Одрон на патот Тетово – Попова Шапка, сообраќајот се одвива по една лента


Скопје, 14 февруари, 2018 - 19:52 (META) 

Сообраќајот на патниот правец Тетово – Попова Шапка се одвива по една лента поради одрон на патот, информираат од Автомото-сојузот на Македонија.

Сообраќајот на државните патишта се одвива по влажни коловози, а нa повисоките места има остатоци од кашeст снег.

Во клисурите и засеците можна е појава на одрони, особено на патните правци Кочани –  Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.


Одрон на патот Дебар – Струга, сообраќајот се одвива по една лента


Скопје, 17 декември, 2017 - 11:02 (META) 

Сообраќајот на регионалниот пат Дебар – Струга во близина на село Џепиште поради одрон на голем камен се одвива по една коловозна лента во должина од 20 метри, соопштија денеска од АМСМ и додаваат дека на самото место е поставена соодветна сообраќајна сигнализација.

На останатите државни патишта сообраќајот се одвива по влажни коловози, а поради маглата, видливоста на Стража, Плетвар и Штип-Неготино е намалена од 50 до 100 метри. Снег провејува на Попова Шапка и Буково, но не се здржува на коловозот.

Од АМСМ препорачува внимателно возење, прилагодена брзина на движење и почитување на поставената сообраќајна сигнализација.

Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и за излез од државата.

Од 15-ти ноември стапи на сила законската обврска за задолжително поседување на зимска опрема во возилата, без оглед на временската состојба. Оваа обврска ќе трае до 15-ти март 2018 година.


Земјотресот во Кина усмрти 19 лица, а 100 туристи се заробени под одрон


Пекинг, 9 август, 2017 - 10:21 (META) 

Најмалку 19 лица загинаа, а 247 се повредени во земјотресот со јачина од 6,5 степени според Рихтеровата скала, што го погоди планинскиот дел на Сичуан, на југозападот на Кина, соопшти денеска провинциската влада.

Властите, исто така, соопштија дека околу 100 туристи се заробени во одрон што се случил по вчерашниот земјотрес, додека кинеската државна новинска агенција „Синхуа“ јавува дека 31.500 туристи се евакуирани од зоните погодени од земјотресот.

Повеќе од 600 пожарникари и војници се распоредени во погодената област, а Црвениот крст на Кина соопшти дека испратени се експерти за вонредни состојби и волонтери за пружање помош на загрозените жители.

– Земјотресот се случи во текот на ноќта, комуникациските линии и електричната енергија се во прекин, а луѓето секако се во шок и во страв – рече портпаролка на Меѓународниот сојуз на Црвената полумесечина во Кина, Гвенделин Панг, додавајќи дека ќе треба време за да се утврди точниот размер на штетите и бројот на жртвите.

Епицентарот на земјотресот беше на 200 километри северозападно од Гуангјуан, на длабочина од 32 километри.


Голем одрон го затрупа патот кон тетовско Бањиче


Тетово, 28 април, 2017 - 13:26 (META) 

Вчера попладне на патот кој води кон рекреативното место Бањиче во Тетовско, наспроти објектот на хидроцентралата на реката Пена, паднал голем одрон од земја и од камења.

Според Секторот за сообраќај и патишта при Општина Тетово, одронот за неколку часа е отстранет, но оттаму апелираат овој патен правец да не се користи, освен во случај на голема потреба, затоа што сè уште постои ризик да се појават свлечишта.

Екипи постојано го контролираат овој патен правец сè додека состојбата не се стабилизира. Во меѓувреме, надлежните вршат проценки и утврдуваат на кој начин и со какви градежни активности би било најдобро и најбрзо да се сопрат ерозивните процеси на земјата над овој патен правец.

Патниот правец кон рекреативното место Бањиче почна да се реконструира како дел од проектот за реконструцкија на горниот тек на реката Пена.


Најмалку 24 луѓе загинаа при одрон на депонија во Етиопија


Адис Абеба, 12 март, 2017 - 15:15 (META) 

Најмалку 24 лица загинаа, а 28 се повредени во одрон на депонија што се случи денеска во предградие на главниот град на Етиопија, Адис Абеба.

Градоначалникот на Адис Абеба, Дириба Куме, вели дека најверојатно бројката на жртви ќе се зголеми зашто уште околу 30 лица се водат како исчезнати. При одронот на депонијата, целосно се урнати околу 30 импровизирани живеалишта.

Според проценката на некои од жителите на депонијата, во моментот на несреќата на тоа место имало околу 150 лица.


Поради одрони, затворен патот Ресен – Битола


Битола, 10 септември, 2016 - 9:34 (META) 

Поради одрони, затворен за сообраќај е магистралниот пат А-3, Ресен – Битола – Прилеп, кај Битола, а возилата се пренасочуваат низ градот, информираат од Автомото-сојузот на Македонија (АМСМ).

Оттаму соопштуваат дека сообраќајот на сите државни патишта се одвива без забрани, по влажни коловози.

Обиколницата кај Скопје е пуштена за сообраќај во двата правци, но има делови од коловозот кои се оштетени, каде се поставени сообраќајни знаци за регулирање на брзината на движење на возилата, велат од АМСМ.

Интензитетот на сообраќајот на патните правци надвор од градските средини е зголемен, а на граничните премини нема подолги задржувања за влез и за излез од државата. Оваа информација се однесува само за македонската страна на премините.


Во одрон на земјиште во Кина загинаа 31 лице


Пекинг, 9 мај, 2016 - 19:17 (META) 

Бројот на жртвите во одронот кој затрупа работници на градилиште во кинеската провинција Фуџен се зголеми на 31 лице, додека седум луѓе се водат како исчезнати.

До несреќата дошло во неделата, околу 5 часот наутро по локално време, на градилиштето во округот Таининг на југоистокот на Кина, кога 100.000 кубни метри камења и кал ги затрупаа просториите во кои спијат работници.

Функционер во кинеската Комунистичка партија изјави дека причините за несреќата засега не се познати, но дека на тоа место со денови имало интензивни врнежи од дожд.

Во Кина од средата има силни врнежи на дожд кои предизвикаа поплави и одрони на повеќе локации.

Кинескиот претседател Си Џинпинг повика на преземање максимални напори за пронаоѓање на преживеани, а во акцијата за спасување ангажирани се повеќе од 400 лица.


Свлечиште на локалниот пат кај Крива Паланка отсече три села


Крива Паланка, 30 март, 2016 - 18:18 (META) 

Свлечиште кое настана на локалниот патен правец од Крива Паланка до селата Дурачка Река и Станци го затвори сообраќајот за околните села.

Селаните велат дека вчера на локалниот пат имало помало свлечиште,  но во текот на вечерта врз патот се одронила повеќе земја.

Како што објаснуваат надлежните, одронот најверојатно настанал поради големата количина вода која од врнежите дотекувала на постојниот пат за село Дренак.

Од општината Крива Паланка информираат дека веќе е интервенирано до министерството за транспорт и врски.

Околу 300 жители од селата Станци, Дренак и Дурачка река се отсечени од градот.


Одрони, свлечишта и влажни коловози на повеќе патни правци


Скопје, 13 март, 2016 - 10:30 (META) 

Поради свлечиште на патниот правец А3 обиколница Битола -Ресен сообраќајот е во прекин во двата правци. Како алтернатива сообраќајот се пренасочува преку Битола, информираат од АМСМ.

Поради врнежите од дожд и можноста од повторно активирање на свлечиштата од превентивни причини патниот правец Кочани-Делчево останува затворен за сообраќај. Сообраќајот е пренасочен преку Виница-Смојмирово-Делчево.

Сообраќајот на општинскиот пат село Долни Полог-село Облешево пред Кочанска Река е во прекин поради прекопан коловоз и е направен канал за одводнување на надојдена атмосферска вода од врнежи на дожд.

Според информација од МВР на регионалниот пат Берово – Виница поради одрон на камења сообраќајот се одвива наизменично по една коловозна лента.

На патниот правец Куманово – Крива Паланка кај село Страцин има свлечиште со кал и земја, со што е зафатена една лента од патот. Се препорачува внимателно возење и следење на поставената сообраќајна сигнализација.

Сообраќајот на сите останати државни патишта во Македонија се одвива без забрани, по влажни коловози. Слаб снег провејува на Попова Шапка кој не се задржува на коловозот.

Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Гостивар – крак Маврово – Стража, Демир Капија – Удово, Виница – Берово, Кочани-Делчево и Ресен – Буково каде е можна почеста појава на одрони.

Интензитетот на сообраќај на патните правци надвор од градските средини е умерен, а граничните премини нема подолги задржувања за влез и за излез од државата.


Свлечиште на патот Куманово – Крива Паланка


Скопје, 11 март, 2016 - 10:32 (META) 

Кај селото Страцин на патниот правец Куманово – Крива Паланка, свлечиште ја затвори едната лента од патот.

Екипите на јавното претпријатие „Македонија пат“ работат на расчистување на патот и на нормализирање на сообраќајот.

Авто-мото сојузот на Македонија препорачува внимателно возење и следење на поставената сообраќајна сигнализација.

Претходно, АМСМ информираше дека сообраќајот е во прекин на патот Кочани – Делчево поради одрон, а како алтернатива на возачите им се препорачува да го користат патот Виница – Смојмирово – Делчево.

Од 17 часот вчера во прекин е и патот од селото Долни Полог – Облешево пред Кочанска Река поради прекопан коловоз и е направен канал за одводнување на надојдена атмосферска вода од врнежи на дожд.

Одрони има на патот Берово – Виница и таму сообраќајот се одвива наизменично по една коловозна лента, а на виничката раскрсница меѓу селата Истибања и Калиманци, сообраќајот е блокиран во двата правци и се пренасочува преку Виница.