Премиера на „Пиреј“ во режија на Љупчо Ѓоргиевски во прилепскиот театар


Прилеп, 26 април, 2018 - 15:21 (META) 

На сцената на прилепскиот театар „Војдан Чернодрински” утре со почеток во 20 часот ќе се одржи премиерата на претставата „Пиреј“ во режија на Љупчо Ѓоргиевски.

Првата реприза е закажана за задутре во 20 часот.

Оваа претстава на прилепскиот театар претставува второ поставување на култниот роман „Пиреј” од Петре М. Андреевски на театарска сцена. Драматизацијата ја изработи Љупчо Ѓеоргиевски во соработка со драматургот Ивана Нелковска.


Мицкоски со постизборен литературен статус: ВМРО тече во вашите вени, ние сме пиреј


Скопје, 18 октомври, 2017 - 10:21 (META) 

„Нашата борба тука не запира. Вековниот стремеж кон подобро утре, посреќна иднина и вистинска Македонија, продолжува. Ајде сите заедно да продолжиме да чекориме по тој пат, ајде сите заедно да се обединиме и да продолжиме онаму каде што застанавме“, напиша генералниот секретар на ВМРО-ДПМНЕ, Христијан Мицкоски, на својот фејсбук-профил.

Тој им се заблагодари на сите што гласале за ВМРО-ДПМНЕ на локалните избори и ја подржале „светлината, разденувањето и желбата за поинаква Македонија“.

– Ќе се обидат да нè негираат, омаловажуваат, понижуваат, делат и што ли уште не… Но, ве молам, немојте, ама никогаш немојте да заборавите дека ВМРО тече во вашите вени и е дел од вашите животи. Ајде, сите заедно да го продолжиме аманетот на нашите дедовци, да му ставиме крај на овој ужас, да го поразиме злото – напиша Мицкоски.

Тој цитираше дел од романот „Пиреј“ на Петре М. Андреевски и напиша „немојте никогаш да заборавите“.

„Племето наше е пиреј и не го ништи ни една војска! Ама ти колку сакаш кошкај ја, корни ја, куби ја, таа пак не умира. Само малку да се допре до земјата и пак ќе оживи, ќе потера. Ништо не ја ништи таа трева“, стои во цитатот на Мицковски на „Фејсбук“.