Кавадарчанец одбивал лекарска помош, а потоа бил пронајден мртов


Кавадарци, 26 март, 2018 - 15:02 (META) 

Кавадарчанец вчера ноќта бил пронајден починат пред Здравствен дом Кавадарци, откако претходно пијан правел проблеми на вработените и одбивал лекарска помош, соопшти МВР.

Случајот го пријавиле дежурните медицински лица во 1.10 часот вчера, кои на кавадаречките полицајци им кажале дека првин непознато лице во пијана состојба ги навредувало и одбивало да му се пружи лекарска помош, а кога непосредно пред телефонски да го пријават случајот за да видат што се случува со човекот, излегле надвор и го нашле починат.

По извршените проверки констатирано е дека се работи за Ј.М. (48) од Кавадарци. По наредба на Јавен обвинител, телото на починатиот ќе биде предадено на обдукција.


Пијан полицаец од Кочани ја тепал сопругата и дивеел дома


Кочани, 13 јануари, 2018 - 12:30 (META) 

Психичко и физичко малтретирање од нејзиниот сопруг пријавила вчера 38-годишната К.А.К. од Кочани. Таа во Полициската станица во градот кажала дека нејзиниот сопруг М.К. (39) вработен во МВР, под дејство на алкохол почнал да и се заканува дека ќе ја убие и барал да замине од дома и да го остави нивното седумесечно бебе.

Жената пријавила и дека нејзиниот сопруг секој ден бил пијан и во повеќе наврати на сличен начин ја малтретирал психички и физички. На 3 декември лани, според пријавата, тој под дејство на алкохол го извадил службениот пиштол и испукал неколку куршуми во дневната соба.

По наредба на Основното јавно обвинителство Кочани на М.К. му е одземен пиштолот. Во расчистување на случајот е вклучен и Одделот за внатрешна контрола, криминалистички истраги и професионални стандарди.


Автомобил покоси група луѓе во Хелсинки, еден загина, четворица се повредени


Хелсинки, 28 јули, 2017 - 20:00 (META) 

Во тешка несреќа што се случи во центарот на Хелсинки, главниот град на Финска, попладнево еден човек го загуби животот, а четири лица се пренесени во болница со повреди. Другите повредени добиле прва помош на местото на несреќата.

Инцидентот се случил на раскрсница во центарот на градот кога автомобил управуван од маж кој бил под дејство на алкохол или дрога ги покосил пешаците.

Полицијата потоа го уапсила возачот, кој е на возраст од педесетина години. Инцидентот се случил околу 18 часот по локално време.


Пијан Англичанец со автомобил ја демолирал плажата во Стење


Ресен, 19 август, 2015 - 10:57 (META) 

Пијан Англичанец синоќа лумпувал низ туристичкото место Стење, дознава „Мета“.

Според нашите информации тој пиел во еден од хотелите, а откако сопствениците реагирале поради тоа што веќе бил во алкохолизирана состојба, го напуштил ресторанот.

Влегол во својот автомобил, но наместо по патот слегол на плажата и шеталиштетото. Притоа направил штета на дел од плажата и лежалките. За кратко време дошла полиција од Ресен, го привеле, а му е поднесена и соодветна пријава.


Гостиварец осомничен дека пијан предизвикал пожар во куќа


Гостивар, 25 март, 2015 - 12:32 (META) 

Дваесет и осумгодишен гостиварец бил осомничен дека во алкохолизрана состојба предизвикал пожар во куќа, која целосно изгорела.

Како што информираат од полицијата, осомничениот Г.Џ. (28) се товари за предизвикување општа опасност. Тој, на 12 август минатата година, околу 2.30 часот, на улицата Никола Парапунов во Гостивар, под дејство на алкохол предизвикал пожар, во кој целосно изгорела куќа, информираат од полицијата.