!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Осумгодишно девојче и маж прегазени од мал авион на плажа во Португалија


Лисабон, 3 август, 2017 - 10:44 (META) 

Осумгодишно девојче и 56-годишен маж вчера ги загубија животите откако биле удрени од мал авион од марката „цесна“, кој слетувал на плажата Капарика, близу главниот град на Португалија, Лисабон.

Малата „цесна“, која е на пилотска школа од Тореш Ведраш, поради технички проблеми принудно слетала на плажата на околу 30 километри јужно од Лисабон.

Повеќето капачи, кога виделе дека авионот слетува на плажата, се затрчале кон морето.

– Сè се случи многу бргу, немаше шанси да се подготвиш, да бегаш – раскажува Енрике Коелјо, кој играл со синот на плажата подалеку од местото каде авионот удрил во двајцата загинати.

Претходно авионот се движел неурамнотежено веднаш над капачите.

Инструкторот и ученикот кој се обучувал за пилот се неповредени, а по инцидентот биле приведени.

Загинатото девојче било со двајцата родители, кои поминале без повреди.


Автомобилот што уби жена и повреди 23 лица на Тајмс сквер го возел 26-годишен војник


Њујорк, 18 мај, 2017 - 20:08 (META) 

Една жена загина, а 23 лица се повредени во денешниот крвав инцидент на Тајмс сквер, во срцето на Њујорк, кога автомобил „хонда акорд“ косеше пешаци на тротоар во време на паузата за ручек. Со автомобилот управувал Ричард Роџас, 26-годишен припадник на вооружените сили на САД и државјанин на САД, кој е во притвор.

– Нема знаци дека станува збор за терористички напад – рече градоначалникот на Њујорк, Бил де Бласио.

Загинатата е 18-годишна девојка, а нејзината 13-годишна сестра е една од повредените. Црвената „хонда“ застанала откако удрила во столпче на аголот на 45. улица и Бродвеј и стои навалена.

Овој инцидент морничаво потсетува на трагичните теористички напади напади кога возила удираа минувачи во Ница, Берлин и во Лондон.

Инцидентот на Тајмс сквер го истражува и ФБИ, иако засега нема потврда за поврзаност со тероризам.

Њујоршката полиција соопшти дека Роџас е жител на Бронкс, кој и претходно бил апсен поради возење под влијание на одредени супстанци, што вообичаено подразбира алкохол или дроги.

Очевидците раскажуваат дека автомобилот се движел со голема брзина во спротивната лента, а потоа удирал во пешаците и застанал по ударот во столпчето, по што од хаубата почнал да избива оган.


Автомобил соборувал пешаци на Тајмс сквер во Њујорк, едно лице загина, 12 се повредени


Њујорк, 18 мај, 2017 - 19:05 (META) 

Најмалку една жртва и 12 повредени луѓе е резултатот од инцидент во срцето на Њујорк, Тајмс сквер, кога автомобил удри во група пешаци. Автомобил „хонда акорд“, движејќи се со голема брзина, преминал на спротивната лента, по што се качил на тротоарот и почнал да ги соборува пешаците.

Автомобилот потоа удрил во столб на тротоарот на крстосницата на 7. авенија и на 45. улица, по што полицајци го привеле возачот, чиј идентитет засега не е соопштен.

Веднаш по инцидентот, полицијтаа го блокираше реонот околу Тајмс сквер.

Како што јави „Њујорк тајмс“, претставник на противпожарната служба соопшти дека засега нема информации за состојбата на повредените лица. „Си-ен-ен“ информира дека при претресот на автомобилот во него не е пронајдена никаква експлозивна направа, па полицијата претпоставува дека не станува збор за терористички напад.


Деветгодишно дете загинало во сообраќајка во Сопот, Кумановско


Куманово, 25 ноември, 2015 - 13:24 (META) 

Деветгодишно момче го загубило животот во сообраќајна незгода што вчера попладне се случила во кумановското село Сопот, кога движејќи се пеш било прегазено од камион, соопшти полицијата.

Во несреќата било повредено уште едно лице, кое по укажната помош е пуштено на домашно лекување.

Според полициските информации, сообраќајната незгода се случила околу 17.45 часот, на локалниот пат во селото Сопот, кога товарното возило, марка „мерцедес“, што С.Џ. (46) од Арачиново предходно го паркирал, поради товарање стока, во еден момент самото се придвижило и со предниот дел удрило во Х.С. (35) и во деветгодишното дете, двајцата од Сопот.

По несреќата, тие веднаш биле пренесни во медицинскиот центар во Куманово, каде од страна на доктор кај детето била констатирана смрт, додека Х.С., кој имал телесни повреди, по укажаната помош бил пуштен на домашно лекување.

Увид на местото на несреќата извршила екипа на Секторот за внатрешни работи Куманово.