Сончево и топло, попладне можен пороен дожд


Скопје, 14 август, 2018 - 9:20 (META) 

Времето во Македонија денеска ќе биде сончево и топло со мала до умерена облачност, а попладне ќе има локална појава на пороен дожд, грмежи и засилен ветер.

Утринската температура се движеше од 10 до 19 Целзиусови степени, а дневната температура ќе изнесува  27 и 36 степени.

Во Скопје ќе биде сончево и топло со мала до умерена облачност и со слаб ветер од западен ветер. Дневната температура ќе достигне до 34 степени.

В среда и в четврток времето ќе биде нестабилно, со пороен дожд, грмежи и засилен ветер на повеќе места, а преодно стабилизирање на времето се очекува в петок и сабота.


Променливо облачно и топло, попладне дожд


Скопје, 31 јули, 2018 - 9:01 (META) 

Времето во Македонија денеска ќе биде променливо облачно, а попладне ќе има локална нестабилност со пороен дожд и грмежи, претежно во планинските региони. Ќе дува умерен северен ветер.

Според прогнозата на Управата за хидрометеоролошки работи (УХМР), дневната темпуратура ќе се движи  од 24 до 36 Целзиусови степени. УВ индексот ќе изнесува 8.

Во Скопје ќе биде променливо облачно, попладне ќе има локална нестабилност со пороен дожд и грмежи. Дневната температура ќе се искачи до 33 Целзиусови степени.

До петок ќе се задржи променливо облачно време, наместа, а особено на планините, со пороен дожд и грмежи. Поинтензивни и почести врнежи од дожд ќе има в четврток и петок. За време на викендот се очекува постабилно и  потопло време.


Времето променливо облачно со сонце


Скопје, 30 јули, 2018 - 9:00 (META) 

Времето денеска ќе биде променливо облачно со сончеви периоди. Околу пладне и попладне се очекуваат локален пороен дожд и грмежи.

Ќе дува умерен северен ветер, особено долж Повардарието.

УВ индексот ќе изнесува 7.

Минималните температури утрово се движеа од 14 до 22 Целзиусови степени, а максималните во текот на денот ќе изнесуваат меѓу 27 и 34 Целзиусови степени.

Во Скопје времето ќе биде променливо облачно  со сончеви периоди, попладне со локален пороен дожд и грмежи. Ќе дува умерен северен ветер. Температурите ќе бидат во распонот од 20 до 33 Целзиусови степени.

Во наредните денови продолжува периодот на променливо облачно и нестабилно време, на повеќе места со пороен дожд и грмежи.

Дневните температури ќе бидат околу или малку под просечните за овој период од годината.

Извесно стабилизирање на времето се очекува за време на престојниот викенд.


Променливо облачно и нестабилно време, со пороен дожд


Скопје, 25 јули, 2018 - 9:24 (META) 

Времето во Македонија денеска ќе биде променливо облачно и нестабилно, на повеќе места со пороен дожд и грмежи. Понестабилно ќе биде во западните и крајните источни делови, особено во попладневните часови, а најмалку врнежи ќе има долж Повардарието каде ќе дува умерен до засилен северозападен ветер.

Утринската температура се движеше од 10 до 19 Целзиусови степени, а дневната ќе изнесува меѓу 20 и 32 степени.

УВ-индексот ќе биде 5.

Во Скопје ќе има променливо облачно и нестабилно време. Утринската температура се спушти до 18 Целзиусови степени, а дневната ќе се искачи до 28 степени.

Во наредните денови дневната температура ќе биде малку под просекот за овој период од годината.


Почнува период на променливо и нестабилно време


Скопје, 23 јули, 2018 - 9:11 (META) 

Од денеска следува период на променливо и нестабилно време со пороен дожд и грмежи, а локално се можни и поинтензивни процеси.

Ќе дува засилен северозападен ветер, а дневната температура од утре значително ќе се намали.

Температурата денеска ќе се движи од 28 до 35 Целзиусови степени.

Во Скопје променливо облачно, попладне нестабилно со локален пороен дожд, грмежи и засилен северозападен ветер со максимална дневна температура до 33 Целзиусови степени.


Аларм за невреме попладне и во текот на викендот


Скопје, 6 јули, 2018 - 11:52 (META) 

Управата за хидрометеоролошки работи (УХМР) прогнозира невреме со пороен дожд и грмежи во некои региони на земјава попладнево и во текот на ноќта. Слична ќе биде временската состојба и во деновите на викендот.

Според алармот, попладнево и кон крајот на денот, особено во планинските региони ќе има изолирани појави на пороен дожд и грмежи, со голема можност невреме да има и во Скопскиот регион.

Преку ноќта облачноста ќе се зголемува и претежно на Истокот ќе има краткотраен дожд.

Утре наутро во северните и источните делови на Македонија ќе има повремен дожд проследен со ретки грмежи. Во текот на денот на повеќе места ќе биде нестабилно со пороен дожд и грмежи. Локално се можни поинтензивни процеси со пообилни врнежи од дожд и со услови за појава на град.

Утре, а особено в недела ќе дува умерен, повремено засилен северен ветар, кој ќе предизвика опаѓање на температурите за неколку степени.

В недела и в понеделник ќе има повремен локален дожд со ретки грмежи, вели прогнозата на УХМР.


Сончево и топло, попладне локални дождови


Скопје, 6 јули, 2018 - 9:07 (META) 

Во Македонија денеска времето ќе биде сончево и топло, со слаб до умерен, претежно северозападен, ветер. Попладне, главно на североисток и северозапад, ќе има услови за изолирана појава на пороен дожд и грмежи.

Дневните температури ќе се движат од 31 до 36  Целзиусови степени. УВ индексот ќе биде 9.

Во Скопје слично време, со температура до 34 Целзиусови степени.

Во текот на викендот времето ќе биде нестабилно, со пороен дожд и грмежи. Локално се можни поинтензивни процеси. Ќе дува умерен до засилен северен ветер, кој ќе предизвика опаѓање на температурите за неколку степени, особено в недела.


Денеска сончево и топло, со локални поројни дождови попладне


Скопје, 4 јули, 2018 - 9:05 (META) 

Времето во Македонија денеска ќе биде сончево со мала до умерена облачност. Попладне ќе има локален пороен дожд и грмежи, особено во источните делови. Ќе дува слаб до умерен ветер од северозападен правец.

Утринската температура се движеше од 12 до 19 Целзиусови степени, а дневната ќе изнесува од 27 до 33 степени. УВ индексот ќе биде 8.

Во Скопје слично време, со мала до умерена облачност и услови за појава на краткотраен дожд и грмежи попладне. Ќе дува слаб до умерен северен ветер. Температурата ќе се движи од 18 до  32 Целзиусови степени.

До петок ќе преовладува сончево и топло време, кога од попладневните часови се очекува локален пороен дожд и грмежи, особено на исток и во планинските предели. За време на викендот на повеќе места ќе има пороен дожд и грмежи и ќе дува умерен до засилен северен ветер кој ќе предизвика опаѓање на температурата за неколку степени.


Четири жртви во поплави во Романија


Букурешт, 2 јули, 2018 - 10:58 (META) 

Четири лица загинаа, а неколку стотици луѓе беа евакуирани поради обилните дождови што ја зафатија Романија во последниве денови.

Маж кој поминувал река на коњ и една жена се удавиле од надојдените води, исто како и маж што бил однесен од водата додека собирал зеленчук. Четвртата жртва настрадала при уривање куќа која била оштетена од дождот.

Во најтешко погодениот регион Ковасна, во централна Ромaнија, попуштил еден насип, а неколку села се целосно поплавени. Во целата земја настрадале околу сто села и неколку мостови а десетици куќи се урнати.


Сончево и топло со температура до 34 Целзиусови степени


Скопје, 2 јули, 2018 - 8:57 (META) 

Времето денеска ќе биде сончево со мала до умерена локална облачност и со слаб ветер од променлив правец. Попладне, претежно на запад и на планините, ќе има локална појава на пороен дожд со грмежи.

Минималната температура ќе се движи од 9 до 17 Целзиусови степени, а максималната од 26 до 34 степени. УВ индексот ќе биде 8.

Во Скопје и околината претпладне ќе биде сончево со мала до умерена локална облачност и со слаб северозападен ветер. Попладне ќе има зголемена облачност и услови за појава на краткотрајна нестабилност. Температурата ќе се движи од 13 до 31 Целзиусов степен.

До вторник температурата ќе биде во пораст, но и понатаму ќе има услови за попладневна краткотрајна нестабилност претежно во планинските подрачја. В среда се очекува преодно наоблачување и малку посвежо време со нестабилност на северот. Потоа до викендот ќе биде претежно сончево, но ветровито.