Свлечиште на патот Гостивар – Кичево, сообраќајот се одвива по една лента


Скопје, 29 март, 2018 - 9:51 (META) 

Сообраќајот на магистралниот пат Гостивар – Кичево, кај селото Тајмиште, се одвива по една сообраќајна лента поради свлечиште, информираат од Авто-мото сојузот на Македонија.

Од таму додаваат дека дежурните екипи на „Македонија пат“ се на терен, работат на расчистување и нормализирање на сообраќајот.

Сообраќајот на државните патишта се одвива непречено, по претежно суви коловози.


САСА: Работата на рудникот беше загрозена поради незаконска блокада


Македонска Каменица, 14 март, 2018 - 13:58 (META) 

Група поддржувачи на огранокот на Мултиетничкиот синдикат на образованието (МЕСО) од Македонска Каменица, спротивно на Законот, утринава поставиле блокада на патот што води кон рудникот САСА, при што автобусот што ги превезува работниците од првата смена во рудникот бил спречен да дојде до рудникот и на работниците им било оневозможено да стигнат на своите работни места, тврдат од компанијата.

Во моментов, рудникот САСА функционира нормално, но доколку ваквата незаконска блокада продолжи, ќе се доведе во прашање натамошната работа, што ќе предивика големи штети и за компанијата и за сите нејзини 700 вработени, велат од таму.

За целата ситуација биле информирани надлежните државни органи, од кои, согласно нивните законски надлежности, е побарано да преземат мерки за целосна деблокада на патот кон рудникот.

„Согласно одредбите од Законот за работни односи, протестот организиран од локалниот огранок на МЕСО е незаконски. Рудникот САСА досега имаше одлична соработка со вработените и нивниот легитимен синдикат које е дел од СИЕР – Синдикатот на индустријата, енергетиката и рударството, за што доказ се досегашните постигнати резултати во безбедноста при работа, платите кои се двојно поголеми од просечните плати во земјата и вложувањата во нова технолија и подобри услови за работа“, се вели во соопштението на компанијата.

Во него се додава дека, според Законот, менаџментот на рудникот е обврзан да разговара и соработува со оној синдикат кој во законска процедура докажал дека ги претставува вработените.

„Тоа досега беше синдикатот на рударите при СИЕР. Секој друг синдикат, за да може да преговара, согласно Законот за работни односи, е обврзан да го докаже истото. Досега, и покрај барањата од страна на компанијата, новиот огранок на МЕСО нема доставено до рудникот ниту еден формален доказ дека е репрезентативен синдикат во САСА. Исто така, согласно Законот, пред да се започне со штрaјк или протест, двата синдикати треба да состават заеднички тим за преговори со менаџментот и да отпочнат процес на медијација. Ниту еден од овие законски одредби досега не е исполнет, што го спречува менаџментот на компанијата да постапува“, објаснуваат од САСА.


Забрана за камиони утрово само на Маврово – Дебар


Скопје, 1 март, 2018 - 9:21 (META) 

Забраната за сообраќај на тешки товарни возила на патниот правец крак Маврово – Дебар утрово сè уште е на сила.

Сообраќајот на државните патишта се одвива по претежно влажни коловози, наместа со остатоци од кашест снег на коловозот по интервенцијата на дежурните служби. Поради ниските температури наместа е можна појава на голомразица, информира Автомото сојуз на Македонија (АМСМ).

Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.


Сообраќајот на патот Кочани-Македонска Каменица во прекин поради одрони


Скопје, 12 февруари, 2018 - 19:06 (META) 

Поради отстранување одрони во близина на село Истибања сообраќајот на патниот правец Кочани-Македонска Каменица е во прекин во двата правци.  Се користи алтернативен пат Кочани- Виница- Драгобрашта- Бигла- Македонска Каменица.

Сообраќајот на државните патишта се одвива по претежно влажни коловози, без забрани, застои и ограничувања. Слаб снег кој не се задржува на коловозот провејува на планинскиот превој Пресека.

АМСМ препорачува внимателно возење, прилагодена брзина на движење и почитување на поставената сообраќајна сигнализација.

Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.


Намалена видливост поради магла во Делчево и Стојмирово


Скопје, 5 февруари, 2018 - 18:20 (META) 

Поради магла намалена видливост од 30 до 50 метри има во Делчево и Стојмирово.

Од „Македонија пат“ соопштуваат дека на останатите патишта низ државата сообраќајот се одвива тековно по наместа влажни коловози.

На одредени патни правци кои поминуваат низ клисури и усеци можна е појава на поситни одрони.


Можни се излевања на реките, сообраќајот на неколку правци е отежнат


Скопје, 4 февруари, 2018 - 10:30 (META) 

Поради свлечиште на патниот правец Кичево – Битола кај село Белица, сообраќајот се одвива по една коловозна лента, а екипите на ЈП „Македонија пат“ со механизација работат на расчистување и нормализација на сообраќајот, информираат од АМСМ.

Од таму додаваат дека, сообраќајот на патниот правец Кичево – Охрид, помеѓу селата Подвис и Попоец се одвива по една коловозна лента, поради вода на патот.

Од УХМР информираат дека, водостоите се особено зголемени во горниот дел на Вардар и нејзините притоки во Полошко, горниот дел на Треска и нејзините притоки, Радика и нејзините притоки, Црн Дрим и притоките, Сатеска и притоките, Голема река, Брајчинска и останатите реки во Преспанско.

Поради високите водостои на водотеците, можна е појава на локални излевања кај реките во северозападните и западните делови и појава на заезерени површини во рамниците.

И во Скопје, водостојот на хидролошките станици е релативно високо, но под граница на излевање од малото корито, сепак поради стеснувањето во делот каде се гради мостот од панорамското тркало, можно е да се јават локални излевања. УХМР предупредува на внимателно движење покрај реките и суводолиците.

Забрана за камиони на Стража


Скопје, 22 јануари, 2018 - 9:53 (META) 

Сообраќајот на сите државни патишта се одвива по влажни коловози и наместа со остатоци од кашест снег по коловозите, информираат од АМСМ.

Снег провејува на патните правци Берово – Смојмирово, Тетово – граничен премин Јажинце, Попова Шапка и на Буково, но не се задржува на коловозот. На планинскиот премин Стража има забрана за движење на тешки товарни возила.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата.


Сообраќајот се одвива по влажни коловози, магла кај Плетвар и Неготино


Скопје, 21 јануари, 2018 - 10:45 (META) 

Сообраќајот на државните патишта се одвива по влажни коловози, а поради маглата на Плетвар и во Неготино видливоста е намалена до 100 метри.

АМСМ препорачува внимателно возење, прилагодена брзина на движење и почитување на поставената сообраќајна сигнализација.

Во клисурите и засеците е можна појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

Интензитетот на сообраќајот надвор од градските средини е умерен, а на граничните премини нема подолги задржувања за влез и за излез од државата.


Намалена видливост поради магла во Битола, Прилеп, Ресен и Тетово


Скопје, 9 јануари, 2018 - 19:32 (META) 

Сообраќајот на државните патишта се одвива по наместа влажни коловози, а на одредени патни правци кои поминуваат низ клисури и усеци можна е појава на поситни одрони.

До 150 метри видливост поради магла има во Битола, Прилеп и Ресен, додека во Тетово видливоста е 50 метри, информираат од ЈП „Македонија пат“.

Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

Од „Македонија пат“ апелираат на внимателно возење и прилагодување на брзината, а информираат дека нивните дежурни екипи се постојано на терен и ги одржуваат сите патни правци проодни.


Магла и одрони на повеќе патни правци


Скопје, 8 јануари, 2018 - 11:02 (META) 

Сообраќајот на државните патишта се одвива тековно по суви коловози на пониските и наместа влажни коловози на повисоките места. Поради појава на магла, видливоста во Охрид, Струга и Македонски Брод е намалена на 50- 100 метри, информираат од Авто-мото сојузот на Македонија.

Од АМСМ препорачуваат внимателно возење, прилагодена брзина на движење и почитување на поставената сообраќајна сигнализација.

Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.