!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Веб-страница овозможува да проверите дали хакери ви ја знаат лозинката


Сиднеј, 18 мај, 2017 - 16:14 (META) 

Благодарение на Трој Хант, регионален директор на „Мајкрософт“ за Австралија и експерт за компјутерска безбедност, кој ја создаде и ја одржува веб-страницата „Have I been pwned?“, сосема едноставно, брзо и бесплатно може да проверите дали злонамерни хакери ги украле од некоја база податоци вашите лозинки за различни веб-страници.

Според Хант, опфатени се некои од најголемите кражби на податоци во последниве години, но базата на веб-страницата се обновува.

Проверката е едноставна – внесете ја електронската пошта или корисничкото име и притиснете на копчето „pwned?“.

Засега веб-страницата има база на податоци за 215 различни веб-страници и за 3,75 милијарди налози.


Издадени налози за апсење на 42 новинари во Турција


Анкара, 25 јули, 2016 - 10:33 (META) 

Турските власти издале налози за апсење на 42 новинари, јавуваат светските агенции, повикувајќи се на информации на турската приватна телевизија НТВ.

Според информациите, станува збор за последен случај на апсења по неуспешниот обид за државен удар во земјата пред десет дена.

На листата на новинари за кои се издадени налози за апсење, според НТВ, се наоѓа и името на познатата коментаторка и поранешна пратеничка во турскиот парламент, Назли Илиџак.

Турските власти досега уапсија и ставија под истрага повеќе од 60.000 војници, полицајци, судии, наставници, државни службеници и други лица, во деновите по обидот за државен удар на 15 јули.