!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

ОЈО Куманово поднесе обвинение за убиството во кругот на црквата „Св. Мина“


Куманово, 27 декември, 2016 - 16:22 (META) 

Основното јавно обвинителство Куманово поднесе обвинител акт против Д.Д., кој се товари за убиството што се случи на 26 јуни, во кругот на црквата „Света Мина“.

Од Јавното обвинителство денеска соопштија дека надлежниот јавен обвинител во текот на истражаната постапка ги прибрал сите материјални и вербални докази за случајот и до Основниот суд во Куманово го доставил обвинението. Воедно до судот бил доставен и предлог за продолжување на притворот на обвинетиот, кој се товари за убиство со умисла.

„Настанот се случил кога по посета на ноќен клуб, обвинетиот и жртвата се упатиле кон кумановската населба Вера Которка, во кругот на црквата „Св. Мина“. Додека разговарале, обвинетиот му пришол од зад грб на сега починатиот кој седел на клупа во близина на бунар, извадил огнено оружје – пиштол марка „црвена застава“ и од непосредна близина на растојание од 2 сантиметри, испукал еден куршум во левиот тилен дел на главата на сега покојниот. Нанесената прострелна рана предизвикала фатални повреди поради што настапила смртта. Обвинетиот потоа го фрлил телото на починатиот во блискиот бунар и го напуштил местото на настанот“, стои во соопштението од Јавното обвинителство.


Седницата на ДИК го одложи рочиштето против Заев во кумановскиот суд


Куманово, 15 декември, 2016 - 14:44 (META) 

Во Основниот суд Куманово денеска се одложи рочиштето од судскиот процес што се води против лидерот на СДСМ, Зоран Заев, претседателот на општинската организација на партијата, Мартин Костовски, и против СДСМ како партија, а по приватна тужба од генералниот секретар на ГРОМ, Виктор Цветковски, поради дел од објавените прислушувани разговори, пишува порталот „Кумановски муабети“.

Рочиштето е одложено бидејќи во судот не се појавиле лидерот на СДСМ, адвокатот на тужените, Мирослав Вујиќ, и претставникот на СДСМ како партија, Дамјан Манчевски. Единствено присутен бил претседателот на кумановскиот разгранок на СДСМ, Мартин Костовски, кој рекол дека поради неодложната работа на нивниот бранител, кој е претставник на СДСМ на денешната седница на Државната изборна комисија, тој не можел да дојде на рочиштето и побрал тоа да биде одложено.

Судијката Маја Денковска, која го води судскиот процес, посочила дека рочиштето може да се одржи и исказ да даде Костовски или, пак, да биде одложено, на што адвокатите на Цветковски побарале во интерес на постапката, тоа да биде, сепак, одложено.

Цветковски ги тужи лидерот на СДСМ, партијата и Костовски поради објавувањето на разговорите меѓу него и поранешната министерка за внатрешни работи Гордана Јанкулоска, каде зборуваат за обезбедување гласови за ВМРО-ДПМНЕ меѓу двата круга на локалните избори во 2013 година во Куманово.

Следното рочиште е закажано за јануари.