Сончево но студено време со засилен северен ветер


Скопје, 25 октомври, 2018 - 9:11 (META) 

Времето денеска ќе биде сончево, но студено со засилен сверен ветер. Утринската температура ќе се движи од еден до осум, а дневната од шест до 18 Целзиусови степени.

Во Скопје и околината слично време со температура до 16 Целзиусови степени.

Северен ветер ќе дува во текот на целиот ден, а сличното време ќе се задржи во следните денови. Утрата за викенд ќе бидат студени, но дневната темература ќе биде во пораст.


Времето денеска сончево со северен ветер и пад на температурите


Скопје, 24 октомври, 2018 - 9:25 (META) 

Времето денеска ќе биде сончево со силен ветер од северен правец.Утринските температури ќе се движат од 4 до 8 Целзиусови степени, а максималната дневна ќе биде од 16 до 19 Целзиусови степени.

Во Скопје слично време, облачноста ќе се зголеми доцна попладне, а ќе дува и повремен силен северен ветер. Максималната температура денес ќе достигне до 20 Целзиусови степени, а утринската ќе се движи околу пет Целзиусови степени.

Ветерот најинтензивен ќе биде во Повардарието, штипскиот и овчеполскиот регион, а на моменти ќе има брзина и над 80 километри на час.


ММФ го намали предвидениот раст за македонската економија од 2,8 на 1,6 отсто


Вашингтон, 9 октомври, 2018 - 17:01 (META) 

Меѓународниот монетарен фонд (ММФ) во есенскиот извештај „Перспективите на светската економија“ предвидува дека економскиот раст на Македонија годинава ќе биде 1,6 проценти, што е намалување во однос на претходната проценка од 2,8 отсто.

ММФ за наредната година прогнозира дека домашниот бруто-производ (БДП) на Македонија ќе порасне за 2,6 проценти, а до 2023 година ќе биде со годишен пораст од 3,4 отсто.

Од земјите во регионот годинава највисок раст ќе имаат Албанија, Србија и Косово четири отсто, Црна Гора 3,7 отсто, Бугарија 3,6,  БиХ 3,2 отсто и Хрватска 2,8 проценти.

Светската економија и оваа и наредната година ќе порасне за 3,7 проценти, наместо претходно предвидените 3,9 проценти.


Ќе врне и утре и в сабота, се зголемува нивото на водотеците


Скопје, 16 ноември, 2017 - 11:49 (META) 

Поради обилните врнежи од дожд, веќе доаѓа до пораст на водотеците и така ќе биде и понатаму. Позначително зголемување ќе има кај малите реки, при што засега не може да се зборува за сериозна опасност од поплавување. Сепак, можно е да дојде до излевања на помалите водотеци на крајниот југ на земјата, односно во Гевгелиско и во Валандовско, како и во подрачјето на Кожув, велат за „Мета“ од одделението за хидрологија во Управата за хидрометеоролошки работи (УХМР).

Метеоролошката прогноза, пак, вели дека врнежите од дожд, кои на повеќе места се обилни, ќе продолжат и во текот на денот и в сабота, а мало разведрување на одредени места може да се очекува дури в недела.

Од денеска до сабота се очекува на некои места да наврнат повеќе од 40 литри на еден квадратен метар.
В сабота интензитетот на врнежите ќе се намалува, а од недела ќе има опаѓање на температурата и повремени врнежи од дожд, а на планините и на некои повисоки места и врнежи од снег.


Светска банка ја намали прогнозата за пораст на БДП од 2,8 на 1,5 проценти


Вашингтон, 20 октомври, 2017 - 12:20 (META) 

Најновата октомвриска проекција на Светска банка за порастот на македонската економија во 2017 година е 1,5 проценти, што значи намалување од априлската прогноза која изнесуваше 2,8 проценти на пораст на домашниот-бруто производ (БДП).

Најголемо влијание на оваа прогноза имала имала политичката нестабилност во првата половина од годината, пиишува во извештајот на Светска банка.

Главен двигател на порастот се очекува да биде потрошувачката, поттикната од зголемувањето на вработувањата и на инвестициите.

Економијата на Западен Балкан ќе има пораст од 2,8 проценти.

 


Состојбата во економијата се подобрува, оцени Народна банка


Скопје, 9 август, 2017 - 14:26 (META) 

По стагнацијата на економската активност во првото тримесечје, показателите за вториот квартал од годинава упатуваат на подобрување на состојбата на економијата, било заклучено на редовната седница на комитетот за оперативна монетарна политика на Народна банка.

„Оваа констатација е поддржана од порастот на индустриското приозводство, по неговото намалување во првото тримесечје, забавувањето на падот на градежната активност, како и по забрзувањето на порастот во трговијата“, се вели во соопштението на Народна банка.

Домашниот бруто-производ се очекува да биде 2,5 проценти за 2017 година поради пониските остварувања во првото тримесечје.


Најжешко попладнево во Демир Капија и во Гевгелија, утре времето ќе биде слично


Скопје, 30 јуни, 2017 - 20:33 (META) 

Во Демир Капија и во Гевгелија до 17.30 часот попладнево се измерени 42 Целзиусови степени, а во Маврово 30 степени. Според УХМР, во истото време температурата изнесувала 40 степени во Штип, 39 во Петровец и во Струмица, 38 во Скопје, Битола, Виница и во Тетово, 37 во Прилеп, 36 во Тополчани, 35 во Крива Паланка, Ѓуриште, Охрид и во Претор, 34 во Берово и во Пожаране и 31 степен во Лазарополе.

Утре нашето подрачје сè уште ќе биде под влијание на многу топла воздушна маса и времето ќе биде многу топло, со натпросечна температура на воздухот.

Температурата ќе достигне до 42 Целзиусови степени во Скопје, Повардарието и во Гевгелиско-дојранскиот Регион.

УВ-индексот ќе биде 9.

В недела од север ќе се спушта посвежа воздушна маса, што ќе предизвика на повеќе места нестабилно време со поројни врнежи од дожд и со појава на грмежи, особено попладне. Локално е можна и појава на невреме.

В понеделник ќе преовладува променливо и свежо време со локален дожд. В недела ќе дува умерен, а в понеделник и во вторник засилен ветер од северен правец, кој ќе предизвика значително опаѓање на температурата. Од вторник ќе има стабилизрање на времето, а температурата ќе биде во благ пораст, вели прогнозата на УХМР.


Сончево време со врнежи и со грмежи попладне


Скопје, 14 јуни, 2017 - 9:21 (META) 

Времето денеска ќе биде сончево и топло, а доцна попладне и во вечерните часови на повеќе места ќе биде нестабилно, со пороен дожд и со грмежи, особено во западните делови од земјава.

Дневната температура ќе достигне до 34 Целзиусови степени во Дојран, 34 степени во Тиквешијата, 31 степен во Скопје, 30 степени во Битола. Во Крива Паланка и во Берово температурата ќе достигне до 27 степени, во Охридско-струшкиот Регион до 27 степени и до 24 степени на крајниот запад на земјава.

Повремени врнежи ќе има и во текот на ноќта, како и утре претпладне, а преку денот облачноста ќе се намалува. Утре дневната температура ќе се движи од 26 до 31 Целзиусов степен.

Посилни врнежи се очекуваат в сабота. За време на викендот ќе дува засилен северен ветер и ќе има значително намалување на дневната температура, вели прогнозата на УХМР.


Светска банка предвидува пораст на македонската економија за 2,8 проценти


Вашингтон, 5 јуни, 2017 - 11:03 (META) 

Според најновата прогноза на Светската банка, македонската економија годинава ќе има пораст од 2,8 проценти, следната 3,3 и во 2019 година – 3,8 проценти.

Во најновиот извештај на Светската банка за регионот, најголем пораст на економијата се предвидува за Косово со 3,9 проценти, Албанија се прогнозира дека ќе има економски пораст од 3,5 проценти, БИХ – 3,2 проценти, Црна Гора – 3,3 проценти, Србија – 3 проценти и Хрватска – 2,9 отсто.

Прогнозата на Светска банка е слична со априлската проекција на Народна банка, која ја ревидираше октомвриската проекција за порастот на домашниот бруто-производ (БДП) од 3,5 на 2,5 проценти.

Оваа корекција, според објаснувањето на НБРМ, беше направена поради политичката криза, која продолжи и на почетокот на 2017 година, иако при октомвриската прогноза се сметаше дека таа набргу ќе заврши.


И денеска ќе има дожд, а можен е и снег


Скопје, 23 април, 2017 - 9:59 (META) 

Времето денеска во Македонија ќе биде главно променливо облачно, откако утринава температурите во некои места беа под нулата.

Во текот на денот температурата најмногу ќе се искачи во Гевгелија, до 20 Целзиусови степени, а во Охридско-струшкиот регион ќе достигне до 14 степени, со западен ветар. Во подрачјето од Гостивар до Дебар ќе бидат најниските температури во текот на денот , до 8 степени, а таму се можни врнежи.

Во Скопје температурата ќе се искачи најмногу до 17 Целзиусови степени, а во скопскиот регион, заедно со цела североисточна Македонија, исто така ќе врне дожд, и тоа попладне. На планините ќе паѓа слаб снег.

Умерен ветер од северозападен правец ќе дува во северна Македонија и во Повардарието и во Пелагонија, каде а во попладневните часови овој ветер од умерен ќе премине во засилен интензитет.

Од утре, под влијание на јужно воздушно струење ќе преовладува стабилно, суво и топло време со пораст на утринската и дневната температура.