодостојници.

Со коментар за одлуката на официјална Атина се огласи и Карл Билд, поранешен премиер и министер за надворешни работи на Шведска, како и специјален пратеник на ЕУ на Балканот и Висок претставник во БиХ. Тој смета дека потегот на Грција е „интересен“.

„Интересно. Грција протерува руски дипломати поради мешање во внатрешните работи, наводно и такви кои го вклучуваат проблемото со името на Македонија“, напиша Билд на својот Твитер-профил.

 

 


Петмина македонски државјани протерани од Италија поради ширење радикален ислам


Рим, 3 октомври, 2016 - 12:01 (META) 

Петмина македонски државјани, кои подолг период живееле во Италија, се протерани од земјата поради поддршка на Исламска држава, нејзините активности и терористички напади, поттикнување на џихад и поради врски со радикални исламски свештени лица од Балканот, јавуваат италијанските медиуми.

Станува збор за четворица мажи и за една жена, членови на едно семејство, на возраст од 28 до 52 години. Тие, според пишувањата на италијанските медиуми, се протерани со декрет на министерот за внатрешни работи, Анџелино Алфано, поради опасност по националната безбедност.

Според италијанскиот весник „Ла Република“, полицијата пред две години почнала истрага против македонските државјани, откако тие на социјалната мрежа „Фејсбук“ почнале да објавуваат видеосодржини и документи со поддршка за Исламска држава.

Против македонските државјани, пренесува весникот, имало и барања за кривичен прогон, но правосуните органи во Италија донеле одлука дека прибраните докази не се доволни за поднесување обвинение, по што уследила одлуката за нивно протерување, како превентивна мерка.

Инаку, петтемина македонски државјани подолг период живееле во Италија и имале фирма во градежниот бизнис.

Тие, според информациите, со полициска придржуба биле качени во авион и веќе се на пат кон Македонија.


Две бугарски државјанки доживотно протерани од земјава поради серија кражби


Скопје, 3 април, 2016 - 12:56 (META) 

Секторот за внатрешни работи поднел кривична пријава против две бугарски државјанки, кои извршиле серија кражби во центарот на Скопје, информираат од МВР.

Според полицијата, осомничените Б.Б.И.(33) и Г.Д.Н.(41) се товарат дека извршиле три кривични дела кражба, во кои однеле плен од околу 26.500 денари.

Како што информираат од МВР, судија на претходна постапка на бугарските државјанки им одредил мерка од една година затвор со 3 години условна казна и доживотна забрана за влез во земјава.

Кражбите осомничените ги извршиле во бутик и во автобус во центарот на Скопје, каде користејќи ја гужвата, на оштетените им ги земале паричниците од чантите.