!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Полицијата убила едно лице во потрагата по напаѓачот од Барселона


Барселона, 21 август, 2017 - 17:59 (META) 

Во потрагата по главниот осомничен за нападот во Барселона, шпанската полиција денеска убила едно лице во близина на Барселона, кое наводно носело појас со експлозив, пренесува „Би-би-си“, повикувајќи се на шпанските медиуми.

Пукањето се случило на пат во областа Субиратс, оддалечена околу 40 километри од Барселона, каде во четвртокот, минатата недела, во терористички напад беа убиени 13 лица, а 100 беа повредени.

Претходно, полицијата потврди дека трага по 22-годишниот Јунес Абујакуб, осомничен дека го возел комбито кое влета во маса луѓе на улицата Ла Рамбла во центарот на Барселона.

Дел од шпанските медиуми пишуваат дека убиениот маж е Абујакуб, но, од полицијата засега нема потврда на ваквите наводи.

Според весникот „Ел Мондо“, полицијата била алармирана, откако бил забележан маж кој одговарал на описот на Абујакуб, во близина бензинска станица.


ИД ја презеде одговорноста за нападот во Тунис


Тунис, 25 ноември, 2015 - 17:59 (META) 

Терористичката група Исламска држава денеска ја презеде одговорноста за нападот на автобусот на безбедносните служби на тунискиот претседетел.

Во соопштението на терористичката група пишува дека напаѓачот е туниски државјанин, кој го носи името Абу Абдалах ал-Туниси. Тој имал појас со екплозив со кој влегол во автобусот.

Во нападот загинаа најмаку  12 лица, а тунискиот претседател воведе вонредна состојба и полициски час во центарот на градот за период од 30 дена.