Променливо облачно и топло, попладне дожд


Скопје, 31 јули, 2018 - 9:01 (META) 

Времето во Македонија денеска ќе биде променливо облачно, а попладне ќе има локална нестабилност со пороен дожд и грмежи, претежно во планинските региони. Ќе дува умерен северен ветер.

Според прогнозата на Управата за хидрометеоролошки работи (УХМР), дневната темпуратура ќе се движи  од 24 до 36 Целзиусови степени. УВ индексот ќе изнесува 8.

Во Скопје ќе биде променливо облачно, попладне ќе има локална нестабилност со пороен дожд и грмежи. Дневната температура ќе се искачи до 33 Целзиусови степени.

До петок ќе се задржи променливо облачно време, наместа, а особено на планините, со пороен дожд и грмежи. Поинтензивни и почести врнежи од дожд ќе има в четврток и петок. За време на викендот се очекува постабилно и  потопло време.


Времето променливо облачно со сонце


Скопје, 30 јули, 2018 - 9:00 (META) 

Времето денеска ќе биде променливо облачно со сончеви периоди. Околу пладне и попладне се очекуваат локален пороен дожд и грмежи.

Ќе дува умерен северен ветер, особено долж Повардарието.

УВ индексот ќе изнесува 7.

Минималните температури утрово се движеа од 14 до 22 Целзиусови степени, а максималните во текот на денот ќе изнесуваат меѓу 27 и 34 Целзиусови степени.

Во Скопје времето ќе биде променливо облачно  со сончеви периоди, попладне со локален пороен дожд и грмежи. Ќе дува умерен северен ветер. Температурите ќе бидат во распонот од 20 до 33 Целзиусови степени.

Во наредните денови продолжува периодот на променливо облачно и нестабилно време, на повеќе места со пороен дожд и грмежи.

Дневните температури ќе бидат околу или малку под просечните за овој период од годината.

Извесно стабилизирање на времето се очекува за време на престојниот викенд.


Променливо облачно и нестабилно време, со пороен дожд


Скопје, 25 јули, 2018 - 9:24 (META) 

Времето во Македонија денеска ќе биде променливо облачно и нестабилно, на повеќе места со пороен дожд и грмежи. Понестабилно ќе биде во западните и крајните источни делови, особено во попладневните часови, а најмалку врнежи ќе има долж Повардарието каде ќе дува умерен до засилен северозападен ветер.

Утринската температура се движеше од 10 до 19 Целзиусови степени, а дневната ќе изнесува меѓу 20 и 32 степени.

УВ-индексот ќе биде 5.

Во Скопје ќе има променливо облачно и нестабилно време. Утринската температура се спушти до 18 Целзиусови степени, а дневната ќе се искачи до 28 степени.

Во наредните денови дневната температура ќе биде малку под просекот за овој период од годината.


Времето променливо облачно со сончеви периоди


Скопје, 9 јули, 2018 - 9:19 (META) 

Времето во Македонија денеска ќе биде променливо облачно со сончеви периоди. Околу пладне и попладне ќе настапи нестабилност со локален пороен дожд и грмежи, особено во западните и крајните источни делови.

Ќе дува умерен северен ветер, особено долж Повардарието. Дневните температури ќе се движат од 21 до 30 Целзиусови степени.

Како што информираат од УХМР, од утре ќе настапи постепена стабилизација на времето, но во северните делови сѐ уште ќе има услови за краткотраен попладневен дожд. Потоа следува период на претежно сончево и топло време.


Времето денеска променливо облачно и потопло


Скопје, 29 јуни, 2018 - 9:08 (META) 

Во Македонија денеска ќе биде променливо облачно и потопло од претходните денови со сончеви периоди. Сепак, попладне повторно ќе има локален дожд и ретки грмежи.

Ќе дува слаб, а долж Повардарието и во западните делови умерен северозападен ветер.

Дневната температура ќе се движи од 15 до 28 Целзиусови степени.

Во Скопје и околината слично време, со температура до 25 степени.


И денеска променливо облачно време со пороен дожд и грмежи


Скопје, 23 мај, 2018 - 9:08 (META) 

Во Македонија времето денеска, како и во изминатите денови, ќе биде промеливо облачно и нестабилно, на повеќе места со пороен дожд и грмежи. Локално тие ќе бидат поинтензивни, со услови за изолирана појава на град.

Максималната температура ќе се движи од 18 до 29 Целзиусови степени.

Во Скопје и околината слично време со температура до 27 Целзиусови степени.


Променливо облачно време, а попладне со дожд и грмежи


Скопје, 22 мај, 2018 - 9:15 (META) 

Времето во Македонија ќе биде променливо облачно претпладне, со почести сончеви периоди. Попладне ќе биде нестабилно со локален пороен дожд и грмежи, особено на север и на запад.

Утринската температура се движи од 9 до 15 Целзиусови степени, а дневната ќе изнесува од 23 до 30 степени.

Во Скопје ќе биде променливо облачно претпладне, со повеќе сончеви периоди, а попладне и со услови за појава на нестабилност со повремено пороен дожд и грмежи. Температурата ќе се движи во интервалот од 14 до 27 Целзиусови степени.

До четврток ќе се задржи променливо облачно време, а претежно во попладневните часови на повеќе места ќе биде нестабилно облачно со пороен дожд и грмежи. В среда и в четврток се очекуваат поинтензивни процеси, особено во западните и северните делови. В петок и в сабота ќе има појава на повремен локален дожд.


Времето сончево со умерена облачност, попладне локален дожд


Скопје, 16 мај, 2018 - 9:13 (META) 

Во Македонија денеска ќе има претежно сончево време со мала до умерена облачност во текот на денот, а попладне во југоисточните предели е можен краткотраен локален дожд и грмежи. Ќе дува слаб до умерен ветер, претежно од западен правец.

Дневните температури ќе се движат во интервал од 15 до 27 Целзиусови степени.

Во Скопје и околината слично време со дневна температура до 26 Целзиусови степени.

УВ индексот ќе изнесува 7.


Променливо облачно, со повремен дожд


Скопје, 3 мај, 2018 - 9:40 (META) 

Времето денеска ќе биде променливо облачно, со повремени врнежи од дожд, кои локално ќе бидат поројни и проследени со грмежи. Поинтензивни врнежи ќе има во западните делови на земјава.

Ќе дува умерен до засилен југоисточен ветер, кој на моменти ќе достигнува брзина до 70 км/час. УВ индексот ќе изнесува 6.

Минималните температури се движат од 7 до 16 Целзиусови степени, а максималните ќе изнесуваат од 20 до 27 степени.

Во Скопје времето ќе биде умерено облачно со умерен до засилен југоисточен ветер и со услови во попладневните часови за краткотраен локален дожд и можни ретки грмежи.

Температурата ќе се движи од 13 до 26 Целзиусови степени.

Во наредните денови следува период на променливо облачно и нестабилно време со локален краткотраен пороен дожд, грмежи и засилен ветер.

Поизразена нестабилност се очекува в сабота.


Времето денеска и утре променливо облачно


Скопје, 19 април, 2018 - 9:10 (META) 

Времето во Македонија денеска ќе биде променливо облачно, а во јужните делови со повремен дожд и ретки грмежи. Попладне ќе дува умерен ветер од северен правец.

Максималните дневни температури ќе изнесуваат меѓу 18 и 27 Целзиусови степени.

И утре времето ќе биде променливо облачно со краткотрајни локални врнежи од дожд во јужните делови и температури од 16 до 24 Целзиусови степени.

За време на викендот времето ќе биде сончево со мала до умерена облачност и температури од 17 до 27 Целзиусови степени.