!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

СДСМ: За зајакнување на економијата, украдените пари ќе се враќаат во буџетот


Скопје, 11 јуни, 2017 - 12:26 (META) 

„Граѓаните ќе дознаат и ќе видат какви злоупотреби се правени и за каков луксуз се трошени нивните пари во изминатите 11 години што предизвика 500.000 граѓани, заради таквото расипничко однесување на ВМРО-ДПМНЕ и на Никола Груевски, да живеат под прагот на сиромаштијата“, се вели во реакцијата на СДСМ на соопштението на ВМРО-ДПМНЕ.

Во него се додава дека тоа е најголемиот страв на криминалното раководство на ВМРО-ДПМНЕ предводено од Никола Груевски.

„Украдените пари ќе се враќаат во буџетот и тоа е еден од начините како ќе се зајакнува економијата и како ќе се отвораат реални работни мести. Заврши времето кога иселувањето на младите, бришењето на невработените од евиденција и нарачаните бројки од контролирани институции, ВМРО-ДПМНЕ можеше да го прикажува како намалување на невработеноста“, велат од СДСМ.


СДСМ: Невработеноста ќе се намалува реално, а не декларативно


Скопје, 10 јуни, 2017 - 17:46 (META) 

„Невработеноста ќе се намалува реално и тоа ќе го чувствуваат сите граѓани, а не декларативно како што досега правеше ВМРО-ДПМНЕ, преку нарачани бројки од контролирани институции, бришење од евиденција на невработените лица и иселувањето на младото работоспособно население надвор од државата“, се вели во реакцијата на СДСМ на прес-конференцијата на членот на ИК на ВМРО-ДПМНЕ, Христијан Мицкоски.

Во соопштението се додава дека „нелогично е да се намалува стапката на невработеност во услови кога економијата стагнираше заради блокадите и опструкциите на ВМРО-ДПМНЕ на демократските процеси за формирање на новата влада.“

„Потребен е економски пораст што ќе ги апсорбира новотворените работни места“, се додава во соопштението.


Мицкоски: Ветувањата кои ги даде новата влада мора да се реализираат со рокови


Скопје, 10 јуни, 2017 - 15:26 (META) 

„Невработеноста падна на рекордно најниско ниво и сега изнесува 22,9 проценти. Тоа е разликата помеѓу напорното работење на ВМРО-ДПМНЕ и деструктивните политики на СДС“, изјави членот на ИК на ВМРО-ДПМНЕ, Христијан Мицкоски, на прес-конференција.

Според него, „ваквите резултати не се постигнуваат со манипулации и со креирање лажни вести, туку со посветеност, знаење и со работа“.

– Напорната работа, активните мерки за вработување, ниските даноци, политиката на странски инвестиции, поволната бизнис-клима, оперативните планови на Владата за вработување кои беа спроведувани изминативе години, придонесоа невработеноста да се намали на историски најниски 22,9 проценти – изјави Мицкоски.

Тој додаде дека ветувања кои се дадени од страна на новата влада предводена од СДСМ, мора да се реализираат со роковите што ги задале како ветувања, а не да се релативизираат.


Невработеноста во првиот квартал изнесува 22,9 проценти, објави ДЗС


Скопје, 10 јуни, 2017 - 10:32 (META) 

Во првото тримесечје од 2017 година, активното население во Македонија брои 952.644 лица од кои вработени се 734.043, а 218.601 лице се невработени, објави Државниот завод за статистика.

Стапката на активност во овој период е 56,7 проценти, стапката на вработеност е 43,7 проценти, додека стапката на невработеност е 22,9 проценти.

Стапката на невработеност во првиот квартал годинава, споредено со истиот период лани, е намалена за 1,6 отсто.


ВМРО-ДПМНЕ: Граѓаните очекуваат да почнат да се градат 500 километри автопат


Скопје, 5 јуни, 2017 - 9:48 (META) 

„СДСМ даде ветувања кои не може да се остварат само со интриги, манипулации и со лажни обвинувања кон ВМРО-ДПМНЕ. Граѓаните очекуваат СДСМ да почне и да изгради нови 500 километри автопат. Докторите очекуваат плата од 100.000 денари, пензионерите повисоки пензии, а вработените – просечна плата од 30.000 денари“, порача ВМРО-ДПМНЕ во соопштение.

Партијата нагласува дека во текот на нејзиното владеење од 2006 година успеала стапката на невработеност од 38 отсто да ја намали „на најниски во историјата на независна Македонија 23,1 отато“ и дека донела многу странски инвестиции.

„Донесовме огромен број странски инвестиции, а Македонија е рангирана на високото десетто место во светот, а петтото во Европа за водење бизнис, според извештајот на Светска Банка, „Дуинг бизнис“, извештај на кој во времето на СДС бевме на срамното 96. место. ВМРО-ДПМНЕ повторно ја врати довербата на граѓаните во државата, кои 11 години по ред на сите изборни циклуси гласаат за програмата на партијата“, се вели во соопштението.


ВМРО-ДПМНЕ: СДС е црната чума во поглед на невработеноста


Скопје, 1 јуни, 2017 - 9:50 (META) 

„СДС е црната чума која ѝ се случи на Македонија во поглед на невработеноста. Во времето на СДС, таа изнесуваше енормни 38 отсто, а ВМРО-ДПМНЕ со посветена работа и со ефикасна економска политика успеа да ја намали на историски најниски 23,1 отсто“, порача опозициската партија во своето редовно утринско соопштение, во кое прави споредби за повеќе сфери во текот на владеењето на СДСМ и во текот на нејзиното владеење со државата.

ВМРО-ДПМНЕ вели оти се сомнева дека СДСМ ќе може да ги повтори нејзините успеси.

„ВМРО-ДПМНЕ остави цврсто трасиран пат кон ЕУ и кон НАТО, здрава економија, со добра основа за пораст и развој, пат кој оваа некадарна гарнитура на СДС тешко ќе може да го следи“, стои во соопштението.


ВМРО-ДПМНЕ: Секогаш кога СДС е на власт невработеноста енормно расте


Скопје, 28 мај, 2017 - 10:18 (META) 

ВМРО-ДПМНЕ е партија која секојдневно се грижи за потребите на граѓаните на Република Македонија. ВМРО-ДПМНЕ напорно работи за да се подобри стандардот, а доказ за тоа се бројните мерки и реформи што ги има реализирано, се вели во редовното утринско партиско соопштение.

„ВМРО-ДПМНЕ мораше да работи напорно за да се намалат штетите од лошото и катастрофално владеење на СДС кои кога беа на власт оставија 200.000 луѓе без работа и затворија 684 фабрики со криминалната приватизација. Статистиката покажува дека секогаш кога СДС е на власт невработеноста енормно расте. Во време на СДС невработеноста достигна рекордни 38 отсто. Но Владата на ВМРО-ДПМНЕ со реални проекти невработеноста ја намали на најниско ниво и тоа на 23,1 отсто. Сето ова ВМРО-ДПМНЕ го постигнува со заложбата да привлече што е можно повеќе странски инвестиции, додека СДС ги затвораше фабриките“, велат од партијата.

Според ВМРО-ДПМНЕ додека тие преку различни мерки ја намалувале невработеноста во СДСМ најавува блокади на веќе отпочнатите проекти.


ВМРО-ДПМНЕ: СДС остави повеќе од 200.000 луѓе без работа и затвори 684 фабрики


Скопје, 25 мај, 2017 - 18:53 (META) 

„СДС е најголемата штета што некогаш и се случила и може да и се случи на македонската економија, СДС во текот на своето управување со македонската економија покажа како не треба да се води една национална економија,“ се вели во реакцијата на ВМРО-ДПМНЕ на соопштението на СДСМ.

Од партијата велат дека „СДС остави повеќе од 200.000 луѓе без работа, затвори 684 фабрики, празни рафтови по продавниците и недостаток на производи.“

„Владата предводена од ВМРО-ДПМНЕ со своите квалитетни економски мерки успеа да отвори над 170.000 нови работни места со што невработеноста од некогашните 38 проценти во времето на СДС ја симна на 23,1 проценти. Квалитетната економска политика, која ја водеше владата предводена од ВМРО-ДПМНЕ, во изминатиов период ја рангираше државата во десетте најдобри економии во светот, а меѓу петте најдобри во Европа, според извештајот „Дуинг бизнис“ на Светска банка“, велат од ВМРО-ДПМНЕ.


ВМРО-ДПМНЕ: СДСМ нема право да зборува за невработеноста


Скопје, 13 мај, 2017 - 19:36 (META) 

СДСМ е политичка партија што нема никакво право да зборува за невработеноста и за економијата во Република Македонија, порача ВМРО-ДПМНЕ во реакција на соопштението на СДСМ за стапката за невработеност.

Според ВМРО-ДПМНЕ, народот ја памети СДСМ „само по уништувањето на македонската економија за сметка на личниот интерес на нивната врхушка. Во време на владеењето на СДС, невработеноста достигна високи 38 отсто, благодарение на нивните лични интереси и на погубните политики што ги спроведуваа. Граѓаните единствено ја паметат СДС по празните ветувања, кои останаа синоним за уништување на државата и на просперитетот на граѓаните. За разлика од нив, ВМРО-ДПМНЕ успеа да ја намали невработеноста од рекордни 38 отсто кои ги затекнавме од СДС, на ниски 24 отсто“, се вели во реакцијата од ВМРО-ДПМНЕ.


СДСМ: Сè поголем е бројот на млади без работа, новата влада ќе се зафати со проблемот


Скопје, 13 мај, 2017 - 16:09 (META) 

„Дури и контролираниот Државен завод за статистика не може повеќе да сокрие дека младинската невработеност се зголемува. Лани повеќе од 48 проценти од младите од ДЗС биле регистрирани како невработени“, реагира СДСМ.

„Ова претставува сериозен проблем за економската иднина на земјата. Затоа најмалку 626.312 граѓани заминаа од Македонија, од кои најголем број млади. Ова потврдува зошто мора итно да се овозможи формирањето на новата реформска влада. Преку младинска гаранција за вработување, пракса или дошколување по завршувањето факултет, преку иновациски центри со бесплатен деловен простор, поволни кредити за микро-бизниси, основање фирма со 1 евро… ќе ги отвориме перспективите за вработување, напредок и за кариера на младите и ќе ги мотивираме да работат и да живеат во Македонија“, се вели во соопштението од партијата.