!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Во железничка несреќа во Индија загинаа 96, а повредени се 150 патници


Канпур, 20 ноември, 2016 - 14:14 (META) 

Најмалку 96 лица загинаа, а повеќе од 150 патници се повредени во Индија откако од шини излетаа 14 вагони на воз во северната држава Прадеш, соопшти полицијата.

Инцидентот се случил во близина на градот Канпур, низ кој дневно поминуваат по стотина возови.

Индискиот премиер Наренда Моди на својот профил на „Твитер“ напиша дека неговите мисли се со семејствата на настраданите.

Сè уште се утврдуваат причините поради кои се случила несреќата.


Обама отвори профил на „Фејсбук“


Вашингтон, 10 ноември, 2015 - 10:59 (META) 

Белата куќа отвори денеска профил на „Фејсбук“ за претседателот Барак Обама, кој ја искористи оваа социјална мрежа за да испрати порака за климатските промени.

„Организирање за акција“ е политичка организација која му помогна на Обама при изборот за претседетел, а веќе долго ја користи страницата на „Фејсбук“ под името „Барак Обама“, но новиот профил му овозможува на претседателот да зборува во прво лице, слично како и на „Твитер“.

Првата објава што денеска ја постави на „Фејсбук“ е видеопорака за климатските промени во која шета пред Белата куќа и се воодушевува на природата.

– Конечно имам свој профил на „Фејсбук“. Ве повикувам да се прошетате со мене во мојот двор – вели Обама во видеопораката.

Тој ги повика Американците да го дадат својот удел во борбата против климатските промени.

barak obama


Барак Обама го објави првиот твит


Вашингтон, 19 мај, 2015 - 15:01 (META) 

Претседателот на Соединетите Американски Држави, Барак Обама, од вчера има свој твитер-профил. Претходно тој го користеше твитер-профилот на Белата куќа @WhiteHouse. Неговиот аватар гласи @Potus  (скратеница за претседател на Соединетите Држави) и ќе го користи само за твитови што ќе ги твита тој лично.

Тој за помалку од 24 часа доби 1,8 милиони следбеници, а досега има објавено само три твита.

Првиот му е: „Здраво Твитер! Овде Барак. Навистина! Шест години претседател и конечно добив свој профил.“

Сопругата на Обама, првата дама Мишел Обама, има свој твитер-профил од јануари 2013 година и досега ја следат 1,9 милиони корисници.

Британски „Гардијан“ објави видеоснимка од моментот кога Обама првпат твитнал од овалната канцеларија, седејќи на работ на својата работна маса и употребувајќи го телефонот од Белата куќа, а не неговиот личен „Блекбери“.


Вработените на „Фејсбук“ влегуваат на профили без лозинки


Менло парк, 5 март, 2015 - 14:55 (META) 

Вработените во „Фејсбук“ имаат можност без лозинка да пристапат до профилите на оваа социјална мрежа.

Од компанијата потврдуваат дека таквите права за пристап навистина постојат, но дека тие се под контрола.

– Спроведуваме ригорозни административни, физички и технички контроли за да се ограничи пристапот на вработените до податоците на корисниците – истакна портпаролот на „Фејсбук“.

„Постојат два одвоени системи врз основа на кои се регистрира сомнителното однесување, а тие системи даваат извештаи еднаш неделно, кои се разгледуваат од две независни безбедносни екипи“, стои во соопштението на „Фејсбук“.


Македонците најмногу се жалат за лажните профили на „Фејсбук„


Скопје, 3 јануари, 2015 - 10:36 (META) 

Минатата година Македонците најмногу се жалеле за злоупотреба на личните податоци на социјалните мрежи. Тие најмногу поплаки имале за лажните профили на „Фејсбук“ или за тоа дека профилот им бил хакиран, информираат од Дирекцијата за заштита на лични податоци, која примила вкупно 370 претставки за злоупотреба на личните податоци, од кои 341 се завршени, а 29 се во тек.

Дирекцијата примила 370 претставки, од кои 126 за креирање лажни профили на „Фесјбук“, 51 за злоупотреба на лични податоци од органите на државната управа, 45 за хакирани профили на „Фејсбук“, 24 за злоупотреби на интернет, 13 за видеонадзор, 10 за креирање лажен профил на „Фејсбук“ за малолетно дете и исто така 10 за другите социјални мрежи.


Притворен скопјанец, ја уценувал поранешната девојка со компромитирачки фотографии на „Инстаграм“


Скопје, 20 ноември, 2014 - 13:21 (META) 

На 19-годишен скопјанец му бил одреден осумдневен притвор, откако на социјалната мрежа „Инстаграм“ објавил компромитирачки фотографии од својата поранешна девојка.

Како што информираат од МВР, осомничениот А.Ш. на 13 ноември ѝ се заканил на својата поранешна девоја, дека доколку не му даде 5.000 денари, на „Инстаграм“ ќе ги објави фотографиите што ги снимил додека воделе љубов.

Истиот ден, тој без согласност на девојката, користејќи нејзини лични податоци, отворил лажен профил на социјалната мрежа, каде поставил дел од фотографија од секслуален однос меѓу нив двајца.

Кога за тоа дознала довојката, веднаш закажала средба со поранешното момче, на која тој физички ја нападнал, удирајќи ја по главата и уште еднаш ѝ се заканил дека ќе ги објави сите фотографии и компромитирачки видоеоматеријали доколку не му даде 5.000 денари.

Сепак, таа случајот го пријавила во полициската станица Бит пазар, а по кратко време, екипа на полициската едница „Алфа“ го привела осомничениот. По наредба на судија на предходна постапка, бил извршен претрес во неговиот дом, каде биле најдени и одземени компјутер и повеќе цедеа.

Проитв А.Ш. е поднесена кривична пријава за уцена и за злоупотреба на лични податоци.