!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Сончево и свежо време со умерена облачност


Скопје, 2 октомври, 2017 - 9:15 (META) 

Времето денеска ќе биде сончево со умерена облачност. На повеќе места ќе биде повремено значително облачно и ќе дува слаб до умерен југоисточен ветер.

Утринската температура ќе се движи од 4 до 12 Целзиусови степени, а дневната од 18 до 24 степени.

Во Скопје и во околината се очекува слично време. Утринската температура ќе се спушти со 7 Целзиусови степени, а дневната ќе се искачи до 22 степени.

Следува период на сончево време со умерена облачност. Утрата ќе бидат свежи, а во текот на денот ќе биде потопло со температура која е околу просекот за овој период од годината.


Просечната месечна нето-плата во јуни изнесувала 22.808 денари


Скопје, 23 август, 2017 - 13:47 (META) 

Просечната месечна исплатена нето-плата по вработен, во јуни изнесувала 22.808 денари, а бруто-платата 33.509 денари, објави Државниот завод за статистика. Платата во јуни во однос на лани истиот месец е зголемена за 2,7 проценти.

Ваквото зголемување на нето-платата се должи, пред сè, на зголемувањето на просечната месечна исплатена нето-плата по вработен во секторите уметност, забава и рекреација (20 проценти), стручни, научни и технички дејности (9,8 проценти) и рударство и вадење на камен (7,4 проценти).

Намалување на просечната месечна исплатена нето-плата по вработен во однос на претходниот месец е
забележано во секторите рударство и вадење на камен (7,5 проценти), градежништво (4,1 проценти) и трговија на големо и трговија на мало (3 проценти).

Во јуни, 1,1 процент од вработените во Република Македонија не зеле плата.


Зголемувањето на пензиите ќе се усогласува со порастот на трошоците за живот, велат од МТСП


Скопје, 19 август, 2017 - 11:39 (META) 

Усогласувањето на пензиите во 2017 година се врши согласно член 37 од законот за пензиското и инвалидското осигурување, информираат од Министерството за труд и социјална политика (МТСП).

Оттаму велат дека, усогласувањето на пензијата се врши според движењето на индексот на трошоците на животот во висина од 50 проценти и порастот на просечно исплатената плата на сите вработени во Република Македонија во висина од 50 проценти.

„Пензијата се усогласува од 1 јануари и од 1 јули секоја година според процентот кој се добива како збир на порастот на индексот на трошоците на живот во претходното полугодие и процентот на порастот на просечно исплатената плата на сите вработени во Македонија во претходното полугодие во однос на полугодието кое му претходи. Со таквото усогласување на пензиите се обезбедува еднаквост на корисниците на пензијата, бидејќи пензијата е лично право и се остварува од остварениот работен стаж и платите“, се додава во соопштението.


Законодавната власт во Македонија е под нивото на отвореност во регионот


Скопје, 21 април, 2017 - 13:37 (META) 

Законодавната власт во Македонија е најотворена во споредба со извршната и судската власт, но сепак според нивото на отвореност е под регионалниот просек, покажа истражувањето за степенот на отвореност на институциите во шест земји од регионот, во рамки на проектот „Актион СЕЕ – Одговорност, технологија и мрежа на институционална отвореност во Југоисточна Европа“, кој го спроведува Фондацијата за интернет и општество „Метаморфозис“.

Според резултатите од истражувањето, македонското Собрание исполнува 59 отсто од индикаторите на отвореност, што е под просекот од 63 отсто отвореност на парламентите во регионот.

„И покрај длабоката институционална криза, Собранието сепак е најотворениот прозорец од трите власти, кој редовно ги објавува дневните редови за работа на пленарните сесии и на работните тела, видеозаписите и стенограмските записи од пленарните седници, присуствата и начинот на гласање на пратениците на пленарните сесии, контактите и биографиите на пратениците (но не и нивните плати и средствата кои тие ги побарале за надомест на патните трошоци, а кои секогаш се предмет на интерес и на критика од јавноста и од медиумите), како и редовно објавување на годишните извештаи. Во оваа смисла, Собранието може да претставува пример за отвореност за другите власти, особено за Владата, која не ги објавува ниту дневните редови за работа, ниту записниците и заклучоците од одржаните седници“, се вели во истражувањето.

Надзорот покажува дека собранијата во регионот се главно нетранспарентни кога станува збор за објавување податоци од седници на парламентарни комисии и најчесто не ги задоволуваат ниту минималните меѓународни стандарди на буџетска транспарентност, кои налагаат достапност на финансиските документи за јавноста.


Просечната нето-плата во септември изнесувала 22.191 денар


Скопје, 23 ноември, 2016 - 16:39 (META) 

Просечната месечна нето-плата во септември годинава изнесувала 22.191 денар, а бруто-платата – 32.640 денари, објави Државниот завод за статистика.

Просечната месечна исплатена нето-плата по вработен, во септември во однос на истиот месец лани е зголемена за 0,8 отсто.

Ваквото зголемување, според ДЗС, се должи, пред сè, на зголемувањето на просечната месечна нето-плата во секторите градежништво (8,7 проценти), земјоделство, шумарство и рибарство (7,2 проценти) и информации и комуникации (6 проценти).

Во септември, 1,2 отсто од вработените во Македонија не примиле плата.

 


Просечната плата во јули изнесувала 22.334 денари


Скопје, 21 септември, 2016 - 12:00 (META) 

Просечната месечна исплатена нето-плата по вработен, во јули во однос на истиот месец лани е зголемена за 2,2 проценти и изнесува 22.334 денари, објави Државниот завод за статистика.

Ваквото зголемување се должи, пред се, на зголемувањето на просечната месечна исплатена нето-плата по вработен во секторите градежништво 9 проценти, административни и помошни услужни дејности 6,7 проценти и информации и комуникации 6,2 проценти.

Просечната месечна бруто-плата по вработен во јули изнесува 32.837 денари.

Во јули, 1,6 проценти од вработените не примиле плата.

 


Просечната плата во јуни изнесувала 22.187 денари


Скопје, 23 август, 2016 - 14:22 (META) 

Просечната месечна исплатена нето-плата по вработен изнесувала 22.187 денари, а бруто-платата – 32.637 денари, покажуваат податоците на Државниот завод за статистика. Просечната плата во јуни била поголема за 0,7 отсто во однос на истиот месец лани.

Ваквото зголемување се должи, пред сè, на зголемувањето на просечната месечна исплатена нето-плата по вработен во секторите градежништво (10,6 проценти), административни и помошни услужни дејности (6,3 проценти) и земјоделство, шумарство и рибарство (6,3 проценти).

Во јуни годинава, 1,6 отсто од вработените не примиле плата.


Јули 2016 година бил најтоплиот месец во последните 137 години


Силвер Спринг, 17 август, 2016 - 20:43 (META) 

Месецот јули,  годинава бил најтоплиот месец во модерната историја, со рекордна температура на копното и на океаните во последните 137 години, соопшти денеска американската Агенција за океани и атмосфера.

„Просечната глобална температура на површината на копното и на океаните во јули 2016 година била највисока, не само за месецот јули, туку и воопшто во однос на информациите за времето од 1880 година досега“, наведуваат од Агенцијата.

Претходниот рекорд бил забележан во јули 2015 година. Инаку месецот јули вообичаено е најтоплиот месец во годината на планетата Земја.

Просечната температура на копното и на океаните во јули, годинава изнесувала 16,67 Целзиусови степени, или за 0,87 степени повеќе од просекот за 20. век. Во јули 2015 година температурата била повисока за 0,06 степени од просечната.


Просечната нето-плата во мај изнесувала 22.324 денари


Скопје, 22 јули, 2016 - 16:22 (META) 

Просечната месечна исплатена нето-плата по вработен, во мај 2016 годинава, изнесува 22.324 денари и во однос на истиот месец лани е повисока за 1,1 процент, објави Државниот завод за статистика.

Ваквото зголемување се должи, пред сè, на зголемувањето на просечната месечна исплатена нето-плата во секторите градежништво (8,7 проценти), административни и помошни услужни дејности (7,6 проценти) и земјоделство, шумарство и рибарство (5,7 проценти).

Просечната месечна исплатена бруто-плата по вработен во мај годинава изнесува 32.776 денари, што е за 1,2 отсто повисока од претходниот месец.

Во мај, 1,5 отсто од вработените во Македонија не примиле плата.


Просечната плата во март изнесувала 22.053 денари


Скопје, 20 мај, 2016 - 14:05 (META) 

Просечната нето-плата по вработен, во март изнесувала 22.053 денари, а бруто-платата 32.392 денари, покажуваат податоците на Државниот завод за статистика. Нето-платата е зголемена за три отсто во однос на истиот месец минатата година.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите административни и помошни услужни дејности (16,8 отсто), информации и комуникации (14,6 отсто) и градежништво (12,8 отсто).

Во март, 1,3 отсто од вработените не примиле плата.