Горивата од ноќеска на полноќ поскапуваат до два денари


Скопје, 14 мај, 2018 - 13:34 (META) 

Цената на горивата од ноќеска на полноќ се зголемува од еден до два денари, одлучи денеска Регулаторна комисија на енергетика.

Цената на „еуросупер БС – 98“ се зголемува за два денара за литар, на „еуросупер БС-95“ за еден ипол денар, а на „еуродизелот“ се зголемува за еден денар.

Просечната цена на суровата нафта во изминатите 14 дена изнесуваше 75,134 долари за барел, а курсот на денарот во однос на доларот 51,30 денари.


Минимално зголемување на цените на горивата, од ноќеска на полноќ


Скопје, 9 јануари, 2018 - 12:35 (META) 

Од ноќеска на полноќ, дизелот поскапува за еден денар по литар, а цената на „еуросупер БС-98“се зголемува за половина денар по литар, одлучи денеска Регулаторната комисија за енергетика (РКЕ).

Малопродажната цена на бензинот „еуросупер БС-95“ останува 66,5 денари за литар, „еуросупер БС-98“ ќе се продава за 68,5, а „еуродизел“ за  59,5 денари.

Како причина за зголемувањето на цените на нафтените деривати од РКЕ ги посочуваат за 3,81 отсто повисоката просечна цена на сурoвата нафта на светскиот пазар во изминатите 14 дена и за 1,54 отсто понискиот курс на доларот во однос на денарот.


Горивата поскапуваат за половина денар


Скопје, 11 декември, 2017 - 13:09 (META) 

Цената на горивата од ноќеска на полноќ се зголемува, одлучи Регулаторна комисија за енергетика. Цената на бензините „еуросупер-95“ и „еуросупер-98“ се зголемува за 0,5 денари.

Дизел горивото исто така поскапува за половина денар, така што, „еуродизел“ ќе чини 54,50 денари.

Овие цени на горивата ќе важат за следните две недели.


Горивата поскапуваат од ноќеска на полноќ


Скопје, 26 декември, 2016 - 13:05 (META) 

Бензинот и дизел-горивата од ноќеска на полноќ поскапуваат за два денара по литар, одлучи денеска Регулаторната комисија за енергетика (РКЕ).

Новата малопродажна цена на „еуросупер БС-95“ ќе изнесува 66,5 денари за еден литар, „еуросупер БС-98“ ќе се продава за 68,5 денари, а еден литар „еуродизел“ ќе чини 53,5 денари.

Како причина за зголемувањето на малопродажните цени на нафтените деривати од РКЕ ги посочуваат просечната цена на суровата нафта на светскиот пазар во изминатите 14 дена и за 2,1 отсто повисокиот курс на доларот во однос на денарот.


Бензинот и дизелот поскапуваат за два денари


Скопје, 22 август, 2016 - 13:34 (META) 

Новите цени на бензинот и на дизел-горивото ќе бидат повисоки за два денари, одлучи Регулаторна комисија за енергетика.

Од ноќеска на полноќ „еуросупер БС-95“ ќе чини 61,5 денари за еден литар, „еуросупер БС-98“ ќе се продава за 63,5 денари за еден литар, а „еуродизел“ за 48 денари за еден литар.

Цената на екстралесното масло за домаќинство ќе изнесува 36,5 денари за еден литар.


Се зголеми цената на храната во светот


Рим, 7 јули, 2016 - 12:51 (META) 

Цените на храната во светот во јуни се зголемија најмногу во последните четири години како резултат на поскапување на шеќерот и на најголем дел од другите основни производи, соопшти денеска Агенцијата за храна и земјоделство при ОН (ФАО).

Цената на храната постојано се зголемува од јанури, кога беше на најниско ниво во последните седум години.

ФАО очекува дека цените ќе бидат стабилни во следната деценија.


„Оне-Вип“: Нема зголемување на цените на тарифите за мобилни разговори


Скопје, 10 јуни, 2016 - 18:18 (META) 

Со оглед на фактот што не ни е позната методологијата според која е пресметано наводното зголемување на цените, во овој момент можеме само најодговорно да изјавиме дека нема зголемување на малопродажните цени на тарифите во брендот „Вип“ – се вели во реакцијата на компанијата „Оне-Вип“ откако Агенцијата за електронски комуникации (АЕК) информираше дека просечната цена за една минута разговор на мобилен телефон е зголемена за повеќе од 15 проценти, а мобилниот интернет поскапува приближно за 20 отсто.

Како причина за ваквото поскапување од АЕК меѓудругото го наведуваат и спојувањето на „Оне“ и на „Вип“, кои по преземањето и на кабелскиот оепратор „Близу“ настапуваат како една компанија.

– Со комерцијалната интеграција на брендовите нема промени во договорите склучени досега. Корисничките договори остануваат целосно важечки со истите бенефиции, права и обврски се до нивната промена или раскинување од страна на самите корисници. Корисниците продолжуваат да ги користат услугите под истите услови под кои ги имаат склучено своите договори, со истите цени согласно избраниот тарифен модел – се вели во реакцијата на „Оне-Вип“.

Оттаму информираат дека „согласно преземените обврски на „Оне-Вип“, најдоцна до 30 јуни ќе започне со работа Лајка мобајл во улога на целосен мобилен виртуелен мрежен оператор.“


Бензините поскапуваат за два, а дизелот за три денари


Скопје, 30 мај, 2016 - 13:51 (META) 

Цената на дизелот ќе биде повисока за три денари, а на бензинот за два денари, одлучи Регулаторната комисија за енергетика.

Малопродажната цена на „еуросупер БС-95“ ќе изнесува 64 денари за литар, а „еуросупер БС-98“ ќе се продава 66 денари за литар.

Дизелот ќе чини 50 денари за литар.


Грчкото собрание ги изгласа новите закони за даночни поскапувања


Атина, 23 мај, 2016 - 9:07 (META) 

Со 153 гласа „за“, грчкото собрание го изгласа новиот пакет закони кои во Грција носат нови даночни поскапувања, пензиски реформи и приватизација на државните компании. Мерките ги поддржаа пратениците на владеjачката коалиција СИРИЗА-Независни Грци, кои исто така го изгласаа и автоматскиот механизам за стопирање на финансиите во јавната администрација, кој ќе се активира доколу Грција до 2018 година не ги исполни договорените реформи и цели.

Меѓутоа, гласањето донесе и нова, неочекувана загуба за владејачкото мнозинство. Пратеничката на СИРИЗА, Васили Катривану, која гласаше општо за законите, но беше против членот за приватизација на компаниите, веднаш по гласањето најави дека се повлекува од пратеничкото место, бидејќи смета дека владата прифаќа и спроведува мерки кои се контра нејзината идеологија и вредности.

Нејзиното пратеничко место се очекува да го наследи портпаролот на координативното тело за бегалската криза, Јоргос Кирицис.

Со новите закони од јуни и официјално данокот на додадена вредност ќе се зголеми на 24 отсто. Се очекуваат поскапувања на туристичките и угостителските услуги, поскапување на пакуваната храна како брашно, ориз и макарони, поскапи сметки за телефон, мобилен и интернет, поскап бензин и нафта за греење, а ќе биде повисок и данокот на имот.

Владата со овие мерки ќе го поскапе и кафето и пивото во кафулињата, сметките во таверните, поскапуваат цигарите, преноќувањата, а се укинуваат даночните намалувања и поволности за грчките острови.

Покрај новите даночни оптоварувања кои ќе внесат 1,8 милијарди евра во државната каса се предвидува и создавање на нова независна даночна служба која ќе ги контролира сите јавни трошоци, како и нов независен фонд за приватизација, што се очекува да предизвика нов бран штрајкови во дел од државните компании како пристаништето Пиреја.

 

 


Грчката влада размислува за зголемување на данокот на додадена вредност


Атина, 14 април, 2016 - 10:18 (META) 

Уште една голема грчка компанија, синџирот продавници за бела техника и за електронски уреди „Илектроники Атинон“, прогласи банкрот. На улица остануваат повеќе од 450 вработени и се затвораат 45 продавници низ цела Грција.

Прогласувањето банкрот го шокираше грчкиот бизнис-сектор, кој живее во грч дека поради финансиската криза, бегалскиот бран, малата заинтересираност од странските инвеститори, на сè поголем број компании им се заканува клуч на врата.

Она што го загрижува дополнително и бизнис-секторот, но и граѓаните е најавата за новата владина мерка за зголемување на данокот на додадена вредност (ДДВ) од 23 на 24 отсто, што ќе донесе нов бран поскапувања и на основните прехранбени производи, но и на други секојдневно потребни нешта, како билетите за јавен превоз.

Доколку мерката добие зелено светло од европските кредитори, грчката влада се надева од неа да внесе 400-500 милиони евра во државната каса за да избегне зголемување на данокот на сметките за струја и за вода.

Она што ќе поскапи доколку се зголеми ДДВ на 24 отсто се прехранбени производи, како месо и месни производи, мармалади, чоколади, бисквити, шпагети, спакуваниот леб, готвени јадења, сокови, угостителските услуги, билетите за јавен превоз, авионските и билетите за траектите, како и такси-услугите, новите автомобили, горивата, алхохолот, фиксната и мобилната телефонија.

Грчките трговци предупредуваат дека овој чекор може дополнително да ја нокаутира грчката трговија, која и така се соочува со проблеми поради намалената куповна моќ на грчките граѓани.

Поради најавата за оваа мерка, денеска во Атина штрајкуваат и протестираат таксистите, со барање владата да не се одлучи за нови даночни зголемувања кои ќе нанесат нов удар на трговијата и на бизнисот.