Времето променливо облачно, температурата до 10 степени


Скопје, 14 февруари, 2019 - 9:20 (META) 

Во Македонија претпладне времето ќе биде сончево со мала облачност, а околу пладне и попладне облачноста ќе се зголемува па ќе преовладува променливо облачно со сончеви периоди.
Ќе дува умерен до засилен ветер од северозападен правец, особено изразен долж Повардарието.

Температурата ќе се движи од -1 до 10 Целзиусови степени.

Во Скопје променливо облачно време со температура од -2 до 7 Целзиусови степени.

И утре ќе дува умерен до засилен северен ветер, а ќе има и локални врнежи од снег. Од сабота следува период на претежно сончево време со пораст на дневната температура.


Променливо облачно време со ветер и повремен снег


Скопје, 12 февруари, 2019 - 9:24 (META) 

Времето во Македонија ќе биде променливо облачно и постудено, со повремен локален снеr, особено на запад и претежно претпладне. Ќе дува засилен северен ветер, најизразен долж Повардарието.

Дневната температура ќе изнесува од 0 до 9 Целзиусови степени.

Во Скопје ќе биде променливо облачно. Ќе дува засилен северен ветер. Дневната температура ќе се искачи до 5 Целзиусови степени.


Сончево со умерена облачност и ветер


Скопје, 8 февруари, 2019 - 9:17 (META) 

Времето во Македонија денеска ќе биде сончево, со мала до умерена облачност и со слаб до умерен ветер од северен правец, вели прогнозата на Управата за хидрометеоролошки работи.

Утринската температура се движеше од -3 до 3, а дневната ќе се движи во интервалот од 3 до 13 Целзиусови степени.

Во Скопје, слично време, сончево со мала до умерена облачност и со слаб до умерен ветер од северен правец. Утринската температура се спушти до -3, а дневната ќе достигне до 8 Целзиусови степени.

За време на викендот времето ќе биде стабилно и суво, со пониски утрински температури, а дневните ќе бидат во постепен пораст. По одделни котлини ќе има појава на утринска магла.

В понеделник ќе дува засилен јужен ветер, а попладне од запад ќе започнат врнежи, претежно од дожд. Од вторник ќе биде постудено и врнежите ќе преминуваат во снег.


Облачно и ветровито време, со повремен дожд


Скопје, 6 февруари, 2019 - 9:12 (META) 

Времето денеска ќе биде облачно, постудено и ветровито со повремени врнежи од дожд, со слаб до умерен интензитет. На планините и на некои места врнежите ќе бидат од снег. Ќе дува умерен до засилен северен ветер, особено претпладне и најизразен долж Повардарието.

Дневната температура ќе биде во интервал од 4 до 9 Целзиусови степени.

Во Скопје ќе биде облачно и ветровито, околу пладне и попладне со повремен дожд. Ќе дува умерен, претпладне засилен северен ветер. Максималната температура ќе биде околу 6 Целзиусови степени.

Од утре следува период на стабилно време со пониски утрински температури, а дневните ќе бидат во постепен пораст. Утре се уште ќе има зголемена облачност, а од петок и особено за време на викендот ќе биде посончево и потопло, со дневна температура што во поголем дел од земјава ќе биде од 10 до 15 Целзиусови степени.


Претежно облачно денеска, со повремен дожд


Скопје, 29 јануари, 2019 - 9:12 (META) 

Во Македонија денеска времето ќе биде претежно облачно со повремени врнежи од дожд, особено попладне и кон крајот на денот.

На планините над 1.400 метри надморска височина ќе има врнежи од снег. Пообилни врнежи ќе има во текот на ноќта во источните делови од земјава.

Максималната температура ќе биде во интервал од 3 до 10 Целзиусови степени.

Во Скопје времето ќе биде претежно облачно. Кон крајот на денот ќе има услови за повремени врнежи од дожд. Максималната температура ќе достигне 5 Целзиусови степени.

Во следните два дена, до четврток, ќе преовладува променливо облачно време со повремени врнежи од дожд, а на планините од снег. Од петок до недела се очекува стабилно време и значително затоплување, особено на повисоките места и на планините, што ќе услови топење на снежната покривка.

Утрово најмногу снег 97 сантиметри е измерен на Попова Шапка, 67 сантиметри во Маврови Анови, 48 во Крушево, а најмалку 3 сантиметри во Скопје – Зајчев Рид, како и во Претор, Струмица и Куманово.


Облачно и ветровито време, со дожд и снег


Скопје, 3 јануари, 2019 - 9:02 (META) 

Времето денеска ќе биде облачно и ветровито, со врнежи од снег, кои ќе бидат поинтензивни претпладне и во западните и јужните делови од земјата. Ќе дува умерен северен ветер кој на северот и долж Повардарието ќе засилува, вели прогнозата на Управата за хидрометеоролошки работи (УХМР).

Максималната температура ќе биде во интервал од -4 до 3 Целзиусови степени.

Во Скопје ќе биде облачно студено и ветровито со повремен слаб снег, претежно претпладне. Ќе дува умерен до засилен северозападен ветер. Максималната температура ќе достигне до 2 Целзиусови степени.

Најниска температура изутрина во 7 часот во Македонија е измерена во Маврово, каде се регистрирани – 8 степени, по што следат Крушево со – 7, Лазарополе со – 4, Берово, Охрид, Претор и Прилеп со -3, -Виница, Битола и Крива Паланка со – 2, Тетово и Штип со -1.

Како што соопшти УХМР, најмногу снег има во Маврово каде снежната покривка е 26 сантиметри, во Крушево 22, во Битола 15, Тополчани 12, а 8 сантиметри во Пожаране и Лазарополе.

Утре времето ќе биде променливо облачно со повремени врнежи од снег, претежно во јужните делови и на југоистокот. Ќе продолжи да дува северен ветер поинтензивен долж Повардарието. Поради многу ниските температури ќе има појава на голомразица.

За време на викендот ќе има особено ниски утрински температури. В сабота преку денот ќе има повеќе сончеви периоди, а в недела повеќе облачност се очекува во северните делови, каде што ќе има услови за локална појава на снег.


Сончев ден со мала облачност денеска


Скопје, 28 декември, 2018 - 9:33 (META) 

Времето во Македонија ќе биде сончево со мала до умерена облачност и со слаб северозападен ветер. Претпладне по одделни котлини ќе има услови за појава на магла, вели прогнозата на Управата за хидрометеоролошки работи (УХМР).

Дневната температура ќе се движи од 4 до 12 Целзиусови степени.

Во Скопје времето ќе биде слично, сончево со мала до умерена облачност и со слаб северозападен ветер. Дневната температура ќе достигне 6 Целзиусови степени.


Сончево време со мала облачност, од недела снег


Скопје, 27 декември, 2018 - 9:21 (META) 

Времето денеска ќе биде сончево, со мала до умерена облачност. Ќе дува слаб до умерен северозападен ветер. Максималната температура ќе биде во интервал од 2 до 10 Целзиусови степени, вели прогнозата на Управата за хидрометеоролошки работи (УХМР).

Во Скопје ќе преовладува слично време, сончево со мала до умерена облачност и со слаб северен ветер. Максималната температура ќе достигне до 6 Целзиусови степени.

Следува период на стабилно и суво време, со ниски утрински температури и со слаб до умерен северозападен ветер.

Утре ќе се зголемат условите за појава на магла по котлините. В недела кон крајот на денот и в понеделник се очекува зголемена облачност со локални врнежи, претежно од снег.


Променливо облачно време со умерен северозападен ветер


Скопје, 26 декември, 2018 - 9:25 (META) 

Времето денеска ќе биде променливо облачно и студено со умерен северозападен ветер најизразен долж Повардарието. Попладне облачноста ќе се намалува.

Температурата ќе се движи од два Целзиусови степени под нулата до три Целзиусови степени.

Во текот на утрешниот ден времето ќе биде сончево со умерена облачност. Ќе дува слаб до умерен северозападен ветер.

Во петок и сабота, синоптичарите најавуваат сончево време со умерена облачност. По одделни котлини ќе има услови за појава на утринска магла. Ќе дува слаб до умерен северозападен ветер.


Денеска претежно облачно, со врнежи од дожд и снег


Скопје, 14 декември, 2018 - 9:25 (META) 

Времето ќе биде претежно облачно претпладнево, посебно во посеверните делови, со локални врнежи претежно од снег и на пониските места, а кон југоисток врнежите ќе се од дожд. Попладне врнежите ќе престануваат. Ќе дува слаб до умерен југоисточен ветер.

Температурата преку денот ќе биде во интервал од 2 до 7 Целзиусови степени.

Во Скопје претежно облачно, со услови за краткотраен дожд кој повремено ќе преминува во провејување на снег, а попладне врнежите ќе престануваат. Температурата ќе достигне до 4 Целзиусови степени.

Утре поради благо затоплување, врнежите во пониските места ќе бидат од дожд, а најмалку ќе се појавуваат во централните делови. Нови бран од врнежи ќе започне од утре преку ноќта од запад, а в недела врнежите ќе преминуваат кон исток и ќе се од снег и на пониските места. На места врнежите ќе бидат пообилни, особено на запад и север.