Пејачки и танчарки од Албанија откриени во угостителски објект во Гостивар


Гостивар, 9 август, 2015 - 13:44 (META) 

По наредба за претрес од Основниот суд-Гостивар, овластени службени лица при МВР и УЈП извршија контрола во угостителскиот објект „Нота“ во гостиварското село Чегране.

При врачување на наредбата за претрес на сопственикот Ш.Ш., тој вербално нападнал еден од полициските службеници и сакал физички да се пресмета, по што избегал од објектот.

По извршената контрола и претрес во објектот, затекнати се и пронајдени осум државјанки на Албанија, од кои шест немале документи за идентификација. Девојките се на возраст од 21 до 33 години и, наводно, биле ангажирани како пејачки и танчерки.

Тие се приведени во полициската станица во Гостивар. И.Ш.(1972), брат на сопственикот на угостителскиот објект „Нота“, неповикано дошол во полициската станица и донел шест албански патни исправи на приведените, кои во моментот на приведувањето не биле во нивно владение.

Објектот, со решение на УЈП, е затворен на 30 дена, а полициската станица во Гостивар презема мерки за целосно документирање на случајот.


Странски државјанки приведени при претрес на локал во гостиварско Чегране


Гостивар, 27 ноември, 2014 - 14:23 (META) 

Три странски државјанки, кои илегално работеле како пејачки, биле затекнати од екипа на гостиварската полиција која ноќеска извршила претрес во угостителскиот објект „Експорт – импорт“, во селото Чегране, сопственост на 32-годишен жител на селото.

Како што информираат од полицијата, две од странските државјанки биле од Косово и една од Албанија, на возраст од 30, 33 и 34 години. Во локалот биле затекнати и две девојки од Тетово и од Скопје, на возраст од 22, односно 33 години, кои биле пуштени, откако им бил утврден идентитетот.

Странските државјанки биле приведени и задржани во полициската станица во Гостивар, а денес, како што информираат од таму ќе бидат предадени на Отсекот за прекуграничен криминал, миграции, странци и реадмисија.


Приведени странски државјанки во гостиварско Чегране


Гостивар, 20 ноември, 2014 - 13:54 (META) 

Гостиварската полиција, вчера, при контрола на угостителксиот објект „Нота“ во селото Чегране, сопственост на А.Ш. (46), привела шест странски државјанки кои нелегално работеле како пејачки и танчерки во локалот.

Според полицијата, станува збор за пет албански и една бугарска државјанка, на возраст од 19 до 34 години, кои биле задржани во полициската станица во Гостивар.

По утврдувањето на идентитетот, тие биле предадени на отсекот за прекуграничен криминал, миграции, странци и реадмисија за натамошна постапка, информираат од полицијата.