!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Најмалку 30 лица загинаа, а 15 се повредени во автобуска несреќа во Непал


Катманду, 28 октомври, 2017 - 14:33 (META) 

Најмалку 30 лица загинаа, а 15 се повредени во автобуска несреќа што се случила во близина на Катманду, соопштила полицијата. Автобусот излетал од патот во реката Тришули, која е позната по брзите и силни водени струи.

На теренот се припадници на војската и нуркачи, кои се обидуваат да ги пронајдат телата на патниците.

– Досега извлековме 30 тела и веруваме дека сè уште има заглавени во потонатиот автобус – соопштиле локалните власти.

Причина за сообраќајните несреќи во Непал се неодржувањето на патиштата, особено во планининските области, и лошата состојба на возилата.


Десетици загинати во поплавите и лизгање на земјиштето во Непал


Катманду, 13 август, 2017 - 13:05 (META) 

Најмалку 40 лица загинале во лизгање на земјиштето и поплавите предизвикани од монсунските дождови во Непал, соопштија властите на оваа земја, јавуваат светските агенции.

Во националниот парк Читван поради поплавите хотелите ги преместиле гостите на повисоките катови, а туристите сместени во еден од нив со слонови биле однесени до блискиот пат за да можат да стигнат до главниот град на земјата – Катманду.

На истокот на Непал бил затворен аеродромот во Биратнагару, кој бил еден метар под вода.

Оваа година во Непал како последица на монсунските дождови загинаа повеќе од 100 лица.


Потврдена смртта на 23 лица во авионската несреќа во Непал


Катманду, 24 февруари, 2016 - 11:27 (META) 

Дваесет и три лица ззагинааа при откако авион се урна поради лошото време во Непал, соопшти полицијата.

Авионот, сопственост на приватната компанија „Тара ер“ летал од Похара, јужно од главниот Катманду, кон Џомсом, во моментот кога изгубил контакт со контролата за летање.

– Авионот се распаднал и нема преживеани – рече полицискиот претставник Бишвараџ Кадка.

Претставниците велат дека густа магла го обвила подрачјето Мостанг, во кое паднал авионот.

Областа на планината Анапурна е популарна меѓу излетниците.

Сличен авион падна на западот на Непал во 2014 година, при што загинаа 18 лица.


Авион со 21 патник исчезна над Непал


Катманду, 24 февруари, 2016 - 9:54 (META) 

Најмалку 21 патник денеска исчезна во планинскиот дел на западот на Непал, соопштија властите.

Авион во сопственост на компанијата „Тара ер“ бил на пат од местото Похара кон Џомсом, а контактот со леталото е изгубен непосредно по полетувањето. Се верува дека два патника биле странци, а во авионот имало и две деца.

Потрагата по исчезнатото летало е отежната поради лошите временски услови. Похара е одморалиште, оддалечено околу 200 километри западно од главниот град Катманду.

Џомсом е појдовна точка за многу туристи, кои ги посетуваат Химелаите. Меѓу ови две места нема аеродром.


Свлечишта во текот на ноќта голтнаа шест села во Непал


Катманду, 11 јуни, 2015 - 14:05 (META) 

Најмалку 15 лица се водат како исчезнати во лизгање на земјиште предизвикано од обилните дождови во планинскиот регион на Непал.

Како што јавуваат локалните медиуми, во североисточниот дел на земјата шест села се целосно затрупани додека жителите спиеле. Селата се наоѓаат во недостапниот планински дел.

Свлечиштата се вообичаени во планинските области на Непал, особено во периодот на монсуните, кој почнува во јуни и ќе трае до крајот на септември.


Пронајден американскиот хеликоптер во Непал


Катманду, 15 мај, 2015 - 12:17 (META) 

Воените спасувачи на местото каде се урна американскиот хеликоптер, пронашле три тела, соопшти непалскиот министер за одбрана Исвор Поуџал.

Претставникот на непалската Армија посочи дека во хеликоптерот имало осум лица, но засега не е познато дали некој од останатите лица преживеале.

Маринците ги забележале остатоците од хеликоптерот во близина на село, на надморска височина од 3.400 метри на стрмната падина, а непалски војници се упатиле на тоа место.

Хеликоптерот исчезна во регионот Долак, во источниот дел на Непал, додека пренесувал хуманитарна помош за луѓето што биле погодени од првиот земјотрес, кој се случи пред 17 дена.

Непал ангажира 600 војници за да трагаат по хеликоптерот, во кој имало шест американски маринци и двајца непалски војници, од кои двајца биле членови на екипажот, кои преку радио јавиле дека имаат проблем со горивото.

 


Во новиот земјотрес во Непал загинале 65 лица


Катманду, 13 мај, 2015 - 10:55 (META) 

Спасувачките екипи во Непал денеска се обидуваат да пронајдат преживеани во новиот земјотрес, во кој, според најновите податоци, настрадале 65 лица.

Земјотрес со јачина од 7,3 степени вчера во погоди Непал и предизвика лизгање на земјиште, поради што некои згради се урнале. Освен тоа, еден американски хеликоптер се води како исчезнат.

Спасувачките екипи сега се соочуваат со тешкотии за да им достават вода, храна и друга помош на жителите во загрозените места.

Непалската војска тргнала во акција за да ги пронајде американските маринци кои исчезнале на истокот на земјата. Во хеликоптерот имало шест маринци и двајца непалски војници.

Епицентарот на земјотресот бил на 76 километри од главниот град Катманду.

Во земјотресот, најсилниот што го погодил Непал во последните 80 години, пред три недели загинаа 8.000 лица.


Непал: 19 загинати во новиот земјотрес


Катманду, 12 мај, 2015 - 14:12 (META) 

Најмалку 19 лица загинаа, а 981 се повредени во новиот земјотрес со јачина од 7,3 степени според Рихтеровата скала што го денеска го погоди Непал.

Потресот доаѓа на помалку од три недели по катастрофалниот земјотрес што однесе 8.000 животи во Непал.

Епицентарот на земјотресот бил на 68 километри западно од градот Намче Базар, во близина на Монт Еверест, на длабочина од 19 километри, а веднаш по него се регистрирани и други земјотреси со јачина од 5,6 степени според Рихтеровата скала.

Новиот земјотрес уништи голем дел од станбените објекти кои го „преживеаја“ претходниот катастрофален земјотрес.


Нов земјотрес го погоди Непал


Катманду, 12 мај, 2015 - 11:15 (META) 

Силен земјотрес со јачина од 7,1 степени според Рихтеровата скала, денеска го погоди Непал, соопшти Американската агенција за геолошки истражувања.

Епицентарот бил на длабочина од 10 километри, 68 километри западно од Намче Базар, во близина на Монт Еверест.

Потресот се почувствувал и во главниот град на Индија, Њу Делхи, а следи неколку недели по разорниот земјотрес што го погоди регионот, во кој загинаа повеќе од 8.000 лица и кој уништи повеќе стотини илјади куќи.


ЕУ одобрила помош од 20 милиони евра за Непал


Брисел, 4 мај, 2015 - 18:46 (META) 

Европската унија одобрила финансиска и хуманитарна помош во вредност од 20 милиони евра за Непал, која на 25 април ја погоди силен земјотрес.

ЕУ оваа одлука денеска ја донела на барање на непалската влада, која ќе се соочи со огромен недостиг од пари доколку не добие поголема меѓународна помош. Непал ќе добие 16,6 милиони евра во вид на финансиска помош и три милиони евра во вид на хуманитарна помош.

– Штом бидат завршени процените за потребите, ние ќе разгледаме на кој начин можеме да помогнеме повеќе – рече европскиот комесар Невен Мимиц.

Непал е една од најсиромашните земји во светот. Во земјотресот загинаа најмалку 7.200 луѓе, а економијата е речиси целосно уништена.