!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Села: Јасно е кои се нарачателите на насилствата, треба да одговараат пред правдата


Скопје, 25 мај, 2017 - 17:26 (META) 

„Мислам дека нема потреба од многу докази, се беше јасно и се случуваше пред очите на јавноста. Сите тие кои си земаа за право и влегоа во Собранието, треба да одговараат пред органите на правдата ако сакаме да имаме правна држава,“ изјави претседателот на Движење за реформи на ДПА (ДР-ДПА), Зијадин Села, откако даде исказ во Основно јавно обвинителство за настаните на 27 април во Собранието, кога тој, најтешко беше повреден од сите пратеници.

Села додаде дека „уште еднаш е јасно кои се нарачателите, бидејќи не се срамат и уште ги поддржуваат таквите односи и дејствија кои сите ги видовме во Собранието.“

„Тие се претседатели на партии и луѓе кои треба да одговараат пред органите на правдата и кои се подготвени на се, за да избегнат да не одговараат пред правдата за злоделата, за криминалот, за корупцијата која ја направиле овие десет години. Уште еднаш покажаа дека институцијата пратеник за нив не е ни малку важна, со наредбата која ја дадоа и одлуката на судот за условно казнување на неколку лица кои беа вклучени во случувањата на 27 април,“ додаде Села.


Младите на ДР-ДПА на симболичен начин потсетија на инцидентите во Собранието


Тетово, 10 мај, 2017 - 14:04 (META) 

„Стоп на насилството – стоп на омразата“ е мотото на денешниот настан што младите на ДР-ДПА го организираа на градскиот плоштад во Тетово.

Тие беа облечени со кратки маички со ликот на Зијадин Села и во воздух пуштија 27 балони, за, како што рекоа, на симбличен начин да потсетат на крвавите настани што се случија во Собранието на 27 април.

– Тука сме за да побараме одговорност и да апелираме до надлежните органи, во најкраток можен рок да преземат конкретни чекори и мерки за пронаоѓање и за казнување на сите лица што се вклучени во овој срамен чин, а каков што се нема случено во историјата на политиката на Европа – рече Ардонит Исмаили од младите на ДР- ДПА.

Тие истакнаа дека денешниот настан, исто така, има цел да испрати порака дека правдата, мирот и интеграцијата се европски модели што ќе ја осветлуваат политичката иднина на државата.


СЗО: Загаденоста секоја година убива 540 деца во Македонија, а 1,7 милиони во светот


Скопје, 6 март, 2017 - 11:22 (META) 

Загадената животната средина убива 1,7 милиони деца на возраст под пет години, покажува извештајот на Светската здравствена организација (СЗО).

Во Македонија на 100.000 жители, 27 деца на возраст под пет години починале како резултат на загадената околина.

Пресметано на вкупниот број жители на земјава (околу 2 милиони), тоа значи дека кај нас годишно 540 деца под пет години го губат животот поради за загадувањето.

Во извештајот на СЗО се додава дека повеќе од еден во четири смртни случаи кај деца на возраст под пет години се припишува на загадените вода и воздух и на лошите санитарни услови. Најчестите причини за смрт кај децата се дијареа, маларија и пневмонија.

Според СЗО, секоја година 570.000 деца на возраст под пет години умираат од респираторни инфекции поврзани со загадувањето на воздухот.

Секоја година 361.000 деца умираат  од дијареа, поради лошата хигиена и ограничен пристап до безбедна вода за пиење.

„Загадената животна средина е смртоносна, особено за децата. Нивниот развој на органите и имуниот систем, како и помалиот волумен на дишните патишта, ги прави особено ранливи на валканите воздухот и водата“, изјави генералниот директор на СЗО, Маргарет Чан.


Создадени првите ембриони од човечки и од животински клетки


Ла Џола, 27 јануари, 2017 - 19:43 (META) 

Научниците успеале да создадат ембриони кои се комбинација од човечки и од свински матични клетки, што е првиот чекор кон развојот на човечки органи за трансплантација во телата на животните. Набргу ембрионите биле уништени, објави институтот од САД што го спровел експериментот.

Истражувањето уште во првата фаза течело многу потешко отколку што се претпоставувало, се вели во статијата во научното списание „Сел“.

– Крајната цела е да се одгледаат функционални човечки органи за трансплантација на срце, бели дробови, бубрези, но ние сме многу далеку од тоа – објаснува водечкиот автор на истражувањето, Хуан Карлос Исписуа Белмонте, професор на Институтот за биолошки студии „Салк“ од Калифорнија, САД.

Ембрионите се уништени пред да може да се роди комбинација на човек и на животно, што во научните кругови се нарекува „химера“, според митолошкото суштество. Сè почнало така што научниците всадиле матични клетки на возрасни луѓе во свински ембриони и дозволиле тие да се развиваат четири седмици. Пред уништувањето на ембрионите, во нивните мускулни ткива почнале да се создаваат човечки клетки.

Истражувањето траело четири години, а биле употребени 1.500 свински ембриони.