!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Пијани битолчани се нафрлиле на полицајци


Битола, 14 март, 2017 - 15:25 (META) 

Двајца поприлично пијани битолчани ноќеска физички нападнале двајца полицајци, при што им нанеле телесни повреди, соопшти СВР Битола.

Случајот на своите колеги им го пријавила полицајка, ноќеска во 3.40 часот. Таа кажале дека десет минути претходно, додека со колега патролирале на булеварот Први мај, биле нападнати од С.И. (25) и од М.Р. (24), и двајцата од Битола. Напаѓачите имале поголемо количество алкохол во крвта, односно првиот имал 1,79 промили, а вториот 2,66 промили.

Напаѓачите првин почнале да им се закануваат на полицајците, а потоа и физички ги нападнале и им нанеле и повреди, што биле констатирано во Клиничка болница Битола.


Анестезиолозите од гевгелиската болница биле пијани


Велес, 26 октомври, 2015 - 11:42 (META) 

Двајцата лекари анестезиолози што биле дел од тимот, кој со оперативен зафат требало да ја породи жената што заедно со новодоренчето почина во гевгелиската болница, биле во алкохолизирана состојба, покажала анализата на крвта, извршена од Министерството за внатрешни работи (МВР), соопшти денеска Јавното обвинителство.

Анализата на крвта на двајцата анестезиолози покажала присуство на 1,23, односно 1,75 промили алкохол во крвта.

„Донесена е наредба за анализа на крв на лицата што го сочинувале тимот што го вршел зафатот, поради добиеното сознание дека двајцата лекари анестезиолози биле во алкохолизирана состојба. Анализата на примероците на крв извршена од на Министерството за внатрешни работи покажа 1,23 промили, односно 1,75 промили алкохол во крвта на лекарите анестезиолози. Кај лекарите гинеколози не е констатирано присуство на алкохол во крвта“, стои во соопштението на Јавното обвинителство.

Оттаму велат дека во врска со случајот, Основното јавно обвинителство Велес почнало предистражна постапка.

„Надлежен јавен обвинител за утврдување на причините за смртта, до Институтот за судска медицина, криминалистика и медицинска деонтологија – Скопје, достави наредба за судско-медицински преглед и за обдукција на телата на починатите. Добиени се извештаите од судско-медицинскиот преглед и од обдукцијата. Во тек се дополнителни анализи и испитувања што треба да ги утврдат причините што довеле до смртта. Од Основното јавно обвинителство Велес, во насока на утврдување на причините за овој немил настан што ја разбранува јавноста, се преземени и други дејства. Прибавена е целокупната медицинска документација што се однесува како на оперативниот зафат, така и на прегледите на родилката што претходеле на зафатот и резултатите од извршените претходни испитувања. Во текот на изминатите два дена се сослушани поголем дел лица од медицинскиот персонал што го извршувале оперативниот зафат. Денеска продолжува сослушувањето на другите лица од медицинскиот персонал“, велат од Обвинителството.


Пијани битолчани сакале да се тепаат во полициска станица


Битола, 7 декември, 2014 - 14:18 (META) 

Вчеравечер, околу 2.30 часот, во битолскиот кафе-бар „Расчекор“, Ѓ.Т.(34) од Битола, кој бил во друштво со уште три лица и бил видно под дејство на алкохол, без повод и причина почнал насилнички да се однесува, нарушувајќи ги јавниот ред и мир со викање и со непристојно однесување.

Во непосредна близина до него седел полициски службеник, кој се легитимирал, повикувајќи го истиот да се повлече и да престане со таквото однесување. Во тој момент, Ѓ.Т. се доближил до полицискиот службеник и му упатил сериозни закани по животот и телото, а потоа со тупаница му задал еден удар во пределот на главата, нанесувајќи му телесни повреди. Со ова дејство предизвикал чувство на загрозеност кај присутните, страв и несигурност, при што истите во паника и со трчање го напуштиле објектот.

Полицискиот службеник го лишил од слобода Ѓ.Т. и го привел во СВР-Битола, каде му било извршено алкотестирање, при што е утврдено присуство на 2,83 промили алкохол во крвта.

Околу 3 часот, во СВР-Битола дошле М.Ј. (33) и Ј.К. (27), двајцата од Битола, кои побарале да го земат Ѓ.Т., по што почнале да ги навредуваат присутните полициски службеници, а откако било побарано од истите да се легитимираат, одбиле и во еден момент се обиделе да им нанесат удари со раце.

Лицата се лишени од слобода и извршено е алкотестирање, при што кај М.Ј. е утврдено 2,66 промили, а кај Ј.К. е утврдено 1,63 промили алкохол во крвта. На пријавените им е одредена мерка притвор во траење од осум дена.