!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Во пожари изгореле кат и покрив на куќа во Смилево и покрив во Стара скопска чаршија


Смилево, 31 март, 2017 - 13:55 (META) 

Во два пожари што избувнале вчера попладнето во селото Смилево и во Стара скопска чаршија изгореле кат и покрив на куќа, како и покрив на три стана.

Во куќата во демирхисарското село пожарот избувнал вчера, во 13.15 часот, најверојатно од неисправен фрижидер. Изгореле покривот на куќата и еден кат со целата покуќнина. За среќа, нема повредени лица. Пожарот бил изгаснат во 16 часот од екипа на Територијалната противпожарна единица Демир Хисар, а увид извршила екипа од СВР Битола.

Оџак на ресторан на улицата Бит-пазарска во Стара чаршија се запалил вчера во 13.40 часот, по што пожарот го зафатил и покривот на три станови. Повредени лица нема, а пожарот го изгаснала екипа од Бригадата за противпожарна единица. Увид се врши денеска.


Најмалку 160 лица загинаа при уривање на покрив на црква во Нигерија


Ујо, 11 декември, 2016 - 13:18 (META) 

Најмалку 160 лица загинаа кога покров на една црква на југот во Нигерија се урна врз верниците, соопштија денеска властите. Се очекува бројот на загинати да се зголеми.

Црквата која се урнала во градот Ујо, во нигериската сојузна држава Аква Иба, била во изградба, а работниците се брзале да ја дозавршат изградбата за да биде готова за церемонијата на која основачот на црквата, Акан Викс, требало да биде прогласен за бискуп.

Во моментот на падот на металната конструкција, во црквата се наоѓале повеќе од стотина верници, меѓу кои и Викс, како и еден владин претставник, кои останале неповредени.

За причините за несреќата ќе биде поведена истрага, за да се утврди дали се испочитувани стандардите при градење на објектот.

Уривањето згради во Нигерија се случува многу често, поради корупција при склучување на договорите за градење, користење на нестандардни материјали, како и поткуп на инспекторите кои вршат надзор.


Штип: Гореше покрив на магацин на „Македонски железници“


Штип, 18 октомври, 2016 - 12:49 (META) 

Покрив на стар магацин на „Македонски железници“, полн со стари предмети, синоќа изгоре во Штип.

Пожарот е ставен под контрола, а претпладнево пожарникари го контролираа и ги дозгаснуваа деловите што сè уште чадат.

Според командиот на Противпожарната единица од Штип, Благој Ренџов, материјалната штета ќе ја утврдуваат надлежните органи. На увид излезе и екипа вештаци од СВР Штип.