!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Едно лице повредено во тепачка за огревно дрво


Кичево, 13 март, 2017 - 14:14 (META) 

Во кавга, а потоа тепачка што се случила вчера попладне во Кичево, расеченица на лицето добил 44-годишник, соопшти полицијата.

Инцидентот се случил околу 13.30 часот на улицата Осојски пат во Кичево, при што по кавга околку огревно дрво, дошло до тепачка помеѓу А.Х. (44) и Т.М. (21), обајцата кичевци. Притоа помладиот со остар предмет му нанел повреда на лицето на постариот, по што тој е однесен во кичевската болница, а откако таму му е укажана лекарска помош, е препратен во Медицинскиот центар во Битола.

Полицијата извршила увид, при што на местото на настанот е пронајден нож. Се работи на расчистување на случајот, известува полицијата.